Isaías 10:13 - Q'eqchi Bible

¹³ Xyehom li awab'ej re Asiria: “Xinb'aanu a'in rik'in linkawilal ut rik'in li xwankil linna'leb', xb'aan naq jwal seeb' inch'ool. Xinsach xnub'ajlileb' li tenamit, xlajweechani li xb'ihomaleb' ut xwisiheb' li awab'ej sa' li xna'ajeb' jo' junaq winq li q'axal kaw rib'.

Li Santil hu

¹³ Lix reyeb laj Asiria naxye: —Chixjunil li xinba̱nu, xinba̱nu xban nak cuan innaꞌleb ut incuanquil. Xban nak ninnau cꞌoxlac, us xin-el riqꞌuin li xinba̱nu. Xinnumta saꞌ xbe̱neb nabal li tenamit ut xincꞌam chokꞌ cue lix biomaleb. Ut xinmakꞌ lix cuanquileb lix reyeb.

Isaías 10:13 ပူးပေါင်းရင်းမြစ်များ

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Deuteronomio 8:17

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

Habacuc 1:16

Jo'kan naq laj kar taamayejaq chiru li xyooy ut tixk'at li pom chiru li xluch b'aq, xb'aan naq sa' xk'ab'a' a'an wank xwa ruk'a' chi chaab'il ut chi numtajenaq.

Amós 6:13

Nasaho'k leech'ool chi maak'a' rajb'al, ut nekeye: “Ma ink'a' tab'i' xqeechani Karnáhin yal qajunes qib'?”, chankex.

Amós 5:27

Jo'kan naq anaqwan texink'am toj junpak'al Damaask”, chan li Qaawa', li Nimajwal Yos.

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Ezequiel 26:2

“At kaamel winq, eb' laj Tiro neke'xse'e Jerusalén ut yookeb' chi xyeeb'al: «Us ajwi' naq xsache'k li xnimal ru tenamit, xna'ajeb' laj yakonel. Xjuk'e'k xwankil chi junwaakaj; laa'o chik toob'ihomo'q ut eb' a'an te'oso'q sa' neb'a'il».

Ezequiel 25:3

naq te'rab'i li aatin naxye li Qaawa': «Laa'ex xexsaho'k naq xsachmank xloq'al li wochoch, xjuk'mank li tenamit Israel ut eb' laj Judá xe'k'ame'k chi preexil.

Isaías 10:8

Xb'aan naq naxye sa' xch'ool: «Ma ink'a' tab'i' awab'ejeb' chixjunileb' li wankeb' rub'el linwankil?

1 Crónicas 5:26

Jo'kan naq li xYos laj Israel kixtoch' xch'ool laj Pul, awab'ej re Asiria, naraj naxye naq laj Tiklat-Piléser, a' li kirisi sa' xna'ajeb' eb' laj Rubén ut aj Gad jo'wi' li xyiijachil xteepaleb' laj Manasés; ut kixk'ameb' aran Jalaj, Jabor, Jará, jo'wi' chire li nima' Gosán, b'arwi' wankeb' toj anaqwan.

2 Reyes 18:32

Chirix chik a'an tinwulaq laa'in ut texink'am sa' jun na'ajej jo' leena'aj laa'ex, b'arwi' na'elk chi us li triiw, li uub', li aseeyt ut li xya'al kab'. Chi jo'kan taawanq leewa leeruk'a' chi yo'oon, yo'yooqex ut ink'a' texkamq. Laj Esekías yo cheb'alaq'inkil rik'in xyeeb'al naq li Qaawa' taakoloq eere.

2 Reyes 18:15

Jo'kan naq laj Esekías kixq'axtesi chixjunil li tumin li wank sa' rochoch li Qaawa' ut sa' xk'uuleb'aal li awab'ej.

2 Reyes 18:11

Li awab'ej re Asiria kixk'ameb' laj Israel aran Asiria, ut kixk'eheb' chi wank sa'eb' li na'ajej Jalaj, Jabor, chire li nima' Kosán, ut sa'atq xteepaleb' laj Media.

2 Reyes 17:24

Li awab'ej re Asiria kixk'ameb' chaq laj Babilonia, laj Kutá, aj Abá, laj Jamat ut eb' aj Separbáhin, ut kixk'eheb' xna'aj sa' li tenamit Samaria, ke'wank wi' eb' laj Israel. Jo'kan naq ke'reechani Samaria ut ke'kanaak sa' li xna'ajeb' laj Israel.

2 Reyes 17:6

B'eleeb' chihab' chik rokik chi awab'ejink laj Oseas, naq laj Salmanasar, awab'ej re Asiria, kireechani li tenamit Samaria, kixk'ameb' chi preexil laj Israel toj Asiria, ut koxkanab'atqeb' sa'eb' li na'ajej Jalaj, Jabor, chire li nima' Kosán, ut sa'atq xteepal Media.

2 Reyes 16:8

Laj Ajás kixxok li plaat ut li oor wank sa' rochoch li Qaawa' ut li wank sa' xk'uuleb'aal li awab'ej, ut kixtaqla jo' maatan cho'q re li awab'ej re Asiria,

2 Reyes 15:29

Naq wank laj Pékaj cho'q awab'ej re Israel, laj Tiklat-Piléser, awab'ej re Asiria, kiyalok rik'ineb' laj Israel ut kixchapeb' li tenamit Iyón, Abel-Bet-Mahaká, Yanóhaj, Kadés, Jasor, Galahad, Galilea ut chixjunil li xteepal Efraín, ut kixk'ameb' chixjunil li xpoyanamileb' toj Asiria.

Jeremías 46:8

A'an li tenamit Ejiipt li naxnima xwankil jo' li nima' Nilo, kama' jun li nima' q'axal kaw roq. «Taanimanq inwankil ut tweechani li ruuchich'och' -chan Ejiipt-; tinsacheb' li tenamit jo'wi' chixjunileb' li xpoyanamil».

Jeremías 48:14

“K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?

Ezequiel 35:13

Xanima laawankil chiwu ut k'ajo' naq xinaahob' chi aatin. Laa'in xwab'i chixjunil.

Habacuc 2:6

Ab'anan chixjunileb' li eechaninb'il tenamit te'xse'e li ke'eechanink reheb', yooqeb' chi xyeeb'al: “Ra chaalel sa' aab'een laa'at li xatb'ihomo'k rik'in li moko aawe ta! Toj jo'q'e taakanab' xch'utub'ankil li b'ihomal li wank chi to' aawik'in?”.

Jueces 7:2

Kixye li Qaawa' re laj Jedehón: “Q'axal naab'aleb' li tenamit neke'ochb'eenink aawe. Wi tinq'axtesiheb' sa' ruq'eb' laj Madián, mare anchal te'xnimob'resi rib' laj Israel ut te'xye naq rik'in li xwankileb' xe'xkol rib'.

Proverbios 28:11

Li b'ihom naxk'oxla naq wank xna'leb'; ab'an li neb'a' ut tiik xch'ool tixye ani li winq a'an.

Isaías 5:21

Ra chaalel sa' eeb'een li nekeye naq wank eena'leb' ut nekek'oxla naq seeb' leech'ool.

Daniel 4:27

Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Habacuc 1:11

Neke'nume'k jo' li kaqsut-iq'; chirix chik a'an neke'sachk chi k'ojk'o xch'ooleb' rik'in li xkawilaleb': a'an tz'aqal neke'xk'e cho'q xyoseb'”.