Isaías 2:11 - Q'eqchi Bible

¹¹ Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Li Santil hu

¹¹ Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Isaías 2:11 ပူးပေါင်းရင်းမြစ်များ

Salmos 18:27

laa'at saq ru laayu'am rik'in li saq ru xyu'am, ut wank aana'leb' rik'in li ink'a' tiik xna'leb'.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Isaías 24:21

Sa' li kutan a'an li Qaawa' taaraqoq aatin sa' xb'eeneb' li wankeb' xwankil taqe'q sa' li choxa, ut arin taq'a, sa' xb'eeneb' li wankeb' xwankil sa' ruuchich'och'.

Isaías 13:11

“Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Isaías 12:4

ut teeye sa' li kutan a'an: “Yoxinqex chiru li Qaawa' ut terq'usihomaq li xk'ab'a'; puktesihomaq resil li xninqal xb'aanuhom, ch'olob'omaq reheb' li tenamit naq nim xwankil sa' xb'een chixjunil.

Miqueas 4:6

Xyehom li Qaawa': “Sa' li kutan a'an teb'inxok chaq linkarneer li yeq ra'eb'; tinch'utub'eb' li cha'cha'inb'ileb' ut li xinrahob'tesiheb'.

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Ezequiel 39:22

Chalen sa' li kutan a'an, eb' laj Israel te'xnaw naq laa'in li Qaawa', li xYoseb'.

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

2 Corintios 10:17

“Ani taaraj xnimob'resinkil rib', chixnimaaq rib' sa' xk'ab'a' li Qaawa'”.

2 Corintios 10:5

ut chixjunil li q'etq'etil li naraj numtaak sa' xb'een li xna'leb' li Yos. Naqaj naq li xk'a'uxl chixjunileb' taakanaaq rub'el roq rub'el ruq' li Kriist re naq te'paab'anq chiru;

San Lucas 18:14

“Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.

Zacarías 9:16

Sa' li kutan a'an li Qaawa', li xYoseb', tixb'eresi li xtenamit jo'eb' li karneer; chanchanaqeb' li saqpotz'inkil pek re junaq koroon naq te'k'eemanq xloq'al sa' li xna'ajeb'.

Sofonías 3:16

Sa' li kutan a'an taayeemanq re Jerusalén: “Matxiwak, at Sión, chi moko chich'inaaq laach'ool”.

Sofonías 3:11

“Sa' li kutan a'an ink'a' chik tatxutaanaq chirix li ink'a' us xab'aanu we, at intenamit, naq xaq'etq'eti aawib' chiwu, xb'aan naq twisiheb' aawik'in li q'etq'eteb' jo'wi' li neke'xnimob'resi rib', ut ink'a' chik taanima aawib' sa' linsantil na'aj.

Miqueas 5:10

Xyehom li Qaawa': “Sa' li kutan a'an tinkamsiheb' laakawaay ut tinjuk'eb' laab'eleb'aal ch'iich'.

Abdías 1:8

Li Qaawa' kixye ajwi': “Sa' li kutan naq tink'e sa' tojb'amaak laj Edom, tinsach ruheb' li wankeb' xna'leb' aran: maajun li wank xseeb'al xk'a'uxl tkanaaq, sa' xteepal Esaú.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Oseas 2:21

“Laa'in li Qaawa' ninye a'in: Sa' li kutan a'an tinsum'aatina li choxa ut a'an tixsum'aatina li ruuchich'och';

Oseas 2:16

Sa' li kutan a'an tixye we: «At inb'eelom», cha'aq; ut ink'a' chik: «At inBahal».

Ezequiel 39:11

“Sa'eb' li kutan a'an tink'e jun xmuqleb'aal laj Gog sa' xteepal Israel, sa' xTaq'ahil Abarim, sa' releb'l saq'e sa' xka'yab'aal li palaw. Aran taamuqe'q laj Gog rochb'eeneb' li xsoldaad. Abarim taarame'q chi junajwa ut xTaq'ahil Amón-Gog chik tixk'ab'a'in.

Ezequiel 38:19

Sa' xxamlel linjosq'il ninye li waatin naq taawanq jun nimla hiik sa' xteepal Israel chiruheb' li kutan a'an.

