Isaías 11:12 - Q'eqchi Bible

¹² Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

Li Santil hu

¹² Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Isaías 11:12 ပူးပေါင်းရင်းမြစ်များ

Sofonías 3:10

Toj junpak'al eb' li nima' re Etiopía tole'tz'aamanq ut tole'elajinq chiwu eb' li walal ink'ajol li cha'cha'inb'ileb', ut te'xk'amatq chaq xmayejeb'.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Zacarías 10:6

“Laa'in tink'e xkawub' xch'ooleb' laj Judá ut tintenq'aheb' li ralal xk'ajol laj José. Tink'ameb' chaq wi' chik sa' li xtenamiteb' xb'aan naq nawil xtoq'ob'aal ruheb'; chanchan naq maajun sut xintz'eqtaanaheb', xb'aan naq laa'in li Qaawa' li xYoseb' ut nink'ul li xtijeb'.

Salmos 147:2

Li Qaawa' xwaklesi wi' chik Jerusalén, ut xch'utub'eb' laj Israel li xe'cha'cha'iik.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Salmos 68:22

Ab'an li Yos tixputz'i xjolomeb' li xik' neke'ilok re, li xjolomeb' li sa wankeb' sa' xmaa'usilaleb'.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Santiago 1:1

Laa'in laj Santiago, xmoos li Yos ut xmoos li Qaawa' Jesukriist, nintaqla xsahil xch'ooleb' li kab'laju teep chi tenamit xcha'cha'ihomeb' rib' yalaq b'ar.

San Juan 7:35

Toja' naq eb' laj Judiiy ke'xye chirib'ileb' rib': —B'ar anchal taaxik a'an naq ink'a' tooruuq xtawb'al? Malaj taaxik ta rik'ineb' laj Griego li xe'xcha'cha'i rib'eb', re naq tixtzoleb'?

Isaías 62:10

Ex aj Jerusalén, elenqex, numenqex sa' li okeb'aal! Tehomaq li b'e chiru lintenamit. Tuqub'omaq, tuqub'omaq chi chaab'il li nimb'e ut isihomaqeb' li pek. Taqsihomaq leereetalil re naq taa'ile'q xb'aaneb' li tenamit.

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Deuteronomio 32:26

“Xb'enwa xink'oxla xcha'cha'inkileb' ut xsachb'al li xk'ab'a'eb' junsut junrub'el choxa.

Apocalipsis 7:1

Chirix chik a'an kiwil kaahib' chi ánjel xaqxookeb' sa' xkaaxukuutil li ruuchich'och', yookeb' chi xramb'al li kaahib' chi riq'ul li ruuchich'och' re naq ink'a' taa'apunq li iq' sa' xb'een li ruuchich'och', chi moko sa' xb'een li palaw malaj sa' xb'een junq toonaq chi che'.

Salmos 60:4

Xachiq'chiq'i ut xa'it'ixi li ruuchich'och'; anaqwan chayiib'eb' li x'itz'ilal, xb'aan naq hame'k re.

Salmos 107:3

eb' li ke'ch'utub'aak sa' xyanqeb' li tenamit, chalen sa' releb'l ut toj sa' rokeb'l li saq'e, chalen sa' releb'l ut toj sa' rokeb'l li iq'.

Isaías 24:16

Sa' xkaaxukuutil li ruuchich'och' naqab'i li b'ichank: “Chinimaaq xloq'al li jwal tiik xch'ool”. A'ut laa'in xinye: “Toq'ob' xaq wu, toq'ob' xaq wu, xin'oso'k!”. Eb' laj b'alaq' yookeb' chi b'alaq'ik, ut k'ajo' li maa'usilal neke'xb'aanu!

Isaías 49:5

Tintaw inloq'al chiru li Qaawa' ut A'an tz'aqal li nak'ehok inkawilal. Ut anaqwan kixye we li Qaawa', li kik'uub'ank chaq we rik'in linna' re naq tink'anjelaq chiru, re xsutq'isinkil chaq wi' chik laj Jakob rik'in A'an ut re xjunajinkileb' li ralal xk'ajol laj Israel:

Isaías 49:22

Jo'ka'in kixye li Qaawa' Yos: “Laa'in tink'ut li wuq' chiruheb' li tenamit ut tink'e junaq eetalil cho'q reheb' li poyanam, re naq te'xk'am chaq chi q'unq'u eb' laawalal ut eb' laarab'in te'k'ame'q chaq sa' xb'eeneb' xtel.

Isaías 54:7

Jun k'amok xatinkanab', ab'an rik'in xnimal xchaab'ilal linch'ool tatink'am wi' chik wik'in, -chan laaYos-.

Isaías 60:4

Taqsi laawilob'aal ut ilon chasutam: chixjunileb' a'in xe'xch'utub' chaq rib' ut yookeb' chi chalk aawik'in. Eb' laawalal te'chalje'q chaq toj chi najt ut eb' laarab'in te'k'ame'q chaq chi q'unq'u.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Jeremías 30:17

Relik chi yaal naq tatink'irtasi wi' chik ut tinb'an laatiq'ilal, us ta xak'ab'a'in: «Tz'eqtaananb'il» jo' ajwi': «Maajun nak'oxlank re li tenamit Sión». Laa'in, li Qaawa', ninyehok re a'in”.

Jeremías 50:4

“Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.

Ezequiel 28:25

“Laa'in, li Qaawa', ninye chi jo'ka'in: Tinch'utub' li tenamit Israel sa' xyanqeb' li tenamit cha'chookeb' wi', ut tink'ut linsantilal chiruheb'. Eb' li ralal xk'ajol aj Israel te'na'ajunq sa' li xna'ajeb', sa' li ch'och' kink'e re laj Jakob, laj k'anjel chiwu.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Jeremías 51:12

Taqsihomaq li eetalil naq tex'ok chi xjuk'b'al li xsuttz'akil Babilonia. K'ehomaq naab'aleb' laj puub' aran, xaqab'omaqeb' li te'k'aak'alenq ut kawresihomaq eb' li te'ramoq sa'atqeb' li b'e. Xb'aan naq li Qaawa' xk'uub'ank re a'in ut tixb'aanu li kixye chaq junxil chirixeb' laj Babilonia.

Oseas 2:2

Li Qaawa' kixye chi jo'ka'in: “Q'usumaq leena', jitomaq, xb'aan naq moko insum'aatin ta chik, ut moko laa'in ta chik li xb'eelom. Xkanab'aq li yumb'eetak ut mixsik'eb' chik li xsum.

Zacarías 8:7

“Jo'ka'in naxye li Nimajwal Yos: Tinkoleb' lintenamit naq twisiheb' chaq sa' xjayal releb'l saq'e ut sa' xjayal rokeb'l saq'e;