Isaías 14:3 - Q'eqchi Bible

³ Ex aj Israel, naq li Qaawa' texrisi chi munil, sa' li rahilal ut sa' li kawil k'anjel xextawasiik wi',

Li Santil hu

³ Ex aj Israel, li Ka̱cuaꞌ texqꞌue chi hila̱nc chiru li cacuil cꞌanjel ut li xiu ut li raylal li yo̱quex chixcꞌulbal.

Isaías 14:3 ပူးပေါင်းရင်းမြစ်များ

Jeremías 30:10

“Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Isaías 32:18

Lintenamit taahilanq sa' tuqtuukilal ut maak'a' taach'i'ch'i'inq reheb' sa'eb' li ochoch wanqeb' wi',

Zacarías 8:8

ut tink'ameb' chaq re naq te'hilanq Jerusalén. A'anaqeb' lintenamit ut laa'inaq li xYoseb': Yos re li tiikilal ut tiikil ch'oolej”.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Ezequiel 28:24

«Taaraqe'q li rahilal ut li rahob'tesiik cho'q reheb' laj Israel; maajun chik taatz'eqtaananq reheb' sa' xyanqeb' li k'iila tenamit neke'sutuk reheb'. Toja' naq taanawmanq naq laa'in li Qaawa'».

Jeremías 50:34

Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Deuteronomio 28:48

tatk'anjelaq chiruheb' li xik' neke'ilok aawe, li tixtaqlaheb' li Qaawa' aawik'in. Tattz'okaaq ut taachaqiq aawe, maak'a'aq aab'aatal ut wanqat sa' rajb'al ru chi junajwa. Li Qaawa' tixk'e chakux jun b'itch'iich' toj reetal tat-oso'q.

Zacarías 8:2

“Jo'ka'in naxye li Nimajwal Yos: K'ajo' naq naxamnak linch'ool xb'aan injosq'il chirix Sión; k'ajo' naq naxamnak li waanm!

Isaías 40:2

Aatinomaq Jerusalén sa' q'unil aatin ut yehomaq re chi yaal naq moko mun ta chik, ak xtoj rix chixjunil li xmaak, xb'aan naq ka'sut xrahob'tesiik xb'aan li Qaawa' chirix chixjunil li maa'usilal xb'aanu.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Jeremías 30:8

Chiru li kutan a'an laa'in tinkoleb' lintenamit ut tinjuk'i li xwankilaleb' li yookeb' chi rahob'tesinkeb' re. Ink'a' chik te'tawasiiq xb'aaneb' laj ab'l tenamit,