Isaías 20:3 - Q'eqchi Bible

³ Chirix chik a'an li Qaawa' kixye: “Laj Isaías, laj k'anjel chiwu, xwank chi maak'a' raq' chi moko xxaab' chiru oxib' chihab', a'an reetalil ut resilal cho'q reheb' laj Ejiipt ut eb' laj Etiopía.

Li Santil hu

³ Ut li Ka̱cuaꞌ quixye ajcuiꞌ: —Laj Isaías laj cꞌanjel chicuu quibe̱c chi ma̱cꞌaꞌ xa̱b ut chi ma̱cꞌaꞌ li kꞌes ru rakꞌ chirix chiru oxib chihab. Aꞌan retalil li raylal tenebanbil saꞌ xbe̱neb laj Egipto ut eb laj Etiopía.

Isaías 20:3 ပူးပေါင်းရင်းမြစ်များ

Isaías 8:18

Arin wankin wochb'eeneb' li walal xk'ehom we li Qaawa' jo' loq'laj eetalil cho'q reheb' laj Israel, sa' xk'ab'a' li Nimajwal Yos, li nahilank sa' li tzuul Sión.

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

Isaías 37:9

Aran laj Senakerib kirab'i resil naq laj Tirhaká, awab'ej re Etiopía, yo chi xik chi yalok rik'ineb' laj Asiria. Toja' naq kixtaqlaheb' wi' chik li xtaql rik'in laj Esekías ut kixye reheb':

Números 14:34

Chiru ka'k'aal kutan xeyal eeq'e chi xk'eeb'al reetal chanru li tenamit. Chiru ka'k'aal chihab' ajwi' teeriiqani leemaak, junq chihab' te'xtoj rix li junq kutan. Chi jo'kan teenaw k'aru naxk'ul li ani naxq'etq'eti rib' chiwu».

Ezequiel 4:3

Chap ajwi' jun perelaq li ch'iich', taak'e sa' eeyanq laa'at rik'in li tenamit, jo' ruuchil junaq suttz'akil ch'iich', ut taaka'ya chi us li tenamit jo' tawi' yookat chi yalok rik'in. A'an jun eetalil cho'q reheb' laj Israel.

Ezequiel 12:6

Chiruheb' ajwi' a'an, naq taa'ok li q'oqyink, taajelo li k'a'aq re ru aawe ut ayu. Taatz'ap chi t'ikr laawu re naq ink'a' taawil li na'ajej, xb'aan naq laa'ataq jun eetalil cho'q reheb' laj Israel”.

Ezequiel 30:6

«Jo'ka'in xye li Qaawa': Eb' li te'tenq'anq re Ejiipt te'kamq ajwi', ut taa'oso'q li xwankil Ejiipt li naxq'etq'eti wi' rib' chalen chaq Mikdol toj Asuán. Laa'in, li Qaawa', xinyehok re a'in».

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

Isaías 19:4

Tinq'axtesi Ejiipt sa' ruq' jun josq' aj winq; jun reemaaru aj awab'ej taanumtaaq sa' xb'eeneb'”, chan li Nimajwal Yos.

Jeremías 13:1

Li Qaawa' kixye we chi jo'ka'in: “Ayu, loq' chaq junaq aak'aamalsa' liino ut b'ak' chasa', ab'an maat'aqresi sa' ha'”, chan.

Ezequiel 4:1

“At kaamel winq, xok jun perelaq li xan, ut tz'iib'a chiru li reetalil li tenamit Jerusalén.

Ezequiel 30:4

Taachalq li raaxiik' sa' xb'een Ejiipt. K'ajo' naq te'xiwaq eb' laj Etiopía, naq naab'aleb' aj Ejiipt te'kamsiiq, naq taa'elq'aaq chixjunil li xb'ihomal li tenamit a'an ut taajuk'manq ajwi' li rub'elankil.

Sofonías 2:12

“Jo'kan ajwi' tinb'aanu eere laa'ex aj Etiopía: tex'oso'q xb'aan linq'esnal ch'iich'”, chan li Yos.