Isaías 1:4 - Q'eqchi Bible

⁴ Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Li Santil hu

⁴ Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Isaías 1:4 ပူးပေါင်းရင်းမြစ်များ

Isaías 5:24

Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Jeremías 2:13

Wiib' li maak xe'xb'aanu lintenamit: xine'xtz'eqtaana laa'in, li yu'amha', ut xe'xyiib' li xkumb'eb', ab'anan x'it'e'k chiruheb' ut ink'a' nat'ilk li ha' chisa'.

Romanos 8:7

Li nak'amok wi' li xrahinkil li naraj li tz'ejwalej, a'an wank sa' xiik'ilal rik'in li Yos: li tz'ejwalej ink'a' naxk'e rib' rub'el xwankil xchaq'rab' li Yos, chi moko taaruuq aj ta wi';

San Mateo 3:7

Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Jeremías 7:19

Ma laa'in tab'i' yookeb' chinmajewankil? Ma ink'a' tab'i' a'aneb' ajwi' neke'xmajewa rib' ut chi jo'kan neke'xk'ut xxutaaneb'?

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

1 Corintios 10:22

Malaj tqaj xyoob'ankil xsowenal li Qaawa'? Ma q'axal kawo tab'i' laa'o chiru li Yos?

San Mateo 23:33

“Ex k'anti', ralex q'anb'olay! Chanru naq tex'eleliq chiru li tojb'amaak sa' xb'alb'a?

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Ezequiel 16:33

Chixjunileb' li neke'yumb'eetak, neke'q'ajkamuuk; ab'an laa'at ink'a', xq'ajkamunkileb' chik li neke'rahink aawu kab'aanu ut katojeb' chi yo'oon re naq yalaq b'ar te'chalq chaq chi maakob'k aawik'in.

Jeremías 51:5

Xb'aan naq chixjunileb' laj Israel ut eb' laj Judá k'ajo' li xmaakeb' chiwu laa'in; xe'xnujob'resi li tenamit rik'in li xmaa'usilaleb', ab'an ink'a' xe'kanab'aak xjuneseb' inb'aan laa'in li Qaawa', li Nimajwal Yos, li xSant laj Israel.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Jeremías 2:33

“Q'axal tzolb'ilat chi xsik'b'aleb' li neke'rahink aawu; a'atqeb' laj yumb'eet neke'xtzol re aawik'in!

Jeremías 2:31

Ex aj Israel, ab'ihomaq chi us li raatin li Qaawa'. Ma laa'in tab'i' jun chaqich'och' cho'q eere malaj laa'in ta junaq na'ajej aak'ab' ru? Ex intenamit, k'a'ut naq nekeye: «Tqab'aanu li k'aru naqaj; maajoq'e chik toochalq aawik'in», chankex?

Jeremías 2:5

Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

Isaías 65:3

jun tenamit li junelik naxchiq' injosq'il chi xnaq' wu xb'aan naq namayejak chiruheb' li jalanil yos sa' xna'ajeb' li awimq ut naxk'at li k'ajpom sa' xb'eeneb' li xanil artal;

Isaías 41:20

re naq chixjunil li ruuchich'och' tixnaw, tixtaw ru ut tixnaw xyaalal naq laa'in li Qaawa' xinb'aanunk re a'in; laa'in li xSant laj Israel xinyoob'tesink re rik'in linwankil.

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Isaías 14:20

Laa'at ink'a' tatmuqe'q jo'eb' li awab'ej a'an, xb'aan naq xasach laana'aj ut xakamsiheb' laawech tenamitul. Eb' li ralal xk'ajoleb' laj b'aanuhom maa'usilal maajun chik taapatz'oq reheb'.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Isaías 3:8

Relik chi yaal naq yo chi sache'k Jerusalén ut juk'b'il chik Judá, xb'aan naq ink'a' us li xyehom xb'aanuhomeb'; xik' neke'ril li Qaawa' ut xe'xchiq' xjosq'il li Yos.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Salmos 89:18

Xb'aan naq laa'at li xloq'al ut li xkawilaleb'; sa' xk'ab'a' laawusilal naqataqsi li qilob'aal.

Salmos 78:40

K'ajo' naq ke'xq'etq'eti rib' sa' li chaqich'och', q'axal ke'xpo' xch'ool sa' li junesal na'ajej a'an.

Salmos 78:8

Re naq ink'a' te'xb'aanu kama'eb' li xna' xyuwa'eb': eb' a'an tz'aqal aj q'etoleb' aatin chaq ut kaweb' xjolom, a'aneb' jun tenamit li kok'aq xsa' nach'inank xch'ool ut naxq'et li xchaq'rab' li Qaawa'.

Salmos 58:3

Ma ink'a' tab'i' yal naraj leech'ool naq nekeb'aanu li ink'a' us? Rik'in leeruq' nekexyoob'ank raaxiik' sa' chixjunil li ruuchich'och'.

Jueces 10:10

Toja' naq ke'xyaab'a xk'ab'a' li Qaawa' ut ke'xye re: “At Qaawa', at qaYos, xoomaakob'k chawu, xb'aan naq xatqatz'eqtaana re xloq'oninkileb' laj Bahal”, chankeb'.

