Isaías 17:14 - Q'eqchi Bible

¹⁴ Xiwajelaq rilb'aleb' naq taa'ewuuq, ab'anan naq taahik'e'q, maajunaqeb' chik. Jo'ka'in naq te'oso'q eb' li neke'rahob'tesink qe; a'in toxe'raqe'q wi' li neke'elq'ank li k'aru qe.

Li Santil hu

¹⁴ Saꞌ li ecuu teꞌcha̱lk chikasachbal. Abanan nak ta̱sake̱uk, ac ma̱ anihakeb chic. Joꞌcaꞌin nak nequeꞌosoꞌ chixjunileb li nequeꞌraj xchapbal chokꞌ reheb li cꞌaꞌru ke la̱o.

Isaías 17:14 ပူးပေါင်းရင်းမြစ်များ

2 Reyes 19:35

Ut chiru ajwi' li q'oqyink a'an li x'ánjel li Qaawa' kiwulak sa' xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Proverbios 22:23

Xb'aan naq li Qaawa' taakoloq re, ut tixsach ruheb' li xe'rahob'tesink re.

Ezequiel 39:10

Ink'a' chik te'xik chi si'ib'k sa' k'aleb'aal chi moko sa' k'iche', xb'aan naq a' li k'a'aq re ru na'oksimank re yalok te'xk'at cho'q xsi'eb'. Chi jo'kan te'xxok li k'aru xxokmank reheb', ut te'xmaq' chiruheb' li xik' neke'ilok reheb' li k'aru xmaq'e'k reheb' -chan li Qaawa'-.

Jeremías 13:25

A'an laak'ulub', a Israel, a'an laaq'ajkamunkil li tink'e aawe -chan li Qaawa' Yos-. Xb'aan naq xinaatz'eq chirix aach'ool ut xkohat chirixeb' li yos li maak'a' neke'ok wi'.

Jeremías 2:3

Xsantil tenamit li Qaawa' naq kexwank chiwu, ex aj Israel, chanchanex li xb'een ru li awimq cho'q we. Jo'kan naq chixjunileb' li ke'rahob'tesink eere, laa'in kintaqla li rahilal sa' xb'eeneb'”, chan li Qaawa'.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Salmos 37:36

xinnume'k wi' chik ut maak'a' chik sa' xna'aj, xinsik'i ut maab'ar chik xtawmank.

Li xHu LAJ JOB 20:29

A'an a'in k'uub'k'u ru xb'aan li Yos cho'q reheb' li yib'ru xna'leb'eb'; a'an a'in kixye li Qaawa' naq te'xk'ul laj b'aanuhom maa'usilal.

2 Reyes 19:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolej, li rahob'tesiik ut li xutaanal! Chanchano li ixq wank sa' yu'am, ab'anan maak'a' xmetz'ew chi alank.

Jueces 5:31

“Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.

Isaías 10:25

Yal jun k'amok aj chik maa naraqe'k linjosq'il sa' eeb'een, ut sa' xb'eeneb' chik laj Asiria taaq'apliiq.

Isaías 29:5

Sa' junpaat, chi maak'a'aq sa' laach'ool, li Nimajwal Yos tatxtenq'a rik'in kaaq, hiik ut tz'aapixikaq li choqink, kaqsut-iq', muqyax ut k'iila xam chi sachok. Li xk'ihaleb' li xik' neke'ilok aawe chanchanaqeb' li pojtz' q'un ru; ut eb' laj rahob'tesinel aawe te'sapuuq chi najt jo'kaqeb' li k'im.

Isaías 29:7

Chixjunileb' li k'iila tenamit li neke'yalok rik'in Ariel, eb' li neke'rahob'tesink re Jerusalén ut neke'xjuk'eb' li ochoch najt xteram, chanchanaqeb' aj chik li matk' ut li moy u naq te'oso'q.

Isaías 33:18

Naqaamilaq sa' laach'ool laaxiw li xatwank wi', ut taaye: “B'ar xkoho laj titz'ol toj? B'ar wank li nayalok rix li tumin? K'aru xk'ul li na'ajlank re eb' li ninqi ochoch?”, cha'qat sa' laach'ool.

Isaías 34:17

Li Qaawa', a'an li kik'ehok reheb' sa' xna'ajeb' ut rik'in ruq' kixjek'i li xtenamit li junjunq. A'anaqeb' laj eechal re chi junajwa ut aran te'wanq chi junelik q'e kutan.

Isaías 41:12

Taasik'eb' li xik' neke'ilok aawe ut ink'a' taataweb'; ut eb' li neke'raj yalok aawik'in chanchan tawi' naq maajun wa xe'wank.

Jeremías 49:10

Ab'an laa'in rek' xinkanab'eb' laj Esaú, xinkanab' chi kutankil li na'ajej neke'xmuq wi' rib' ut ink'a' chik te'ruuq wank chi muqmu. Chi junwaakaj xe'sachmank ruheb' li ralal xk'ajol, eb' li rech'alal jo'wi' eb' li rechkab'al; maajun chik naxye:

Isaías 21:12

Ut laj k'aak'alenel kixye: “Ak saqewk re, ab'anan chalk wi' chik re li q'oqyink. Wi teeraj patz'ok, patz'onqex, ab'an sutq'inqex chaq wi' chik”.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Isaías 30:28

Li xmusiq' chanchan li ha' naq nab'ut'irk ut ka'aj chik maa nalamsink. Li Qaawa' tixtz'il rix li xb'aanuhomeb' li tenamit re xsachb'al li xwankileb'; jo' naq nak'ehe'k li ch'iich' sa' re li kawaay, jo'kan ajwi' tixb'aanu li Qaawa' reheb' li tenamit re xpo'b'al li xna'leb'eb'.

Zacarías 2:12

Li Qaawa' taa'ok wi' chik Judá jo' tz'aqal reechanihom sa' li Santil Na'ajej, ut tixsik' wi' chik ru li tenamit Jerusalén.