Isaías 19:4 - Q'eqchi Bible

⁴ Tinq'axtesi Ejiipt sa' ruq' jun josq' aj winq; jun reemaaru aj awab'ej taanumtaaq sa' xb'eeneb'”, chan li Nimajwal Yos.

Li Santil hu

⁴ Ut tinkꞌaxtesiheb saꞌ rukꞌ jun li cui̱nk kꞌaxal joskꞌ. Cꞌajoꞌ li raylal teꞌxcꞌul nak li rey aꞌan ta̱takla̱nk saꞌ xbe̱neb, chan li Ka̱cuaꞌ li nimajcual Dios.

Isaías 19:4 ပူးပေါင်းရင်းမြစ်များ

Isaías 20:4

Jo'kan ajwi' li awab'ej re Asiria tixchapeb' laj Ejiipt ut eb' laj Etiopía, a' yaal ma cheek malaj saajil poyanam, ut tixk'ameb' sa' jalanil tenamit chi maak'a'aq raq'eb' chi moko xxaab'eb', tik t'ust'uuqeb' chi junajwa, re xk'utb'al xxutaaneb'.

Ezequiel 29:19

Jo'kan naq laa'in, li Qaawa', ninye chi jo'ka'in: Tinq'axtesi li tenamit Ejiipt sa' ruq' laj Nabukodonosor, li awab'ej re Babilonia. A'an tixmaq' chixjunil li xb'ihomaleb' ut taareechani li jo'ch'inal jo'nimal wankeb' re; ut rik'in li k'aru taarelq'a, tixtojeb' li xsoldaad.

Jeremías 46:26

Tinq'axtesiheb' sa' ruq'eb' li te'ajoq xkamsinkileb', sa' ruq' laj Nabukodonosor, li awab'ej re Babilonia, ut sa' ruq'eb' li neke'tenq'ank re. Ab'anan moqon chik taatenamito'q wi' chik jo' naq xwank xb'enwa -chan li Qaawa'-.

Isaías 19:2

“Tinchiq' xjosq'ileb' laj Ejiipt chirib'ileb' rib' -chan li Yos- ut li junjunq taayaloq rik'in li ras riitz'in: li wank ramiiw taayaloq rik'in li ramiiw, tenamit rik'in tenamit, ut awab'ejilal rik'in awab'ejilal.

Salmos 31:8

Chisaho'q linch'ool, chisaho'q li waanm sa' xk'ab'a' xnimal laarahom. Laa'at xawil naq q'axal xtoq'ob'aal wu ut xanaw chixjunil li xrahil li waanm;

1 Samuel 23:7

Kiyehe'k resil re laj Saúl naq okenaq laj David sa' li tenamit Kehilá. Toja' naq kixye sa' xch'ool: “Li Yos xq'axtesi sa' wuq' laj David, xb'aan naq xjunes xtz'ap rib' sa' jun tenamit li wank xtz'apb'al rokeb'aal ut wank xlaawil”.

Ezequiel 30:12

Tink'eheb' chi chaqik li nima' Nilo ut tinq'axtesi Ejiipt sa' ruq'eb' li jalanil tenamit li ink'a' useb' xna'leb', re naq taasache'q a'an ut chixjunil li k'a'aq re ru wank chisa'. Laa'in, li Qaawa', xinyehok re a'in.

Nahum 3:10

Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Isaías 20:3

Chirix chik a'an li Qaawa' kixye: “Laj Isaías, laj k'anjel chiwu, xwank chi maak'a' raq' chi moko xxaab' chiru oxib' chihab', a'an reetalil ut resilal cho'q reheb' laj Ejiipt ut eb' laj Etiopía.