Deuteronomio 32:19

Naq li Qaawa' kiril a'an, rik'in xnimal xjosq'il kixtz'eqtaanaheb' li ralal xk'ajol

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Deuteronomio 29:25

Ut taayeemanq reheb': «Xb'aan naq ke'xq'et li Sumwank kixb'aanu li Qaawa', a' li xYos eb' li xxe'toonil yuwa'eb', naq kirisiheb' chaq sa' li tenamit Ejiipt.

Números 32:14

Ut anaqwan laa'ex chik xek'amchi'i xna'leb'eb' leena' leeyuwa' jo' ralal xk'ajoleb' laj maak: teeraj wi' chik xchiq'b'al xjosq'il li Qaawa' sa' xb'eeneb' laj Israel!

Génesis 13:13

Eb' laj Sodoom jwal ink'a' useb' xch'ool ut aj maakeb' chiru li Qaawa'.

Apocalipsis 18:5

Xb'aan naq li xmaakeb' li tenamit a'an ak xo'tub'laaq toj sa' choxa, ut xnaqk sa' xch'ool li Yos li xmaa'usilaleb'.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Nehemías 1:7

xb'aan naq ink'a' xqapaab' laachaq'rab', laawaatin ut laataqlahom li xak'e qe sa' xk'ab'a' laj Moisés aj k'anjel chawu.

Salmos 71:22

Ut laa'in tinyoxinq chawu rik'in aarp; at inYos, tinb'icha xnimal laatiikilal, tinwajb'aq cho'q aawe, at xYos laj Israel.

Isaías 1:28

Ab'an eb' laj q'etoleb' aatin ut eb' laj maak te'xk'ul li raaxiik'; te'kamq chixjunileb' li neke'tz'eqtaanank re li Qaawa'.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 31:2

Ab'an li Qaawa' seeb' ajwi' xch'ool ut naxnaw rahob'tesink; naq naxye junaq li raatin, ink'a' chik naxjal li xk'a'uxl. A'an taaraqoq aatin sa' xb'eeneb' li ink'a' useb' xna'leb' jo'wi' sa' xb'eeneb' li neke'tenq'ank reheb' laj b'aanuhom maa'usilal.

Isaías 57:17

Xinjosq'o'k xb'aan naq k'ajo' li ratawom laj Israel; xinrahob'tesi ut xinmuq wib' chiru. Ab'an a'an xq'etq'eti rib' ut xkawub'resi xch'ool sa' li xjipil.

Isaías 58:2

Neke'xye naq rajlal kutan nikine'xsik' ut nawulak chiruheb' xnawb'al li wajom, jo' jun tenamit nab'aanunk re li us ut ink'a' naxtz'eq chirix xch'ool li xtaqlahom li xYos. Neke'xpatz' we li chaq'rab' jwal chaab'il ut nawulak chiruheb' wank chink'atq.

Isaías 65:11

“A'ut laa'ex li neketz'eqtaana li Qaawa' ut neketz'eq chirix eech'ool linsantil tzuul, li nekemayeja li tzekemq chiru laj Gad ut nekenujob'resi li sek' rik'in b'iin cho'q re laj Mení,

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

Ezequiel 14:5

“Tintoch' xch'ooleb' laj Israel li xe'najto'k wik'in xb'aan chixjunileb' li xjalanil yoseb'.

Ezequiel 16:45

Laa'at xko' jun li ixq xik' kiril li xb'eelom ut eb' li ralal xk'ajol. Juntaq'eet laana'leb' rik'in laachaq'na' ut laawiitz'in li ke'xtz'eqtaana li xb'eelom ut eb' li ralal xk'ajoleb'. Leena' a'an jun li ixq aj Hit, ut aj Amor leeyuwa'.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Éxodo 32:7

Toja' naq li Qaawa' kiraatina laj Moisés ut kixye re: “Ayu, kub'en sa' li tzuul, xb'aan naq xe'maakob'k laatenamit, li kawisiheb' chaq aran Ejiipt.

Deuteronomio 32:5

“Ab'anan laa'ex keq'et li raatin ut kerahob'tesi xch'ool, moko laa'ex ta chik ralal xk'ajol, laa'ex b'an chik ab'l alalb'ej; laa'ex jun tenamit li kipo'k eena'leb' ut ink'a' chik us eech'ool.

2 Reyes 21:22

Kixtz'eq chirix xch'ool li Qaawa', xYos eb' li xna' xyuwa', ut ink'a' kixb'aanu li rajom li Qaawa'.

2 Crónicas 12:1

Naq laj Robohán xk'ojlaak chik xwankil ut kireek'a naq jwal kaw rib', kixkanab' xpaab'ankil li xchaq'rab' li Qaawa'. Jo'kan ajwi' ke'xb'aanu chixjunileb' laj Israel.

2 Crónicas 27:2

Laj Jotán kixb'aanu li nawulak chiru li Qaawa', jo' tz'aqal kixb'aanu laj Osías li xyuwa', ab'an ink'a' ki'ok sa' rochoch li Qaawa'. Ut eb' li tenamit ink'a' ke'xkanab' xb'aanunkil li ink'a' us.

Salmos 78:41

Ke'ok wi' chik chi xyalb'al rix li Qaawa' ut ke'xchiq' xjosq'il li xSant laj Israel.

Salmos 78:57

Ke'xq'et li raatin, tik ke'sachk, ke'xb'aanu wi' chik jo' ke'xb'aanu li xna' xyuwa'eb' junxil, chanchaneb' li xna' simaj li ink'a' tiik najayalink.

Isaías 30:1

Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.