Isaías 16:3 - Q'eqchi Bible

³ Neke'xye re li tenamit Judá: “K'uub'an chiqix ut sik' chanru toohaakol; choohaamuheela naq yooq xtiqwal li saq'e, jo' tawi' x'aak'ab'o'k ru li kutan. Kuupu rub'el laawankil eb' li yo raanilasinkileb' ut maaq'axtesiheb' li yookeb' chi elelik.

Li Santil hu

³ Nequeꞌxye reheb laj Judá: —Yehomak ke cꞌaꞌru us takaba̱nu. Qꞌuehomak kanaꞌleb. Choe̱col joꞌ jun li cheꞌ naxqꞌue li mu nak yo̱ xtikcual li sakꞌe. La̱o yo̱co chi e̱lelic. Moe̱canab saꞌ rukꞌeb li xicꞌ nequeꞌiloc ke.

Isaías 16:3 ပူးပေါင်းရင်းမြစ်များ

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

1 Reyes 18:4

xb'aan naq junxil naq lix Jesabel yo xkamsinkileb' li xpropeet li Qaawa', kixkoleb' o'k'aal chi propeet ut kixmuqeb' sa' wiib' ochoch pek, lajeeb' roxk'aal kixmuq sa' li junjunq chi ochoch pek, ut kixch'oolaniheb' rik'in wa ut ha'.

Hebreos 13:2

Misachk sa' eech'ool li k'ehok ochochnaal; sa' xk'ab'a' a'an wankeb' xe'xk'ul eb' li ánjel sa' rochocheb' chi ink'a' xe'xnaw.

San Mateo 25:35

Xb'aan naq xintz'okaak chaq, ut xineek'e chi wa'ak; xchaqik we, ut xek'e wuk'a'; xinsik' wochochnaal, ut xineek'ul sa' leerochoch.

Zacarías 7:9

“Jo'ka'in naxye li Nimajwal Yos: Chexraqoq aatin sa' tiikilal, aj uxtaanaqex ut rahomaq eerib' cherib'il eerib'.

Daniel 4:27

Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Jeremías 22:3

B'aanuhomaq li tiikilal ut li k'ulub'ej, kolomaqeb' li yookeb' chi rahob'tesiik, meemajewa chi moko cherahob'tesi laj ab'l tenamit, li neb'a'yox ut li xmalka'an. Meekamsi li maak'a'eb' xmaak, sa' li na'ajej a'in.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

Isaías 25:4

Xb'aan naq chanchanat jun saqoonak cho'q re li lub'lub', laa'at xkawub' xch'ool li neb'a' naq wank sa' rahilal, laa'at nakatkolok chiru li hab' ut nakatmuheelank chiru xtiqwal li saq'e. Eb' li josq' aj poyanam chanchaneb' li b'ut'iha' sa' li hab'alq'e

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 1:17

Tzolomaq xb'aanunkil li us, yalomaq eeq'e chi xsik'b'al li tiikilal, tenq'ahomaqeb' li rahob'tesinb'ileb', k'ehomaq li xk'ulub'eb' li neb'a'yox ut chekolaqeb' li xmalka'an!”.

Jueces 9:15

Ut li k'ix kixsumeheb': «Wi relik chi yaal naq xesik' wu re awab'ejink sa' eeb'een, kimqex chi hilank rub'el linmu. Wi ut ink'a' jo'kan, chi'elq xam wik'in ut chixk'at eb' li yaw re Líbano», chan.

Isaías 58:7

Chawotz laawa rik'in li natz'okaak, chak'e rochochnaal li neb'a' li maak'a' rochoch, chak'e xb'aatal li maak'a' raq' ut chatenq'a laawech neb'a'il.