Isaías 16:4 - Q'eqchi Bible

⁴ K'e rochochnaaleb' laj Mohab li xe'isiik chaq sa' li xtenamiteb'; k'uleb' aawik'in ut muqeb' chiruheb' laj sachonel”. Naq maajunaq chik aj rahob'tesinel ut akaq xraqe'k li raaxiik', naq ak x'elk laj tawasinel sa' li tenamit,

Li Santil hu

⁴ Choe̱canab chi cua̱nc e̱riqꞌuin. Choe̱col chiruheb li nequeꞌraj kasachbal, chanqueb. Eb aꞌan teꞌsachekꞌ ruheb ut ma̱ anihakeb chic li nequeꞌrahobtesin ke.

Isaías 16:4 ပူးပေါင်းရင်းမြစ်များ

Isaías 14:4

teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Malaquías 4:3

Teeyeq'i sa' leeroq eb' li ink'a' useb' xna'leb', ut jo'kaqeb' li cha sa' leeroq naq taawulaq li Kutan yookin xkawresinkil.

Isaías 51:13

K'a'ut naq nakatz'eq chirix laach'ool li Qaawa', laj yoob'tesihom aawe, li kihelok re li choxa ut kixk'ojob' li ruuchich'och'? K'a'ut naq nakanumsi li kutan chi xxiwankil ru laj rahob'tesinel, li junelik naxyal xq'e chasachb'al? Ab'anan, b'ar wank anaqwan li xjosq'il laj rahob'tesinel?

Isaías 9:4

Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

Apocalipsis 11:2

Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Zacarías 10:5

Jo'kaqeb' laj puub' li neke'xyeq'i li sulul sa' li yalok; te'yaloq xb'aan naq li Qaawa' na'ochb'eenink reheb', ut te'xkanab' sa' xutaan eb' li neke'b'eek chirix kawaay.

Jeremías 48:18

“Kub'sihomaq leewankil, ex aj Dibón, ut k'ojob'omaq eerib' sa' li pojtz', xb'aan naq chalk re sa' eeb'een laj sachonel ut xjuk'eb' chik leekawub'resinb'il ochoch.

Jeremías 48:8

Taachalq laj sachonel sa' xb'een li junjunq chi tenamit ut maajun taakole'q sa' ruq'. Li ru taq'a taasachmanq ru ut eb' li roq taq'a nakirirnak taakanaaq -chan li Qaawa'-.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 25:10

Li ruq' li Qaawa' taahilanq sa' xb'een li tzuul a'in, ab'an Mohab taayeq'iiq sa' oqej sa' li xna'aj jo' naq nayeq'iik li k'im sa' mul.

Isaías 15:6

Xchaqik li ha' li wank Nimrín, joxk' aj chik li ch'och' ut xchaqik li pim: maab'ar chik natawmank li raxpim.

Deuteronomio 24:14

“Ink'a' taatawasi li neb'a' nak'anjelak yal sa' kutan ut tenq'aak naraj, us ta aawech Israelil malaj ut yal aj numel li wank rochoch sa' laana'aj, sa'atqeb' laatenamit.

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

Zacarías 9:8

Toja' naq laa'in tink'aak'ale lintenamit, re xkolb'al chiru li yalaq ani taachalq malaj taaxik; ut maajoq'e chik taarahob'tesiiq, xb'aan naq rik'in chik wu nink'aak'ale”, chan li Yos.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Isaías 58:7

Chawotz laawa rik'in li natz'okaak, chak'e rochochnaal li neb'a' li maak'a' rochoch, chak'e xb'aatal li maak'a' raq' ut chatenq'a laawech neb'a'il.

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Abdías 1:14

Ink'a' raj xaxaqab' aawib' sa'atqeb' li xaalib'e re xkamsinkileb' li xe'elelik, chi moko xaq'axtesiheb' raj li xe'kole'k sa' xkutankil li raaxiik'.