Isaías 14:4 - Q'eqchi Bible

⁴ teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Li Santil hu

⁴ Saꞌ eb li cutan aꞌan la̱ex te̱seꞌe lix reyeb laj Babilonia ut te̱ye: —Qꞌuehomak retal chanru nak qui-isi̱c xcuanquil li quirahobtesin ke. Qꞌuehomak retal chanru nak quisacheꞌ xlokꞌal li tenamit li cꞌajoꞌ xchꞌinaꞌusal nak quicuan.

Isaías 14:4 ပူးပေါင်းရင်းမြစ်များ

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 18:16

“Toq'ob' ru, toq'ob' ru li Nimla Tenamit, tiqto rik'in liino, kaqjorinkil ut kaqmoqinkil t'ikr! Toq'ob' ru li nalemtz'unk rik'in oor, tertookil pek ut lemtz'il q'ol!

Apocalipsis 17:6

Toja' naq kiwil li ixq yo xkalajik xb'aan xkik'eleb' li sant ut li xkik'eleb' li ke'kamk sa' xk'ab'a' li Jesus; ut k'ajo' naq kisachk linch'ool chi rilb'al.

Habacuc 2:17

Li maa'usilal xab'aanu aran Líbano taaq'apluuq sa' aab'een, ut k'ajo' naq tatxiwaq xb'aan li xkik'eleb' li k'iila xul xakamsiheb'. Chixjunil a'in taachalq sa' aab'een xb'aan laamaa'usilal jo' ajwi' xb'aan chixjunil li xab'aanu re li qana'aj, reheb' li qatenamit ut reheb' li jo'k'ihal wankeb' chisa'.

Daniel 2:38

A'an xk'ehok rub'el laawoq eb' li poyanam, eb' li ketomq jo'wi' eb' li xul neke'xik'ank chiru choxa, ut xxaqab' aawankil sa' xb'een chixjunil li ruuchich'och'. Laa'at li jolomej oor, at awab'ej.

Ezequiel 5:15

Tathob'e'q ut tatmajewaaq xb'aaneb' li tenamit sutsuukat wi'. Naq tinraqoq aatin sa' aab'een rik'in linjosq'il ut xninqal rahilal, chixjunileb' te'xtaw xyaalal -chan li Qaawa' Yos-.

Lamentaciones 4:1

K'ajo' naq xq'eqo'k ru li oor, ink'a' chik nalemtz'unk li chaab'il oor! Cha'chookeb' yalaq b'ar sa' b'e li xloq'laj pekil li rochoch li Yos.

Jeremías 24:9

Chixjunileb' a'an tinkanab'eb' sa' xutaan chiruheb' chixjunil li tenamit sa' ruuchich'och'; te'hob'e'q, te'se'eeq, te'eetz'uuq ut te'majewaaq sa'atqeb' li na'ajej b'arwi' tincha'cha'iheb'.

Isaías 51:23

Sa' ruq'eb' chik li xe'rahob'tesink aawe, tink'e, a'eb' li xe'yehok aawe: «B'uchub'aq eerib' chiru ch'och' re naq toonume'q sa' eeb'een». Ut laa'at xab'uchub' aawib' chiru ch'och', xatkanaak jo' jun li b'e cho'q reheb' li xe'nume'k sa' aab'een”.

Isaías 47:5

“K'ojlan chi maak'a' eek'ank, okan sa' li aak'ab', at xrab'in eb' laj Kaldeha, xb'aan naq ink'a' chik taayeemanq aawe: «Xna'eb' li tenamit».

Isaías 14:17

A'in li xkanab'ank li ruuchich'och' chi junesal na'ajej, xsachok chixjunileb' li tenamit ut maajun sut xrisiheb' li tz'aptz'ookeb' sa' tz'alam».

Isaías 14:6

li xe'tawasink reheb' li tenamit sa' josq'il ut ink'a' xe'ril xtoq'ob'aal ru eb' li poyanam, a'eb' li xe'numtaak sa' xb'eeneb' li tenamit chi maak'a'eb' xkuyum.

Isaías 13:19

Ut Babilonia, li ch'ina'us sa' xyanqeb' li tenamit, li xloq'al eb' laj Kaldeha ut li tenamit neke'xnimob'resi wi' rib', taakanaaq jo' Sodoom ut Gomoor li kinsacheb' ru.

2 Crónicas 36:18

Chixjunil li k'a'aq re ru li nak'anjelak sa' rochoch li Yos, jo' kok' jo' ninq, chixjunil li xsahil eechej li Qaawa' ut li k'aru nak'anjelak re li awab'ej ut reheb' laj k'anjel chiru, kik'ame'k Babilonia.

Isaías 9:4

Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

Isaías 13:1

A'an a'in li kik'utb'esiik chiru laj Isaías, ralal laj Amós, chirix li rahilal tixk'ul li tenamit Babilonia:

Isaías 14:5

Li Qaawa' xsach xwankileb' li ink'a' useb' xna'leb', xtoqi li xche'eb' laj rahob'tesinel,

Isaías 16:4

K'e rochochnaaleb' laj Mohab li xe'isiik chaq sa' li xtenamiteb'; k'uleb' aawik'in ut muqeb' chiruheb' laj sachonel”. Naq maajunaq chik aj rahob'tesinel ut akaq xraqe'k li raaxiik', naq ak x'elk laj tawasinel sa' li tenamit,

Isaías 51:13

K'a'ut naq nakatz'eq chirix laach'ool li Qaawa', laj yoob'tesihom aawe, li kihelok re li choxa ut kixk'ojob' li ruuchich'och'? K'a'ut naq nakanumsi li kutan chi xxiwankil ru laj rahob'tesinel, li junelik naxyal xq'e chasachb'al? Ab'anan, b'ar wank anaqwan li xjosq'il laj rahob'tesinel?

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

Jeremías 48:17

Chiraho'q eech'ool chirix Mohab, laa'ex li wankex chi xsutam ut nekexnawok ru; yaab'anqex chirix ut yehomaq: «Xtoqe'k li kawil che' a'in, x'oso'k li xwankil ut li xloq'al Mohab», cha'qex.