Isaías 1:18 - Q'eqchi Bible

¹⁸ “Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Li Santil hu

¹⁸ Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Isaías 1:18 ပူးပေါင်းရင်းမြစ်များ

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Salmos 51:7

Chak'e reetal naq sa' maak xinyo'laak, ak aj maakin ajwi' chaq naq xinsiyaak rik'in linna'.

Isaías 41:21

Kimqex chi xkolb'al eerib', chan li Qaawa'. K'utomaq chiwu leeb'aanuhom, chan li x'Awab'ej laj Jakob.

Isaías 41:1

Ch'anab'aq eek'ank, ex tenamit li wankatqex chire li palaw; kawaq eech'ool, ex tenamit. Jilonqex chaq re naq too'aatinaq chi us, qach'utub'aq qib' chiqajunilo chi raqok aatin.

Romanos 5:20

Li Chaq'rab' ki'ok re naq chinumtaaq li maak. Ab'an b'arwi' kinumtaak li maak, k'ajo' chik naq kinumtaak li rusilal li Yos.

Hechos 18:4

Rajlal sábado laj Pablo naseeraq'ik sa' li ch'utleb'aal kab'l, yalyo xq'e chi xq'unb'esinkileb' laj Judiiy jo'wi' eb' laj Griego.

1 Samuel 12:7

Kawresihomaq b'i' eerib' re li raqb'a aatin twanq chiru li Qaawa'. Jultikaq eere chixjunil li usilal kixb'aanu chaq li Qaawa' eere laa'ex ut reheb' leena' leeyuwa'.

Hechos 17:2

Laj Pablo ki'ok rik'ineb' jo' k'aynaq xb'aanunkil, ut chiru oxib' sábado kikanaak chi xtz'ilinkil rix li paab'aal rik'ineb': naxchap li k'aru naxye li Santil Hu,

Jeremías 2:5

Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

Hechos 24:25

Ab'anan, naq laj Pablo kixtikib' aatinak chirix li tiikilal, li kuyuk ib' ut li raqb'a aatin chaalel, laj Félix ki'ok xxiw ut kichaq'ok: —Tz'aqal a'in; truuq tatxik anaqwan. Jo'q'e tixk'e rib' chiwu, tintaqla wi' chik aab'oqb'al, chan.

Miqueas 6:2

Ab'ihomaq, ex tzuultaq'a ut laa'ex li rub'elankil li ruuchich'och': li Qaawa' ok re sa' raqb'a aatin rik'in li xtenamit, ok re chi jitok chirix laj Israel.

Li xHu LAJ JOB 9:33

Ani sa' li ruuchich'och' a'in truuq taaraqoq aatin sa' inb'een laa'in ut sa' xb'een li Yos?

Isaías 50:8

Li nakolok we wank chink'atq: ani taayehoq naq wank inmaak? Xikaqo sa' wiib'al rik'in laj raqol aatin. Ani li najitok we? Chalqaq wik'in ut xyehaq we.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Ezequiel 18:27

Ab'an wi laj maak naxtz'eqtaana li reemaaruhil b'aanuhem ut na'ok chi xb'aanunkil li us ut li tiikilal, relik chi yaal naq tixkol li xyu'am.

Ezequiel 33:16

Sa' xk'ab'a' li us ut li tiikilal xb'aanu, taawanq xyu'am ut ink'a' chik taajultiko'q we li maak xb'aanu».

Salmos 51:9

Chakirkiri li ha' sa' inb'een, ut tinkanaaq chi saq ru linyu'am; chinaach'ajob'resi, ut q'axal saqpotz'inaqin chik chiru li ratz'amke.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Isaías 3:13

Xwakli chaq li Qaawa', ak xaqxo chi raqok aatin sa' xb'een li xtenamit.