Isaías 17:3 - Q'eqchi Bible

³ Taajuk'manq xwankil laj Efraín, ut li x'awab'ejihom Damaask taa'oso'q; eb' laj Siria li te'kole'q, maak'a'aqeb' chik xloq'al jo'keb' laj Israel -chan li Nimajwal Yos-.

Li Santil hu

³ Ma̱cꞌaꞌak chic lix tenamit li ralal xcꞌajol laj Efraín li queꞌxcauresi ribeb. Ut ma̱cꞌaꞌak chic xcuanquil Damasco. Eb laj Siria li incꞌaꞌ queꞌsacheꞌ ruheb xuta̱nal teꞌcana̱k joꞌ eb laj Israel, chan li nimajcual Dios.

Isaías 17:3 ပူးပေါင်းရင်းမြစ်များ

Oseas 9:11

Li xloq'aleb' laj Efraín taa'oso'q jo' naq naxik'ank junaq xul chiru choxa: ink'a' chik te'wanq ralal xk'ajoleb', maajun chik ixq taakanaaq sa' yu'am ut ink'a' chik taasiyaaq junaq k'uula'al.

Isaías 8:4

xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

Isaías 7:16

Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.

Isaías 7:8

Damaask a'an li xnimal ru tenamit aran Siria ut laj Rasín a'an li awab'ej re Damaask. Samaria a'an li xnimal ru tenamit sa' xteepal Efraín, ut li ralal laj Romelías a'an li awab'ej re Samaria. Ab'anan sa' oob' xkaak'aal chihab' eb' laj Efraín moko tenamitaq ta chik. Ut wi laa'ex ink'a' k'ojk'o leech'ool wik'in, jo'kan ajwi' teek'ul: ink'a' texkanaaq chi xaqxo»”.

Amós 8:14

Eb' li neke'xye xjurament sa' xk'ab'a' li xyoseb' laj Samaria, eb' li neke'yehok: «Sa' xk'ab'a' laayos, a Dan», malaj: «Sa' xk'ab'a' laayos, a Berseba», te'oso'q ut maajun wa chik te'wakliiq chaq”.

Oseas 10:14

Jo'kan naq taawanq li mululij ib' sa' leetenamit ut te'juk'e'q chixjunileb' leekawub'resinb'il ochoch. Teek'ul li kik'ulmank aran Bet-Arbel naq laj Salmán kixsach li tenamit a'an sa' xkutankil li yalok, naq eb' li na'b'ej ke'pik'aje'k chiru ch'och' rochb'eeneb' li xkok'aleb'.

Oseas 8:8

“Xsache'k xwankil laj Israel, chanchan naq xnuq'e'k lintenamit. Ut anaqwan wank sa' xyanqeb' laj ab'l tenamit, kama' junaq sek' li maak'a' chik xk'anjel.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Oseas 1:6

Lix Gómer kikanaak wi' chik sa' yu'am ut kiyo'laak jun xch'ina ixqa'al. Ut li Qaawa' kixye re laj Oseas: “«Ink'a' uxtaananb'il ru» taak'e cho'q xk'ab'a', xb'aan naq ink'a' chik twuxtaana ru eb' laj Israel, ut xeb'intz'eq chirix inch'ool.

Oseas 1:4

Ut li Qaawa' kixye re laj Oseas: “K'e cho'q xk'ab'a' «Jisrehel», xb'aan naq chi seeb' tink'eheb' laj Jehú chi xtojb'al li xmaakeb' chirix li kamsink ki'uxmank aran Jisrehel. Twaj naq taa'oso'q li x'awab'ejihom laj Israel.

Isaías 17:4

“Sa' li kutan a'an taasache'q xloq'al laj Jakob ut maak'a'aq chik li xb'ihomal.

Isaías 16:14

Ut anaqwan li Qaawa' naxye chi jo'ka'in: “Sa' oxib' chihab', jo' xchihab' li nakutanib'k, eb' laj Mohab taasache'q li xwankileb'. Us ta jwal naab'aleb', ab'anan jun ch'ina ch'uuteb' aj chik te'kole'q ut maak'a' chik te'ok wi'”.

Isaías 10:9

Juntaq'eeteb' li tenamit chiwu laa'in: Kalnó kama' ajwi' Karkemis, Jamat juntaq'eet rik'in Arpad, ut Samaria jo'kan ajwi' Damaask.

2 Reyes 17:6

B'eleeb' chihab' chik rokik chi awab'ejink laj Oseas, naq laj Salmanasar, awab'ej re Asiria, kireechani li tenamit Samaria, kixk'ameb' chi preexil laj Israel toj Asiria, ut koxkanab'atqeb' sa'eb' li na'ajej Jalaj, Jabor, chire li nima' Kosán, ut sa'atq xteepal Media.

2 Reyes 16:9

ut a'in kixb'aanu li kitz'aamaak chiru: koho chi yalok rik'in Damaask, kireechani li tenamit, kixk'ameb' li xpoyanamil toj sa' li tenamit Kir ut kixkamsi laj Resón.

Isaías 25:2

Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.