Isaías 13:18 - Q'eqchi Bible

¹⁸ Chi simaj te'xkamsi eb' li saaj al, ink'a' te'ril xtoq'ob'aal ruheb' li k'uula'al, chi moko te'xkuy xmaakeb' li kok'al.

Li Santil hu

¹⁸ Riqꞌuin lix tzimaj telajeꞌxcamsiheb li cui̱nk li toj sa̱jeb. Incꞌaꞌ teꞌril xtokꞌoba̱l ruheb li cocꞌal chi moco teꞌril xtokꞌoba̱l ruheb li cꞌulaꞌal.

Isaías 13:18 ပူးပေါင်းရင်းမြစ်များ

2 Reyes 8:12

“K'a'ut naq nakatyaab'ak, wa'chin?”, chan laj Jasahel. Laj Eliseo kixsume: “Xb'aan naq ninnaw li rahilal taab'aanu reheb' laj Israel: taak'ateb' li ochoch kawub'resinb'ileb', taakamsiheb' chi ch'iich' eb' li saaj winq, taaputz'iheb' li xk'uula'aleb' ut taacho'eb' chi ch'iich' li xsa'eb' li ixq wankeb' sa' yu'am”, chan.

2 Crónicas 36:17

Toja' naq li Qaawa' kixtaqla chaq li awab'ej re Kaldeha chi yalok rik'ineb' laj Judá. Ut a'an kixkamsiheb' chi ch'iich' eb' li kaweb' rib', sa' rochoch li Yos, ut ink'a' kiril xtoq'ob'aal ruheb' li saaj winq, eb' li tuq'ixq, eb' li cheekel winq chi moko eb' li saq aj chik rismal xjolomeb': chixjunileb' ke'q'axtesiik xb'aan li Qaawa' sa' ruq'eb' laj Kaldeha.

Oseas 13:16

Eb' laj Samaria te'xtoj rix li xmaakeb' xb'aan naq ke'xq'etq'eti rib' chiru li Qaawa' li xYoseb'. Te'kamsije'q chi q'esnal ch'iich', eb' li ralal xk'ajol te'pik'aje'q chiru ch'och' ut eb' li ixq wankeb' sa' yu'am te'jachmanq chi ch'iich'”.

Ezequiel 9:10

Jo'kan naq laa'in ink'a' twil xtoq'ob'aal ruheb' chi moko tinkuy li xmaakeb'; anaqwan tinraq aatin sa' xb'eeneb' jo' chanru li xyehom ut xb'aanuhomeb'”, chan li Qaawa'.

Isaías 13:16

Chiruheb' ajwi' a'an te'sumsak'iiq chiru pek li ralaleb'; taa'elq'aaq xsa' chixjunileb' li ochoch ut te'maakoniiq li rixaqileb'.

Nahum 3:10

Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Nahum 2:1

At Nínive, we' chaq laj sachonel: yo chi chalk sa' aab'een. K'aak'alen chi us toj sa' li najt xteramil kab'l. Il chi us laab'e, b'ak' chasa' laaq'esnal ch'iich' ut kawresi aawib'.

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

Isaías 5:28

Q'es q'es ru'ujeb' li xsimaj ut chixjunil li xna' simaj kaw kaw rixeb'. Chanchan raxjohinkil pek li rixi'ijeb' li kawaay ut li roqeb' li xkaar kama'eb' li kaqsut-iq'.

Isaías 47:9

Ab'anan, maak'a'aq sa' laach'ool naq te'chalq li wiib' chi rahilal a'in sa' aab'een: li kanaak sa' junaatalil ut li xsachikeb' laawalal aak'ajol, us ta jwal nakattuulak ut nakatnawalink.

Jeremías 5:16

Chixjunileb' a'an jwal kaweb' rib', ut naq neke'kutuk chi simaj, maajun nakole'k.

Jeremías 6:23

Wankeb' chaq xsimaj ut xq'esnal ch'iich' sa' ruq'eb'; jwal anumeb' chi yalok, ut maajun neke'ril xtoq'ob'aal ru. Chanchan xyaab' li palaw naq neke'xjap chaq reheb', ut junes chirix kawaay neke'b'eek. Junchalikaqeb' chi yalok eerik'in, ex aj Jerusalén”.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 50:30

Jo'kan naq eb' li xsaaj al te'kamsiiq sa'atqeb' li b'e ut chixjunileb' laj puub' te'kamq sa' li kutan a'an”, chan li Qaawa'.

Jeremías 50:42

Wankeb' chaq xjutz' ch'iich' ut xsimaj sa' ruq'eb', q'axal josq'eb' ut maajun neke'ril xtoq'ob'aal ru. Chanchan xkawil oq li palaw naq neke'xjap reheb' ut wankeb' chaq chirix kawaay. Yo'oon wankeb' chi yalok aawik'in chi kaw, a Babilonia.

Jeremías 51:22

Wochb'eenat naq xinkamsiheb' winq ut ixq, cheekel winq ut saaj aleb', eb' li ch'ajom ut eb' li tuq'ixq.

Daniel 7:5

“Chirix chik a'an kik'ulunk jun chik li xul, chanchan wi' na'ilok jun nimla tz'uqtz'un, xaqxo sa' wiib' li roq, wank oxib' xb'aqel xuku'y sa' re ut q'axal taqenaq chik sa' xtz'e chiru li junpak'al. Ut kiyeemank re: «Waklin ut tiwon tib' chi yo'oon».