Isaías 13:14 - Q'eqchi Bible

¹⁴ “Toja' naq eb' li poyanam jo'kaqeb' li yuk chi elelik malaj kama'aqeb' li karneer li neke'cha'chotk chi maajun chik nach'utub'ank reheb'. Li junjunq tixchap raanil sa' li xtenamit ut taa'eleliq toj sa' li xk'aleb'aal.

Li Santil hu

¹⁴ Eb li jalaneb xtenamit teꞌe̱lelik re teꞌxic saꞌ lix tenamiteb. Chanchanakeb li quej li nequeꞌe̱lelic chiruheb laj yo. Chanchanakeb li carner li nequeꞌxchaꞌchaꞌi ribeb yalak bar xban nak ma̱cꞌaꞌ aj ilol reheb.

Isaías 13:14 ပူးပေါင်းရင်းမြစ်များ

1 Reyes 22:17

Toja' naq laj Mikeas kixye: “Nake'wil chixjunileb' laj Israel neke'cha'chotk chiruheb' li tzuultaq'a, chanchaneb' li ketomq maak'a' aj ilol reheb'. Ut li Qaawa' xye: «Maak'a' aj eechaleb' re; li junjunq chisutq'iiq sa' rochoch sa' tuqtuukilal»”.

Jeremías 50:16

Maajun teekanab' chi awk aran Babilonia chi moko teekol li naxokok ru awimq sa' xq'ehil li q'olok. Naq te'ril li nimla rahilal, li junjunq taa'eleliq ut taaxik sa' li xtenamit; li junjunq taasutq'iiq wi' chik sa' li xna'aj.

1 Reyes 22:36

Naq ki'ok li aak'ab', ki'ab'iik xyeeb'al sa' xyanqeb' laj puub': “Li junjunq chisutq'iiq sa' li xtenamit ut sa' li rochoch,

Jeremías 51:9

Ak xqab'an Babilonia, ab'an ink'a' xk'iraak. Qakanab'aq ut li junjunq xikaq sa' li xtenamit, xb'aan naq li xmaa'usilal xwulak toj sa' choxa ut xnawmanje'k toj sa' xb'eeneb' li choql.

Isaías 47:15

A'an toxe'oso'q wi' eb' laj tuul, eb' li q'axal xe'tawasink aawe chiru chixjunil laayu'am. Ak xb'e xb'e te'xk'am li junjunq ut maajun taaruuq chi kolok aawe.

Isaías 17:13

Ab'anan naq li Yos tixq'useb' chi kaw, eelel te'xik chi najt ut te'aanilasiiq jo' naq na'apuuk li mul xb'aan li iq' toj sa'eb' li tzuultaq'a, chanchanaqeb' xmuqyax li kaqsut-iq'.

San Mateo 9:36

Naq kirileb' li k'iila tenamit, kixtoq'ob'a ruheb' xb'aan naq ch'i'ch'i'inb'ileb' ut cha'chookeb', jo'keb' li karneer maak'a' aj ilol reheb'.

San Marcos 6:34

Naq li Jesus ki'elk chaq sa' li jukub', kiril naq naab'aleb' li tenamit ut kixtoq'ob'a ruheb', xb'aan naq jo'keb' li karneer maak'a' aj ilol reheb'; ut naab'al li k'a'aq re ru ki'ok wi' chi xtzolb'aleb'.

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

Isaías 21:15

Xb'aan naq yookeb' chi elelik chiru li kamk ut li nimla yalok, chiru li q'esnal ch'iich' ut li simaj li ak yo'oon wank.

Jeremías 25:12

Ut naq akaq xnume'k li lajeeb' xkaak'aal chihab' a'an, laa'in tinraqoq aatin sa' xb'een li awab'ej re Babilonia jo'wi' sa' xb'een li xtenamit xb'aan li xmaakeb'. Jo'kan ajwi' tinb'aanu reheb' laj Kaldeha, ut po'lem teb'inkanab' chi junwaakaj -chan li Qaawa'-.

Nahum 3:18

“Q'axal sa neke'wark laj k'aak'alehom aawe, at awab'ej re Asiria! Eb' li xjolomileb' laj puub' hilhookeb' xaq, eb' laasoldaad neke'cha'chotk sa'eb' li k'iche' ut maajun nach'utub'ank reheb'.