Isaías 2:22 - Q'eqchi Bible

²² Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

Li Santil hu

²² Me̱cꞌojob e̱chꞌo̱l saꞌ xbe̱neb li cristian xban nak eb aꞌan ma̱cꞌaꞌ nequeꞌoc cuiꞌ. Moco najt ta nequeꞌcuan. ¿Cꞌaꞌru aj e nak te̱qꞌueheb xlokꞌal?

Isaías 2:22 ပူးပေါင်းရင်းမြစ်များ

Jeremías 17:5

Jo'ka'in kixye li Qaawa': “Majewanb'ilaq li naxkawub'resi xch'ool chirix li winq, a' li naxsik' xtenq'ankil rik'in li yal kaamel ut li Qaawa' naxtz'eq chirix li xch'ool.

Salmos 146:3

Meesik' xk'ojob'ankil eech'ool rik'ineb' li xninqal ru winq: a'an yal winqeb', ut ink'a' naru texkole'q xb'aaneb'.

Santiago 4:14

ut ink'a' nekenaw k'aru teek'ul wulaj. K'a' ta chik ru leeyu'am? A'an chanchan li k'ajob' nak'utunk jun k'amokaq, ut chirix chik a'an nasachk.

Salmos 8:4

Naq ninka'ya li choxa yiib'anb'il aab'aan, li po ut li chahim k'ojob'anb'ileb' sa' xna'aj,

Isaías 40:15

Chiru li Qaawa' eb' li tenamit chanchaneb' jun tz'uqul chi ha' sa' junaq sek', kama' wi' junaq ru li pojtz' sa' li peex; eb' li na'ajej sa' xyi li palaw jo' raalal li xk'aj li pek.

Salmos 62:9

Kawaq eech'ool rik'in chi junelik, laa'ex li xloq'laj tenamit; tehomaq leech'ool chiru: li Yos a'an li nokoomuhenk wi'.

Génesis 7:22

Kilaje'kamk chixjunileb' li neke'musiq'an ut chixjunil li wank sa' ruuchich'och'.

Génesis 2:7

Toja' naq li Qaawa' Yos kixyoob'tesi li winq rik'in xpojtz'il li ch'och'. Chi apunb'il kiroksi li xmusiq' sa' ru'uj, ut chi jo'kan li winq kiwank xyu'am.

Li xHu LAJ JOB 27:3

ninye li waatin naq jo' najtil tinyo'yooq ut tixk'e linyu'am li Qaawa' Yos

Isaías 40:17

Chiru li Qaawa' chixjunileb' li tenamit sa' ruuchich'och' chanchan naq maak'a'eb'; maak'a' neke'ok wi', tik maak'a'eb' aj e.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Malaquías 3:15

Laa'o xqak'e reetal naq saheb' sa' xch'ool eb' li q'etq'et, ut jwal us neke'elk li yib'ru xna'leb'eb' rik'in xb'aanunkil li maa'usilal: us ta neke'xyal rix li Yos, maajun rahilal neke'xk'ul»”.