Ezequiel 38:14

“Jo'kan utan, at kaamel winq, aatina laj Gog ut ye re sa' ink'ab'a': «Jo'ka'in xye li Qaawa': Naq lintenamit wanqeb' sa' tuqtuukilal, laa'at taachap laab'e:

Jeremías 9:24

Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

Isaías 52:6

Ab'anan taawulaq xkutankil naq lintenamit te'xnaw tz'aqal link'ab'a' ut te'xtaw xyaalal naq laa'in xin'aatinak rik'ineb', ut we'kin arin!”.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Isaías 30:23

Li Qaawa' tixtaqla chaq li hab' sa' xb'een li iyaj xeraw sa' li ch'och', ut a'in naab'al li wa tixk'e eere ut k'ajo'aq xsahil. Chiruheb' li kutan a'an eb' leewakax q'axal nimaq chik li xna'ajeb' te'ichajib'q wi';

Isaías 29:18

Sa' li kutan a'an li tz'apxikeb' te'rab'i naq taayaab'asimanq xsa' li hu, ut eb' li mutz' te'ruuq chik chi ilok: maak'a'aq chik aak'ab' chi moko choql sa' ruheb'.

Isaías 28:5

Sa' li kutan a'an li Nimajwal Yos a'anaq li xchaq'alil ru koroon, li xsahob' ru jo'k'ihaleb' li te'kole'q sa' li xtenamit.

Isaías 26:1

Sa' li kutan a'an taab'ichamanq li b'ich a'in sa' xteepal Judá: “Kaw rib' li qatenamit; li Qaawa' xk'ehok re wiib' xtzol li xsuttz'akil re naq tookole'q.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Isaías 4:1

Sa' li kutan a'an wuqub' chi ixq te'xchap jun chi winq ut te'xye re: “Laa'o tqach'oolani qib' qajunes ut tqatiqib' qib' jo' chanru tooruuq; ka'ajwi' naqaj naq tatsumlaaq qik'in ut taamoy li qaxutaan”, cha'qeb'.

2 Ts 1:10

Sa' li Kutan a'an tol'elq li Qaawa' re naq taanimaaq xloq'al sa' xyanqeb' li xsant ut taaloq'oniiq xb'aaneb' chixjunileb' laj paab'anel. Ut laa'ex xepaab' li xqach'olob' xyaalal cheru.

2 Samuel 22:28

Laa'at nakatkolok reheb' li kub'enaqeb' xwankil ut nakasacheb' xwankil li q'etq'eteb'.

Salmos 20:8

Wankeb' li kaweb' xch'ool rik'ineb' li xb'eleb'aal ch'iich', wankeb' chik rik'ineb' li xkawaay; a'ut laa'o k'ojk'o li qach'ool rik'in li Qaawa' li qaYos.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Proverbios 30:13

Wankeb' neke'xnimob'resi rib' ut yal sa' rix ruheb' neke'ril chixjunileb'.

Isaías 23:9

A' li Nimajwal Yos xk'uub'ank re a'in re xsachb'al li xq'etq'etil Tiro chirix li xnimal xloq'al ut re xkub'sinkileb' xwankil li neke'xnima rib' sa' ruuchich'och'.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Miqueas 2:3

Jo'kan naq li Qaawa' xye chi jo'ka'in: “Laa'in ajwi' xink'uub' jun rahilal cho'q eere. Tintaqla sa' eeb'een jun rahilal li ink'a' texruuq wi' xkolb'al eerib'; ut ink'a' chik texb'eeq chi wanq eewankil, xb'aan naq chalk re xkutankil li sachok.

Salmos 18:28

Laa'at nakatkolok reheb' li kub'enaqeb' xwankil ut nakasacheb' xwankil li q'etq'eteb'.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Salmos 94:2

Chak'ut chaq laawankil, laa'at aj raqol aatin sa' xb'een li ruuchich'och', ut chak'e chi xtojb'aleb' xmaak eb' li q'etq'et!

Proverbios 16:5

Li Qaawa' xik' naril li q'etq'et; ch'olch'o naq a'in tixk'ul li xq'ajkamunkil.

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.

Isaías 14:15

Ab'anan, relik chi yaal naq xatkute'k toj sa' xb'alb'a, toj sa' xchamal xna'ajeb' li kamenaq!

Isaías 40:23

Li Qaawa' naxjuk' xwankileb' li xninqal ru winq, ut eb' li neke'awab'ejink sa' ruuchich'och' naxsacheb' ru.

Jeremías 12:9

Lintenamit kama' chik li xik'anel xul ch'ina'us rilb'al, ut chixjunileb' li k'uch neke'rupupnak sa' xb'een. Kimqex, chejunilex li k'iche'il xul; ch'utub'omaq eerib' chi xt'upinkil!

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.