Isaías 10:30 - Q'eqchi Bible

³⁰ Japomaq eere chi kaw li wankex Bat-Kalín! Ab'ihomaq, laa'ex aj Layis, chaq'onqex chaq, ex aj Anatot!

Li Santil hu

³⁰ Japomak e̱re, la̱ex li cuanquex Galim; japomak e̱re chi cau re nak ta̱abi̱k toj Lais. Tokꞌob ruheb li cuanqueb Anatot.

Isaías 10:30 ပူးပေါင်းရင်းမြစ်များ

1 Samuel 25:44

Laj Saúl ak xk'ehom lix Mikal li xrab'in, rixaqil laj David, cho'q rixaqil laj Paltí aj Galín, ralal laj Layis.

Jeremías 1:1

A'an a'in resil li xyehom xb'aanuhom laj Jeremías, ralal laj Jilkías, xkomoneb' laj tij li ke'wank sa' li tenamit Anatot, sa' xteepaleb' laj Benjamín.

Josué 21:18

Anatot rochb'een xk'aleb'aaleb', Almón rochb'een xk'aleb'aaleb': kaahib' chi tenamit.

Jeremías 32:8

Ut relik chi yaal naq laj Janamel, li ralal li wikan, xk'ulunk wik'in, jo' ak xyehom we li Qaawa'; xolinraatina chiru xneb'aalil li rochocheb' laj k'aak'alenel re li awab'ej ut xyeechi'i we li xna'aj li wank Anatot, sa' xteepal Benjamín, xb'aan naq ink'ulub' xloq'b'al ut reechaninkil. Toja' naq xintaw ru naq a'an xtaqlahom li Qaawa',

1 Reyes 2:26

Moqon chik laj Salomón li awab'ej kixye re laj Abiatar laj tij: “Ayu Anatot, sa' laatenamit. Aak'ulub' kamk, ab'anan ink'a' nawaj aakamsinkil anaqwan sa' xk'ab'a' naq laa'at katk'amok re li xLoq'laj Kaax li Qaawa' chiru laj David linyuwa', ut kawotz rochb'een a'an chixjunil li rahilal kixk'ul”.

Jueces 18:29

Ke'xjal ajwi' xk'ab'a' li tenamit: ink'a' chik Lahis naxk'ab'a'in anaqwan, Dan b'an ke'xk'e cho'q xk'ab'a' re xjultikankil laj Dan li xyuwa'eb', ralal laj Israel.

Jueces 18:7

Toja' naq eb' li oob' chi winq koheb' ut ke'wulak Lahis. Aran ke'xk'e reetal naq eb' li xpoyanamil li na'ajej a'an wankeb' sa' xyaalal, jo' k'aynaqeb' wi' laj Sidón, ut k'ojk'ookeb' xch'ool chi maak'a' k'oxlak. Maak'a' namajelo'k reheb' ut maa'ani nach'i'ch'i'ink reheb'. Najt wankeb' rik'in Sidón ut ink'a' neke'xnaw rib' rik'ineb' laj Aram.

Isaías 10:31

Eb' laj Madmená ke'elelik ut li wankeb' Kebín koxe'xmuq rib'eb'.

Nehemías 11:32

Anatot, Nob, Ananías