Hechos 7:23 - Q'eqchi Bible

²³ “Naq kixkooloni ka'k'aal chihab', ki'alaak sa' xch'ool rilb'aleb' li ras riitz'in, a'eb' li ralal xk'ajol laj Israel.

Li Santil hu

²³ Nak ac xba̱nu li caꞌcꞌa̱l chihab (40), qui-ala saꞌ xchꞌo̱l xic chirilbaleb laj Israel li rech tenamitil.

Hechos 7:23 ပူးပေါင်းရင်းမြစ်များ

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Apocalipsis 17:17

Xb'aan naq li Yos xk'ehok sa' xch'ooleb' xb'aanunkil li naraj. Jo'kan naq junajaqeb' li xk'a'uxl chi xq'axtesinkil li xwankilaleb' re li josq' aj xul, toj toxtz'aqloq ru li xyehom li Yos.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Esdras 7:27

Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

Hechos 15:36

Maji'aq k'iila kutan kixye laj Pablo re laj Bernabé: —Sutq'iiqo chi rilb'al chanru wankeb' laj paab'anel sa' chixjunileb' li tenamit xqapuktesi wi' li Raatin li Qaawa'.

Esdras 1:5

Toja' naq li xjolomileb' li junqkab'al aj Judá ut aj Benjamín, eb' laj tij, eb' laj Leví ut jo'k'ihaleb' ke'toch'e'k xch'ool xb'aan li Yos, ke'xchap xb'eheb' re xik Jerusalén chi xkab'lankil li rochoch li Qaawa'.

Esdras 1:1

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Qaawa' kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankeb' rub'el li xwankil:

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

Éxodo 35:29

Chixjunileb' laj Israel, jo' winq ut ixq, jo'k'ihaleb' li ki'alaak sa' xch'ooleb' xk'amb'al k'a'aq re ru re taa'uxmanq li b'arwan yeeb'il chaq re laj Moisés xb'aan li Qaawa', kole'xyeechi'i li xmayejeb' chiru li Qaawa' chi anchaleb' xch'ool.

Éxodo 35:21

ut jo'k'ihaleb' li na'alaak sa' xch'ooleb', a'eb' li neke'reek'a sa' li raanm, ke'chalk ut ke'xk'am chaq li xmayejeb' cho'q re li Qaawa', re xyiib'ankil xMuheb'aal li ch'utam, re chixjunil li loq'laj k'anjel taawanq chisa' ut reheb' li loq'laj aq'ej.

Éxodo 4:18

Toja' naq kisutq'iik laj Moisés, kiq'ajk sa' rochoch laj Jetró, xyuwa' li rixaqil, ut kixye re: “Chakuy inmaak, xik we chi rilb'aleb' wi' chik li was wiitz'in li wankeb' chaq Ejiipt re naq tinnaw ma toj yo'yookeb'”. Kichaq'ok laj Jetró ut kixye re: “Ayu sa' tuqtuukil usilal”.

2 Corintios 8:16

B'anyox re li Yos naq xreek'asi xch'ool laj Tito cheraab'al jo' naq q'axal nekexinra laa'in:

Éxodo 7:7

Kaak'aal chihab' (80) wank re laj Moisés ut oxib' ro'k'aal (83) wank re laj Aharón naq ke'raatina laj Parahón.

Hechos 7:24

Ut naq kiril jun reheb' yo xrahob'tesinkil, kixtenq'a ut kixk'e reeqaj li xrahob'tesinkil rik'in xkamsinkil laj Ejiipt.