Isaías 17:1 - Q'eqchi Bible

¹ Xyehom li Qaawa' chirix Damaask: “Damaask moko tenamitaq ta chik, xb'aan naq tkanaaq chi tub'tuukil pek.

Li Santil hu

¹ Aꞌan aꞌin li quixye li profeta chirixeb laj Damasco: —Damasco incꞌaꞌ chic ta̱cana̱k joꞌ tenamit. Ta̱poꞌekꞌ ut juqꞌuinbil ta̱cana̱k.

Isaías 17:1 ပူးပေါင်းရင်းမြစ်များ

Zacarías 9:1

A'aneb' a'in li aatin kixye li Qaawa' chirix li tenamit Hadrak ut chirix Damaask, xb'aan naq eb' laj Aram jo'wi' eb' li xteepal laj Israel, a'aneb' re li Qaawa'.

Isaías 25:2

Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.

Hechos 9:2

ut kixtz'aama xhu cho'q reheb' li ch'utleb'aal kab'l wankeb' Damaask, re naq, wi tixtaweb' winq malaj ixq li neke'taaqenk re li B'e, taak'ehe'q xwankil chi xk'amb'aleb' chaq chi b'ak'b'o Jerusalén.

Miqueas 1:6

Jo'kan naq li Qaawa' xye chi jo'ka'in: “Li tenamit Samaria tinkanab' chi po'lemil, jo' junaq na'ajej re rawb'al li uub'. Chixjunileb' li xpekul li tenamit tinpaji sa'eb' li taq'a ut tinkanab' chiru iq' li rub'elankil.

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Isaías 7:8

Damaask a'an li xnimal ru tenamit aran Siria ut laj Rasín a'an li awab'ej re Damaask. Samaria a'an li xnimal ru tenamit sa' xteepal Efraín, ut li ralal laj Romelías a'an li awab'ej re Samaria. Ab'anan sa' oob' xkaak'aal chihab' eb' laj Efraín moko tenamitaq ta chik. Ut wi laa'ex ink'a' k'ojk'o leech'ool wik'in, jo'kan ajwi' teek'ul: ink'a' texkanaaq chi xaqxo»”.

Génesis 14:15

Chiru q'oqyink laj Abrán rochb'eeneb' laj k'anjel chiru kiwulak b'arwi' wankeb' li junch'ol, chi maak'a' sa' xch'ooleb': kixq'ax ruheb' ut kiraanilasiheb' toj sa' li tenamit Jobá li wank junpak'al Damaask, sa' releb'l iq'.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Isaías 37:26

Ma xawab'i chi us? Ak ink'uub'ahom chaq a'in chalen junxil; chalen chaq q'e kutan inkawresihom chaq, ut anaqwan yookin chi xb'aanunkil. Jo'kan naq laa'at xatsachok ruheb' li tenamit ut po'lem xakanab'eb' li kaw sutinb'ileb' chi tz'ak.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Isaías 15:1

A'an a'in jun li esil chirix Mohab. Chiru jun q'oqyink ajwi' xsache'k li tenamit Ar ut Kir, ut ch'anch'o xkanaak li na'ajej Mohab.

Isaías 13:1

A'an a'in li kik'utb'esiik chiru laj Isaías, ralal laj Amós, chirix li rahilal tixk'ul li tenamit Babilonia:

Isaías 10:9

Juntaq'eeteb' li tenamit chiwu laa'in: Kalnó kama' ajwi' Karkemis, Jamat juntaq'eet rik'in Arpad, ut Samaria jo'kan ajwi' Damaask.

Isaías 8:4

xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

2 Crónicas 28:23

Kimayejak chiruheb' li xyoseb' laj Damaask, xb'aan kixye sa' xch'ool: “Li xyoseb' li awab'ej re Aram neke'xtenq'aheb'. Jo'kan naq tinmayejaq chiruheb' re naq tine'xtenq'a ajwi' laa'in”, chan sa' xch'ool. A'aneb' li ke'sachok xwankil laj Ajás jo' ajwi' xwankil chixjunileb' laj Israel.

2 Crónicas 28:5

Li Qaawa' li xYos kixq'axtesi laj Ajás sa' ruq' li awab'ej re Aram, ut kik'ame'k sa' li tenamit Damaask. Kiq'axtesiik ajwi' sa' ruq' li awab'ej re Israel, ut q'axal ra kixk'ul.

2 Reyes 16:9

ut a'in kixb'aanu li kitz'aamaak chiru: koho chi yalok rik'in Damaask, kireechani li tenamit, kixk'ameb' li xpoyanamil toj sa' li tenamit Kir ut kixkamsi laj Resón.

Génesis 15:2

Kichaq'ok laj Abrán ut kixye: “At inQaawa', k'a' aj e li taasi we, wi tinkamq chi maajun walal ink'ajol, ut laj Elieser aj Damaask taareechani li k'a'aq ru we?”.

1 Crónicas 18:5

Eb' laj Aram aj Damaask ke'chalk chi xtenq'ankil laj Hadadéser, awab'ej re Sobá, ab'an laj David kixsacheb' ut kixkamsi wiib' xka'k'aal mil (22,000) reheb' laj Aram.

1 Reyes 11:24

moqon chik kixch'utub' jun ch'uuteb' li winq ink'a' useb' xna'leb', ut anaqwan naxjolomiheb'. Naq laj David kixkamsiheb' laj Sobá, ki'elelik laj Resón toj Damaask, koxna'ajunq aran ut kiwank cho'q awab'ej re Damaask.

Deuteronomio 13:16

Taatuub' chixjunil li k'aru xawisi aran sa' xyi li k'ayib'aal ut taak'e xxamlel li tenamit rochb'een jo'ch'inal jo'nimal x'isiik aran. Ut taab'aanu chixjunil a'in sa' xk'ab'a' li Qaawa' laaYos. Li tenamit a'an taakanaaq chi junelik cho'q po'lem ut moko taakab'lamanq ta chik.

Isaías 7:16

Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.