Isaías 15:3 - Q'eqchi Bible

³ Xe'xk'e q'es ruhil t'ikr chirixeb'; sa'eb' li k'ayiil ut sa' xb'eeneb' li ochoch chixjunileb' jiiq' wi' xch'ooleb' chi yaab'ak.

Li Santil hu

³ Teꞌxqꞌue li kꞌes ru tꞌicr chirixeb nak teꞌxic saꞌ be. Yo̱keb chi ya̱bac saꞌ eb li cꞌayil ut saꞌ xbe̱neb li cab. Chixjunileb huyhutkeb chi ya̱bac.

Isaías 15:3 ပူးပေါင်းရင်းမြစ်များ

San Mateo 11:21

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'xk'e raj cha sa' xb'eeneb'.

Jeremías 19:13

Chixjunileb' li ochoch re Jerusalén, li rochocheb' li awab'ej re Judá ut eb' li kab'l xe'mayejak wi' k'ajpom chiru chixjunileb' li chahim ut xe'mayejak b'iin chiruheb' li jalanil yos, te'kanaaq chi muxb'il ruheb', jo' tz'aqal Tófet»”.

Isaías 22:4

Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

Isaías 15:2

Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.

2 Reyes 6:30

Naq li awab'ej kirab'i li kixye li ixq, kixq'ich li raq'. Ut naq yo chi nume'k sa' xb'een li suttz'ak, eb' li tenamit ke'ril naq, chisa' li raq', lanlo rik'in q'es ruhil t'ikr.

2 Samuel 3:31

Chirix chik a'an laj David kixye re laj Johab ut reheb' chixjunileb' laj puub' li wankeb' rochb'een: “Q'ichomaq leeraq', k'ehomaq saak cherix ut yaab'anqex chirix laj Abner”, chan. Laj David yo chi xik chirix li kamenaq

Deuteronomio 22:8

“Naq taakab'la junaq ak'il ochoch, tento naq taak'e li ramleb' sa' xmu aran taqe'q. Chi jo'kan ink'a' taateneb' sa' xb'een laajunkab'al li xkamik li ani taat'ane'q chaq aran.

Santiago 5:1

A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een.

1 Samuel 5:12

Ut eb' li ink'a' ke'kamk, ra wankeb' xb'aaneb' li saqijoj: toj sa' choxa kiwulak li xyaab'eb' li wankeb' sa' li tenamit Ekrón!

Isaías 3:24

Sa' li kutan a'an cho'q reeqaj li sununkil b'an taawanq li chu; cho'q reeqaj li k'aamal sa', a' chik li k'aam taak'eemanq; cho'q reeqaj li te'ok ismal, job'il jolomej chik taawanq; cho'q reeqaj li chaab'il b'aatal, a' chik li q'es ruhil t'ikr taawanq; ut li ch'ina'usal taasutq'iiq cho'q xutaan.

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Lamentaciones 2:10

Chunchuukeb' sa' ch'och' eb' li cheekel winq aj Sión, ch'anch'ookeb' aj chik; xe'xk'ehatq cha sa' xjolomeb' ut xe'xb'at rib' sa' saak. Ut eb' li tuq'ixq aj Jerusalén neke'xxulub' li xjolomeb' toj chiru ch'och'.

Ezequiel 7:18

Te'xk'e q'es ruhil t'ikr chirixeb' chi k'ajo'aqeb' xxiw; numtajenaqaq xxutaan ut joob'ilaq chik li xjolomeb'.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.