Isaías 2:19 - Q'eqchi Bible

¹⁹ Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Li Santil hu

¹⁹ Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal ut lix cuanquilal li Dios.

Isaías 2:19 ပူးပေါင်းရင်းမြစ်များ

Isaías 2:10

Ch'ikomaq eerib' sa'eb' li ochoch pek, muqomaq eerib' sa'eb' li siwan re xkolb'al eerib' chiru xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

San Lucas 23:30

Toja' naq eb' li tenamit te'xtikib' xyeeb'al reheb' li tzuul: «T'anenqex chaq sa' qab'een»; ut reheb' li ninqi b'ool: «Chooheemuqaq!».

Oseas 10:8

Te'sachmanq eb' li tijob'aal wankeb' chi tzuul b'arwi' neke'maakob'k eb' laj Israel; k'im ut k'ix taak'iiq sa' xb'eeneb' li artal. Toja' naq te'xye reheb' li tzuul: “Chooheemuq”; ut reheb' li b'ool: “Chex'uq'e'q sa' qab'een”, cha'qeb'.

Isaías 2:21

Eb' li poyanam te'xch'ik rib' sa'eb' li ochoch pek ut sa' xyanqeb' li saqoonak, re naq te'kole'q chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.

Hebreos 12:26

Li xyaab' xkux li Yos kireek'asi li ruuchich'och' naq ki'aatinak, ab'an anaqwan naxye qe: “Jun sut chik tweek'asi moko ka'aj ta wi' li ruuchich'och', tweek'asi aj b'an wi' li choxa”.

Hageo 2:6

Wulak re xq'ehil naq tinhich'hich'i li choxa, li ruuchich'och', li palaw ut li chaqich'och';

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Apocalipsis 16:18

Ut ke'chalje'k raq'kaaq, xyaab' kuxej, kaaq ut jun li nimla hiik: maajun sut wanjenaq hiik jo'kan xkawil, chalen chaq sa' rokikeb' li winq sa' ruuchich'och'.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Apocalipsis 9:6

Sa'eb' li kutan a'an eb' li winq te'xsik' xkamikeb' ut ink'a' te'xtaw; te'rataw kamk, ab'an li kamk taa'eleliq chiruheb'.

Hebreos 11:38

(moko xk'ulub' ta li ruuchich'och' naq te'wanq li winq a'an rik'in); junelik taqen kub'en yookeb' chi nume'k sa' chaqich'och' ut sa'atqeb' li tzuul, sa'atqeb' li ochoch pek ut xjulel li ch'och'.

2 Ts 1:9

Li xtojb'al rix li xmaakeb' a'an li sachk chi junajwa, ut najt te'wanq rik'in li Qaawa' jo'wi' rik'in li xnimal xloq'al li xwankilal.

Miqueas 7:17

Te'xlow li pojtz' jo'kaqeb' li k'anti', jo'kaqeb' li xul li neke'xjukuki rib' chiru ch'och'. Siksootqeb' naq te'elq sa' li xsokeb', ut parpotqeb' xb'aaneb' xxiw naq te'chalq aawik'in, at Qaawa', at qaYos.

Jeremías 16:16

“Xb'enwa tintaqlaheb' chaq naab'al li poyanam chi xchapb'aleb' laj Israel, jo' na'uxk reheb' li kar; chirix chik a'an tintaqlaheb' chaq laj yo re xsik'b'aleb' sa'eb' li tzuul, sa' xb'eeneb' li b'ool ut sa'atqeb' li xloot' li pek -chan li Qaawa'-.

Isaías 30:32

Rajlal naq li Qaawa' tixrahob'tesi li tenamit a'an, taa'ab'imanq xyaab' li tun ut li aarp. A' li Qaawa' taa'elq chi yalok rik'ineb' laj Asiria.

Salmos 7:6

chinraanilasiiq li xik' na'ilok we, chinxchapaq, chinxyeq'iiq sa' ch'och' ut chixtolk'osi sa' pojtz' linloq'al.

