Isaías 11:2 - Q'eqchi Bible

² Ut rik'in a'an taawanq li xmusiq' li Qaawa': a' li musiq'ej nak'ehok choxahil na'leb' ut seeb'al ch'oolej, nak'ehok chaab'il k'a'uxl ut kawil ch'oolej, musiq'ej re xnawb'al ut roxloq'inkil li Yos.

Li Santil hu

² Ut lix musikꞌ li Ka̱cuaꞌ ta̱cua̱nk riqꞌuin chi junelic. Aꞌan ta̱qꞌuehok xnaꞌleb ut xse̱bal xchꞌo̱l. Ut aꞌan ta̱tenkꞌa̱nk re chi qꞌuehoc naꞌleb ut chi takla̱nc. Aꞌan ta̱tenkꞌa̱nk re chixnaubal ru lix ya̱lal ut chixxucuanquil ru li Ka̱cuaꞌ.

Isaías 11:2 ပူးပေါင်းရင်းမြစ်များ

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

San Juan 16:13

Naq tol'elq li Musiq'ej re li yaal, a'an taak'amoq eeb'e toj sa' xjunxaqalil li yaal, xb'aan naq ink'a' taa'aatinaq yal xjunes rib', tixye b'an chixjunil li narab'i chaq ut tixk'ut cheru li k'aru chaalel.

2 Timoteo 1:7

Xb'aan naq moko li xiwak ta xqamaatani chaq rik'in li Yos, a' b'an li xkawub' qach'ool, li rahok ut kuyuk ib'.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

San Mateo 3:16

Ut naq ak xkub'siik xha' li Jesus, ki'elk chaq chi junpaat sa' li ha'; toja' naq kitehonk li choxa ut kiril li xMusiq' li Yos yo chaq chi kub'eek sa' xb'een kama' junaq mukuy.

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Deuteronomio 34:9

Nujenaq chi chaab'il k'a'uxl laj Josué, ralal laj Nun, xb'aan naq laj Moisés kixk'e li ruq' sa' xb'een. Jo'kan naq eb' laj Israel ke'ab'ink chiru ut ke'xb'aanu li kitaqlaak wi' laj Moisés xb'aan li Qaawa'.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

San Juan 15:26

“Naq taachalq laj K'ojob'anel ch'ool li toxintaqla chaq, a' li Musiq'ej re li yaal li nachalk rik'in li Yuwa'b'ej, a'an taa'aatinaq chiwix.

Apocalipsis 1:4

Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

Éxodo 28:3

Taawaatina chixjunileb' laj k'anjel li xink'eheb' xna'leb': a'aneb' te'yiib'anq re li raq'eb' laj Aharón re naq q'axtesinb'ilaq we cho'q aj tij.

Salmos 72:2

Chixjolomi taxaq laatenamit sa' tiikilal, ut eb' li neb'a' chixb'eresiheb' sa' xyaalalil.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Isaías 28:6

Li Qaawa' tixk'e li tiikil ch'oolej reheb' laj raqol aatin ut xkawil xch'ooleb' laj puub' chi xkolb'al li tenamit re naq maajun taa'ok chisa'.

Isaías 32:15

Ab'anan taqe'q taahoye'q chaq li Musiq'ej sa' qab'een. Toja' naq li chaqich'och' tkanaaq cho'q xna'aj awimq ut li xna'aj awimq taak'iche'o'q wi' chik.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,