Isaías 13:5 - Q'eqchi Bible

⁵ Najt xe'chalk chaq, chalen junsut junrub'el choxa. Li Qaawa' rochb'eeneb' li neke'okenk sa' li xjosq'il te'xsach chixjunil li ruuchich'och'.

Li Santil hu

⁵ Najt xeꞌchal chak li soldados. Li Ka̱cuaꞌ yo̱ chi cha̱lc rochbeneb re tixsacheb ru li cuanqueb Babilonia xban nak yo̱ xjoskꞌil saꞌ xbe̱neb.

Isaías 13:5 ပူးပေါင်းရင်းမြစ်များ

San Mateo 24:31

Ut tixtaqlaheb' li x'ánjel rik'in xkawil yaab' tronpeet sa' xkaaxukuutil li ruuchich'och' re xch'utub'ankil li sik'b'ileb' ru xb'aan, chalen chaq sa' xtiklajik li choxa toj sa' xmaril.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 50:9

K'ehomaq reetal, laa'in tintaqlaheb' chaq jun ch'uut chi ninqi tenamit, li wankeb' chaq sa' xjayal releb'l iq', re naq te'xsach ruheb' laj Babilonia. Te'xtzolob' chaq rib' ut tole'reechani. Eb' laj puub' a'an, jwal kaweb' rib', moko neke'kutuk ta simaj chi maak'a' rajb'al.

Jeremías 50:3

Xb'aan naq xchalk chaq sa' xjayal releb'l iq' jun tenamit li toljuk'uq re Babilonia. Maajun chik taawanq sa' li na'ajej a'an, chi moko poyanameb' chi moko xuleb'.

Isaías 24:1

Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

Isaías 13:17

Tinchiq' xjosq'ileb' laj Media chi yalok rik'ineb'; eb' a'an ink'a' naxik xch'ooleb' chirix li tumin chi moko neke'xrahi ru li oor.

Isaías 5:26

Rik'in eetalil xb'oq jun li tenamit wan chaq chi najt; rik'in jun xuxb' xb'oq chaq toj sa' xmaril li ruuchich'och': ilomaq arin chi junpaat, xseeb'ank chaq chi chalk.

2 Samuel 1:27

K'a'ut naq xe't'ane'k li kaweb' rib'? K'a'ut naq xe'oso'k li yo'ooneb' chi yalok?”.

Isaías 7:18

Sa'eb' li kutan a'an li Qaawa' tixb'oqeb' chaq laj Ejiipt li jo'keb' xk'ihaleb' li suq, ut eb' laj Asiria li te'chalq chaq jo'keb' li kas.

Isaías 10:5

“Asiria a'an xk'anjelob'aal linjosq'il, a'an li tz'uum nawoksi naq yo injosq'il.

Isaías 26:20

At intenamit, okan sa' laamuheb'aal ut tz'ap li okeb'aal chawix. Chamuq aawib' jun k'amokaq toja' re naq taanume'q xjosq'il li Qaawa'.

Isaías 30:27

K'ehomaq reetal, we' chaq li Qaawa', toj najt xchalk chaq. K'ajo' chaq li xjosq'il jo' li ru xam ut li sib' li nasachok. Li xtz'uumal re nak'utuk li xjosq'il ut li ru'uj raq' nak'atok kama' li xam.

Isaías 34:2

K'ajo' xjosq'il li Qaawa' rik'in chixjunil li tenamit jo'wi' rik'in chixjunileb' laj puub'. Xteneb' li tojb'amaak sa' xb'eeneb' ut xq'axtesiheb' chi kamk.

Isaías 48:14

Ch'utub'omaq eerib' chejunilex ut ab'ihomaqin: Ani sa' eeyanq xyehok eere: «Li wamiiw tixb'aanu li wajom reheb' laj Babilonia ut eb' laj Kaldeha»?

Isaías 66:14

Naq teeril a'in, q'axal taasaho'q leeraanm ut taak'ulunq wi' chik leech'ool jo' li raxpim. Li Qaawa' tixk'ut li xwankilal sa' xyanqeb' laj k'anjel chiru, ut li xjosq'il taak'utunq sa' xyanqeb' li xik' neke'ilok re.

Jeremías 8:19

Yalaq b'ar na'ab'imank li xyaab'eb' lintenamit: “Ma maa'ani chik li Qaawa' aran Sión? Ma maak'a' chik li awab'ej aran?”, chankeb'. Ut li Qaawa' kichaq'ok ut kixye rehab': “K'a'ut naq xe'xchiq' injosq'il xb'aaneb' li xjalanil yoseb', li maak'a' neke'ok wi' chi moko nawb'ileb' ru”, chan.

Jeremías 50:25

Li Qaawa' xte li xk'uuleb'aal ut xrisi chaq li taak'anjelaq re risinkil li xjosq'il, xb'aan naq li Nimajwal Yos wank xk'anjel sa' xyanqeb' laj Kaldeha.

Ezequiel 22:31

Toja' naq xwisi linjosq'il sa' xb'eeneb' ut xeb'insach ru xb'aan xpo'ik linch'ool, re xteneb'ankil li tojb'amaak sa' xb'eeneb'»”, chan li Qaawa'.