1 Samuel 14:11

Jo'kan naq ke'xk'e rib' chi ile'k xkab'ichaleb' xb'aaneb' laj puub' aj Filistea, ut eb' a'an ke'xye: “K'ehomaq reetal! Eb' laj Hebreo yookeb' chaq chi elk sa'eb' li ochoch pek b'arwi' xe'xmuq rib'eb'”.

1 Samuel 13:6

Naq eb' laj Israel ke'ril li ch'a'ajkilal wankeb' wi' ut li nimla rahilal yo chi chalk sa' xb'eeneb', koxe'xmuq rib' sa'eb' li ochoch pek, sa'atqeb' li xhopolal ut x'atz'alaleb' li saqoonak, rub'elatq ch'och' ut sa'eb' li kumb'-ha'.

Li xHu LAJ JOB 9:6

A'an naxchiq'le li ruuchich'och' sa' xna'aj ut naxchiq'chiq'i eb' li roqechal.

Isaías 7:19

Chixjunileb' a'an te'chalq, tole'okaq sa' xchamal eb' li roq taq'a ut sa'atqeb' li ochoch pek, te'xch'iki rib' sa'eb' li na'ajej k'ix ru ut b'arwi' neke'uk'ak li wakax.

Isaías 13:13

Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Isaías 24:1

Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

Isaías 24:18

Li ani ink'a' taakamq xb'aan li xxiw toxt'ane'q sa' li jul; ut li taa'elq chaq sa' li jul toxt'ane'q sa' li ra'al. Taateeq'uuq li choxa ut taachalq chaq li b'ut'iha', ut te'chiq'chiq'iiq eb' li roqechal li ruuchich'och'.

Isaías 24:19

Li ruuchich'och' taa'eek'asiiq sa' xna'aj, taapuk'e'q, taa'itz'e'q toj reetal kok'putz' taakanaaq.

Isaías 33:10

“Anaqwan tinwakliiq -chan li Qaawa'-; anaqwan tink'ut linloq'al ut linwankil.

Jeremías 4:29

Xb'aan xyaab' xkuxeb' li k'iila aj puub' jo'eb' ajwi' li neke'kutuk rik'in simaj, chixjunileb' li poyanam te'xkanab' li na'ajej wankeb' wi': wankeb' te'eleliq sa'atqeb' li k'iche', wankeb' chik te'lochte'eq chiruheb' li saqoonak. Nakirirnak te'kanaaq chixjunileb' li tenamit ut maajun chik taatawmanq aran.

Jeremías 48:28

Elenqex sa'eb' leetenamit, ex aj Mohab, ayuqex chi wank sa'eb' li saqoonak jo'eb' li mukuy li neke'sukub'k junqre li uul.

Ezequiel 33:27

“Ye ajwi' reheb': «Jo'ka'in xye li Qaawa': Sa' xk'ab'a' linloq'al, ninye li waatin naq eb' li wankeb' sa'eb' li juk'b'il tenamit, te'kamsiiq chi q'esnal ch'iich'; eb' li wankeb' sa' k'aleb'aal, te't'upiiq xb'aaneb' li josq' aj xul, ut eb' li wankatqeb' sa'eb' li ochoch pek ut eb' li saqoonak, te'kamq xb'aan li yajel.

Nahum 3:11

Chanchan tatkalaaq naq te'xsach aana'leb'; laa'at taamuq aawib' ut taayal xsik'b'al b'ar taakol aawib' chiruheb' li xik' neke'ilok aawe.

Hageo 2:7

ut tweek'asi xch'ooleb' chixjunil li tenamit. Toja' naq chixjunileb' a'an te'xk'amatq chaq li xb'ihomaleb' ut taanujaq li ochoch a'in rik'in linloq'al, chan li Nimajwal Yos.

2 Samuel 22:46

Eb' laj ab'l tenamit neke'lajk xmetz'ew, ut neke'siksotk naq neke'xkanab' chaq xmuqb'al rib'eb'.