Isaías 1:14 - Q'eqchi Bible

¹⁴ Xik' chik nawil li xninq'ehinkil xyo'lajik li po nekeb'aanu laa'ex, ut ch'i'ch'i' naxb'aanu we leeninq'e; ink'a' chik ninkuy rilb'al chixjunil a'an.

Li Santil hu

¹⁴ Xicꞌ chic nacuil le̱ ninkꞌe li nequeba̱nu saꞌ xyoꞌlajic li po ut xicꞌ nacuil nak nequechꞌutub e̱rib chi ninkꞌei̱c. Chꞌaꞌaj chokꞌ cue xcuybal rilbal li joꞌ qꞌuial nequeba̱nu.

Isaías 1:14 ပူးပေါင်းရင်းမြစ်များ

Amós 5:21

“Xik' nawil ut nintz'eqtaana leeninq'e, ut ink'a' naxk'ojob' inch'ool naq nekech'utub' eerib' sa' ink'ab'a'.

Isaías 43:24

Ink'a' xatintaqla chi loq'ok sununkil b'an re ta xamayeja chiwu, ut ink'a' xak'ojob' inch'ool rik'in xxeeb'ul laaxul. Laa'at b'an xattawasink we rik'ineb' laak'iila maak ut xinaach'i'ch'i'i xb'aan laamaa'usilal.

Amós 2:13

Jo'kan naq texinteni chi us jo' naxb'aanu li b'eleb'aal ch'iich' jwal aal li riiq.

Isaías 61:8

Xb'aan naq laa'in, li Qaawa', jwal ninra li tiikilal ut xik' nawil li elq'ak ut li kamsink poyanam. Tinq'ajkamuheb' chi tz'aqal re ru ut tink'ojob' rik'ineb' jun sumwank xaqxooq xwankil chi junelik.

Isaías 7:13

Toja' naq laj Isaías kixye: “Ab'ihomaq, ex ralal xk'ajol laj David: ma ink'a' tz'aqal cho'q eere xch'i'ch'i'inkileb' li poyanam, naq teeraj ajwi' xch'i'ch'i'inkil li Qaawa' linYos?

Malaquías 2:17

Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”. Malaj ut nekeye: “B'ar wank li Yos tiik xch'ool?”, chankex.

Zacarías 11:8

Ut yal chiru jun po kiwisiheb' oxib' laj ilol ketomq, li ink'a' sa wankin xb'aaneb' ut xik' ajwi' nikine'ril.

Isaías 29:1

Rahilal chaalel sa' xb'een Ariel, li tenamit kiwank wi' laj David! Ninq'ehinqex wan, wiib' oxib'aq chihab' chik,

1 Crónicas 23:31

jo' ajwi' re xyeechi'inkil chixjunileb' li k'atb'il mayej chiru li Qaawa' sa' li sábado, sa' xyo'lajik li po ut sa'eb' li ninq'e, jo'k'ihaleb' li tz'iib'anb'il chaq xk'ab'a'eb' chi junajwa re k'anjelak chiru li Yos.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Isaías 66:23

Rajlal po, sa' xyo'lajik li po, ut rajlal sábado, chixjunileb' li poyanam tole'xwiq'ib' rib' chiwu, -chan li Qaawa'-.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Oseas 5:7

Xe'xtz'eqtaana li Qaawa' ut xe'xsiya eb' li yal sik'b'il k'uula'al. Jo'kan naq chiru jun po te'sache'q ru rochb'eeneb' li rawimqeb'.