Isaías 14:2 - Q'eqchi Bible

² Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

Li Santil hu

² Eb li jalaneb xtenamiteb teꞌxtenkꞌaheb laj Israel chi sukꞌi̱c saꞌ lix naꞌajeb. Nak cuanqueb chic aran, eb li jalaneb xtenamiteb teꞌcꞌanjelak chiruheb laj Israel joꞌ mo̱s saꞌ li naꞌajej li quiqꞌueheꞌ reheb xban li Ka̱cuaꞌ. Eb li queꞌnumta saꞌ xbe̱neb laj Israel junxil, aꞌan eb chic li teꞌchapekꞌ ut teꞌcꞌanjelak chiruheb laj Israel. Eb laj Israel chic teꞌtakla̱nk saꞌ xbe̱neb li queꞌrahobtesin reheb junxil.

Isaías 14:2 ပူးပေါင်းရင်းမြစ်များ

Isaías 61:5

Eb' laj ab'l poyanam tole'xch'oolaniheb' leeketomq, eb' li jalaneb' xtenamit te'k'anjelaq cheru ut te'xxok ruheb' leerawimq.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Jeremías 30:16

Ab'anan te'sache'q ru jo'k'ihaleb' li neke'rahob'tesink aawe, ut chixjunileb' li xik' neke'ilok aawe te'xik chi preexil. Taa'elq'aaq chixjunil li k'a'aq re ru reheb' li xe'elq'ank aawe; ut eb' li xe'maq'ok k'a'aq re ru aawe, taamaq'manq ajwi' chiruheb' li k'aru reheb'.

Daniel 7:18

Ab'an taawulaq xq'ehil naq eb' li sik'b'ileb' ru xb'aan li Nimajwal Yos te'k'ehe'q xwankil ut a'aneb' chik te'reechani li awab'ejihom junq'e junq'e kutan», chan.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

Romanos 15:27

Jo'kan xe'xk'uub', ut us ajwi', xb'aan naq a'in tz'aqal tento sa' xb'eeneb': wi eb' laj Judiiy xe'xwotz li xsahil eechej li Musiq'ej rik'ineb' li junch'ol chik, eb' a'in tento te'k'anjelaq chiruheb' a'an rik'in li xchaab'il eechej li ruuchich'och'.

Isaías 18:7

Chiruheb' li kutan a'an taayeechi'imanq jun li mayej cho'q re li Nimajwal Yos xb'aaneb' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil, a' li tenamit jwal kaweb' rib' chi yalok ut sutsuukeb' xb'aaneb' li nima'. Te'xk'am chaq xmayejeb' sa' li tzuul Sión b'arwi' naloq'oniik ru li Qaawa', li Nimajwal Yos.

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.

Efesios 4:8

Jo'kan naq naxye li Santil Hu: “Naq kitaqe'k sa' choxa, kixk'ameb' chirix li wankeb' sa' tz'alam ut kixk'e xmaataneb' li poyanam”.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

2 Corintios 10:5

ut chixjunil li q'etq'etil li naraj numtaak sa' xb'een li xna'leb' li Yos. Naqaj naq li xk'a'uxl chixjunileb' taakanaaq rub'el roq rub'el ruq' li Kriist re naq te'paab'anq chiru;

Esdras 2:65

chi ink'a' k'eeb'ileb' sa' ajl eb' li winq ut ixq li wankeb' chi moosil (a'aneb' wuqub' mil rik'in wuqlaju xwuqlajuk'aal: 7,337) ut eb' li lajeek'aal (200) chi aj b'ichanel winq ut ixq.

San Lucas 12:45

Ab'anan, wi li moosej a'an tixye sa' xch'ool: «Laj eechal we xb'ay chaq», ut taa'ok chi xsak'b'aleb' li rech moosil winq ut ixq, taa'ok chi wa'ak, chi uk'ak ut chi kalaak,

Isaías 31:8

Toja' naq taa'oso'q Asiria chi q'esnal ch'iich', ab'an maawa' xb'aan xwankilal junaq winq. Ut wi eb' laj Asiria te'eleliq chiru li q'esnal ch'iich', te'chape'q ut te'k'ehe'q cho'q mun.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 49:22

Jo'ka'in kixye li Qaawa' Yos: “Laa'in tink'ut li wuq' chiruheb' li tenamit ut tink'e junaq eetalil cho'q reheb' li poyanam, re naq te'xk'am chaq chi q'unq'u eb' laawalal ut eb' laarab'in te'k'ame'q chaq sa' xb'eeneb' xtel.

Isaías 49:25

Li Qaawa' naxye naq naruuk: “Eb' li wankeb' chi preexil te'maq'e'q chiru li kaw rib', ut li reechanihom li josq' aj winq taa'eleliq chiru. Laa'in tinyaloq rik'ineb' li te'raj yalok aawik'in, ut tinkoleb' laawalal aak'ajol.

Isaías 54:3

xb'aan naq tatk'ihanq chi yo'oon, eb' laawalal aak'ajol te'reechani naab'aleb' li tenamit ut te'wanje'q sa'eb' li na'ajej yamyookeb' anaqwan.

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Ezequiel 39:10

Ink'a' chik te'xik chi si'ib'k sa' k'aleb'aal chi moko sa' k'iche', xb'aan naq a' li k'a'aq re ru na'oksimank re yalok te'xk'at cho'q xsi'eb'. Chi jo'kan te'xxok li k'aru xxokmank reheb', ut te'xmaq' chiruheb' li xik' neke'ilok reheb' li k'aru xmaq'e'k reheb' -chan li Qaawa'-.

Joel 3:8

Tink'ayi eb' leeralal eek'ajol reheb' laj Judá, ut eb' a'an te'xk'ayi reheb' laj Sabá li najtil tenamit”, chan li Qaawa' Yos.

Abdías 1:17

Ab'anan li tzuul Sión a'anaq li santil na'ajej b'arwi' te'xik chi muqlek eb' li xe'elelik. Eb' li ralal xk'ajol laj Jakob te'reechani wi' chik li xch'och'eb'.

Zacarías 2:9

Jo'kan naq ok we chi xtaqsinkil li wuq' sa' xb'eeneb', ut te'sache'q ru xb'aaneb' li xe'wank rub'el xwankileb'. Aran teenaw naq li Nimajwal Yos xtaqlank chaq we.

Levítico 25:44

“Wi taawaj naq wanqeb' aamun winq ut ixq, loq' aawe sa' jalanil tenamit li wankeb' chasutam.

Isaías 60:4

Taqsi laawilob'aal ut ilon chasutam: chixjunileb' a'in xe'xch'utub' chaq rib' ut yookeb' chi chalk aawik'in. Eb' laawalal te'chalje'q chaq toj chi najt ut eb' laarab'in te'k'ame'q chaq chi q'unq'u.

Isaías 66:12

Xb'aan naq laa'in li Qaawa' ninye chi jo'ka'in: Tink'e chi pukank aran li tuqtuukil usilal jo' jun nima'; jo' naq nab'ut'irk li nima', jo'kanaq li xchalik li xb'ihomaleb' li xninqal ru tenamit sa' xb'een Jerusalén. Toja' naq texch'oolaniiq, texk'ame'q chi q'unq'u ut text'otzt'otziiq sa' xb'eeneb' li raq.

Zacarías 2:13

Ch'anch'ooq chixjunileb' chiru li Qaawa', xb'aan naq A'an xwakliik ut yo chi elk chaq sa' li xloq'laj muheb'aal!