Isaías 13:4 - Q'eqchi Bible

⁴ Na'ab'imank li choqink sa'atqeb' li tzuul, chanchan wi' xyaab' xkuxeb' li k'iila poyanam. Tz'aapixik tz'aqal rab'inkileb' li tenamit, eb' li k'iila poyanam li xe'xch'utub' rib' aran. Li Nimajwal Yos yo xtzolob'ankileb' laj puub' li te'xik chi yalok.

Li Santil hu

⁴ Abihomak li choki̱nc saꞌ xbe̱n li tzu̱l. Aꞌaneb li qꞌuila soldado. Aꞌaneb li qꞌuila tenamit li queꞌxjunaji ribeb. Li Ka̱cuaꞌ li nimajcual Dios yo̱ chixcauresinquileb lix soldado re teꞌpletik.

Isaías 13:4 ပူးပေါင်းရင်းမြစ်များ

Joel 3:14

K'ajo' xk'ihaleb' li tenamit sa' li taq'a b'arwi' twanq li raqok aatin! Xb'aan naq nach' chik wank li xKutankil li Qaawa' sa' xtaq'ahil li raqok aatin.

Joel 2:25

“Laa'in tink'e reeqaj leerawimq li xmaak'a'ok eere chiruheb' li chihab' naq xsache'k xb'aaneb' li k'iila motzo', laj saak', li chili' ut li raxq'een, naq xintaqlaheb' cherahob'tesinkil -chan li Yos-.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Isaías 5:26

Rik'in eetalil xb'oq jun li tenamit wan chaq chi najt; rik'in jun xuxb' xb'oq chaq toj sa' xmaril li ruuchich'och': ilomaq arin chi junpaat, xseeb'ank chaq chi chalk.

Isaías 5:30

Naq taawulaq xkutankil, li tenamit a'an tixjap chaq re jo' xyaab' li palaw naq taachalq sa' xb'eeneb' laj Israel; ut wi wank junaq taaril li ruuchich'och', tixk'e reetal naq junes aak'ab' ru ut rahil ch'oolej, ut maak'a'aq chik li saqenk xb'aan li choql.

Isaías 17:12

Japeb' chaq re eb' li k'iila poyanam chi chalk, chanchan xyaab' li xkaw oq li palaw naq neke'xjap chaq reheb'. Neke'tenlok chaq chi chalk eb' li poyanam, jo' naq nakilinb'ak xyaab' li b'ut'iha'.

Isaías 48:14

Ch'utub'omaq eerib' chejunilex ut ab'ihomaqin: Ani sa' eeyanq xyehok eere: «Li wamiiw tixb'aanu li wajom reheb' laj Babilonia ut eb' laj Kaldeha»?

Jeremías 21:4

«Jo'ka'in xye li Qaawa', xYos laj Israel: Laa'in tink'eheb' chi elelik laasoldaad chiruheb' laj Babilonia ut chiruheb' laj Kaldeha li yookeb' chi yalok eerik'in chirix li xsuttz'akil li tenamit, ut tolinch'utub'eb' sa' li tenamit a'in.

Jeremías 25:14

Xb'aan naq eb' laj Babilonia te'wanq rub'el xwankileb' li xninqal ru tenamit ut eb' li awab'ej jwal kaweb' rib'. Ut laa'in tink'eheb' chi xtojb'al rix li xmaakeb' jo' chanru li xyehom ut xb'aanuhomeb'»”.