Isaías 18:1 - Q'eqchi Bible

¹ Ra chaalel sa' xb'een li tenamit li wank toj junpak'al eb' li nima' re Etiopía, b'arwi' na'ab'imank xyaab'eb' li k'iila suq;

Li Santil hu

¹ Raylal ta̱cha̱lk saꞌ xbe̱neb li cuanqueb saꞌ li tenamit bar na-abiman cuiꞌ xya̱beb li cocꞌ xul. Raylal ta̱cha̱lk saꞌ xbe̱n li tenamit Etiopía li cuan jun pacꞌal eb li nimaꞌ.

Isaías 18:1 ပူးပေါင်းရင်းမြစ်များ

Sofonías 3:10

Toj junpak'al eb' li nima' re Etiopía tole'tz'aamanq ut tole'elajinq chiwu eb' li walal ink'ajol li cha'cha'inb'ileb', ut te'xk'amatq chaq xmayejeb'.

2 Reyes 19:9

Aran laj Senakerib kirab'i resil naq laj Tirhaká, awab'ej re Etiopía, yo chi xik chi yalok rik'ineb' laj Asiria. Toja' naq kixtaqlaheb' wi' chik li xtaql rik'in laj Esekías ut kixye reheb':

Sofonías 2:12

“Jo'kan ajwi' tinb'aanu eere laa'ex aj Etiopía: tex'oso'q xb'aan linq'esnal ch'iich'”, chan li Yos.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Ezequiel 30:9

“Sa' li kutan a'an tintaqlaheb' lintaql li te'xik sa' jukub', re xxib'enkileb' laj Etiopía li toj k'ojk'ookeb' xch'ool. K'ajo'aqeb' xxiw chi rab'inkil resil li xsachik Ejiipt: nach' chik wank li kutan a'an.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Salmos 91:4

A'an taamuheelanq aawe rub'el li xkupuhom; rub'el li xxik' taataw xkolb'al aawib': li xtiikilal xch'ool naxk'e aakawilal ut kolb'a ib'.

Salmos 63:7

Chiru li q'oqyink sa' linwarib' nakatjultiko'k we ut ninyo'lek chak'oxlankil:

Salmos 61:4

xb'aan naq laa'at nakatmuheelank we; kama'at junaq kab'l li q'axal kaw rib' chiru li xik' na'ilok we.

Salmos 57:1

Re li xjolomileb' laj b'ichanel. “Matsachok”. Xsaalm laj David, naq ki'elelik chiru laj Saúl ut koxmuq rib' sa' li ochoch pek.

Salmos 36:7

li xtiikilal laach'ool chanchan xterameb' li ninqi tzuul, ut laak'uub'ahom chanchan xchamal li nimla palaw. At Qaawa', laa'at nakat-ilok reheb' li poyanam ut eb' li xul.

Salmos 17:8

Chinaakol taxaq kama' nakaraheb' xsa' laawu, chinaakupu taxaq rub'el xnimal aawankil.

Li xHu LIX RUT 2:12

Li Qaawa' chik'ehoq aawe reeqaj li chaab'il k'anjel xab'aanu! A' taxaq li Qaawa', xYos laj Israel, li rub'el li xwankil xulaak'e aawib' chi xmuheela, chiq'ajkamunq aawe jo' aak'ulub', chan.

Isaías 37:9

Aran laj Senakerib kirab'i resil naq laj Tirhaká, awab'ej re Etiopía, yo chi xik chi yalok rik'ineb' laj Asiria. Toja' naq kixtaqlaheb' wi' chik li xtaql rik'in laj Esekías ut kixye reheb':

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.