Hechos 6:1 - Q'eqchi Bible

¹ Sa'eb' li kutan a'an eb' laj paab'anel ke'k'ihank rajlankil, ut eb' laj paab'anel griego raatinob'aaleb' ke'ok chi xwech'inkil rix eb' li neke'aatinak sa' hebreo xb'aan naq eb' li xmalka'an ink'a' sa neke'k'ule'k naq najek'imank li wa rajlal kutan.

Li Santil hu

¹ Saꞌ eb li cutan aꞌan cꞌajoꞌ nak yo̱queb chi qꞌuia̱nc eb laj pa̱banel. Ut eb laj judío li nequeꞌa̱tinac saꞌ griego queꞌoc chixcuechꞌinquileb laj judío li nequeꞌa̱tinac saꞌ hebreo. Queꞌxye nak incꞌaꞌ tzꞌakal li cꞌaꞌru naqꞌueheꞌ rajlal cutan reheb li xma̱lcaꞌan li cuanqueb saꞌ xya̱nkeb aꞌan.

Hechos 6:1 ပူးပေါင်းရင်းမြစ်များ

Hechos 4:35

ut nokoxe'xk'e chi roqeb' li apóstol, ut najek'imank reheb' chixjunil, a' yaal chanru li rajb'al ru wan wi' li junjunq.

Hechos 2:41

Toja' naq eb' li ke'xk'ul li raatin laj Pedro sa' xch'ooleb' ke'kub'siik xha', ut sa' li kutan a'an oxib' mil tana ke'ok sa' xyanqeb' laj paab'anel.

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

Hechos 9:39

Tikto koho laj Pedro rochb'eeneb'. Ka'ajwi' kiwulak, ke'xk'am sa' xkab' k'ojar li kab'l ut aran chixjunileb' li xmalka'an ke'xxaqab' rib' chiru, yookeb' chi yaab'ak ut chi xk'utb'al eb' li jut-aq' ut li t'ikr xb'aanuhom lix Tabitá naq toj wank sa' xyanqeb'.

Hechos 6:7

Li Raatin li Yos yo chi puktaak; li xk'ihaleb' laj paab'anel k'ajo' naq yo chi k'ihank aran Jerusalén. Jo'kan ajwi' naab'aleb' laj tij ke'xk'ul xch'ool li paab'ank.

Hechos 2:47

Neke'xnima ru li Yos, ut usilal neke'xtaw chiru chixjunil li tenamit. Ut li Qaawa' wulaj wulaj naxtiq li komonil rik'in eb' li yookeb' chi kole'k.

Filipenses 3:5

Kink'ul li sirkunsisyon sa' xwaqxaq li kutan; laa'in aj Israel sa' xtepaal laj Benjamín, laa'in aj Hebreo kama'eb' ajwi' linna' linyuwa'; rik'in xpaab'ankil li Chaq'rab', laa'in aj Pariseey.

Hechos 11:20

Sa' xyanqeb' a'an wankeb' aj Chipre ut aj Sirene li ke'wulak Antiokía ut ke'raatinaheb' ajwi' laj griego ut ke'ok chi xyeeb'al reheb' li xChaab'il Esil li Jesus, li Qaawa'.

Hechos 9:41

Laj Pedro kixchap chi ruq' ut kixwaklesi; kixb'oqeb' laj santil paab'anel jo'wi' eb' li xmalka'an, ut yo'yo chik lix Tabitá naq kixxaqab' chiruheb'.

Hechos 9:29

Na'aatinak ut naxch'olob' li yaal rik'ineb' laj Judiiy, griego raatinob'aaleb'; a'ut eb' a'an neke'raj raj xkamsinkil.

Hechos 5:14

Rajlal yo chi tamk li xk'ihaleb' li neke'paab'ank re li Qaawa', jo' winq jo' ixq:

Hechos 4:4

Ab'anan naab'aleb' li ke'ab'ink re li Aatin, ke'xpaab', ut kitamk li komonil: oob' mil tana li xk'ihaleb' li winq.

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

2 Corintios 11:22

Ma a'aneb' aj Hebreo? Jo'kan ajwi' laa'in. Ma a'aneb' aj Israel? Jo'kan ajwi' laa'in. Ma ralal xk'ajoleb' laj Abrahán? Jo'kan ajwi' laa'in.

Hechos 2:45

Neke'xk'ayi li xjunkab'laleb' jo'wi' li k'aru wank reheb', ut neke'xjek'i li xtz'aq reheb' chixjunil, a' yaal chanru li rajb'al ru wan wi' li junjunq.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Jeremías 30:19

Ut aran taa'ab'iiq li b'ichank re b'anyoxink ut li japok e xb'aan li sahil ch'oolejil. Teb'ink'e wi' chik chi k'ihank toj reetal te'naab'alo'q; maajoq'e chik te'tz'eqtaanaaq, xb'aan naq tink'e wi' chik xloq'aleb'.

Isaías 27:6

Chiruheb' li kutan chaalel laj Jakob tixchap xxe'; laj Israel taa'atz'umaq ut taak'ihanq, tixnujob'resi li ruuchich'och' rik'ineb' li ralal xk'ajol.

Isaías 1:17

Tzolomaq xb'aanunkil li us, yalomaq eeq'e chi xsik'b'al li tiikilal, tenq'ahomaqeb' li rahob'tesinb'ileb', k'ehomaq li xk'ulub'eb' li neb'a'yox ut chekolaqeb' li xmalka'an!”.

Salmos 72:16

Numtajenaqaq li awimq sa' ruuchich'och', heetanqeb' sa' xb'eeneb' li loq'laj tzuul; chi'uuchinq ut chituxmeq li ch'och' kama' li tzuul Líbano, chiwanq triiw kama' li pim sa' li tzuultaq'a.

Santiago 4:5

Ma nekek'oxla naq maak'a' rajb'al li naxye li Santil Hu: “Li Yos q'axal naxra li musiq'ej, li kixk'e chi wank qik'in”?

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

1 Timoteo 5:9

Li xmalka'an k'eeb'ilaq sa' ajl, a'an li numenaqaq oxk'aal chihab', jun sut ajwi' sumsuuq,

1 Corintios 10:10

Chi moko choowech'oq, jo' wan ke'b'aanunk sa' xyanqeb' a'an, ut ke'sache'k xb'aan laj Sachonel.

Hechos 5:28

—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.

Ezequiel 22:7

Eb' li poyanam li wankeb' aawik'in ink'a' neke'roxloq'i eb' li xna' xyuwa'eb', neke'xrahob'tesi eb' laj ab'l tenamit ut neke'xtawasi li neb'a'yox jo'wi' li xmalka'an.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Li xHu LAJ JOB 31:16

Maajun wa xinkanab' li neb'a' sa' rajb'al ru chi moko xintz'eqtaana junaq xmalka'an;

Li xHu LAJ JOB 29:13

xink'ojob'eb' xch'ool li neb'a' ut li xmalka'an: jo'kan naq neke'yoxink chiwu.

Deuteronomio 26:12

“Naq akaq xachoy xjek'inkil li xlajeetqil ru laawawimq sa' li rox chihab', a' li chihab' naq namayejamank li xlajeetqil ru chixjunil li awimq, taak'e re laj Leví jo'wi' re laj ab'l tenamit, li neb'a'yox ut li xmalka'an, re naq te'xtzeka sa'eb' laatenamit toj reetal taak'ojlaaq xch'ooleb'.

Hechos 6:2

Toja' naq eb' li Kab'laju ke'xch'utub' li xk'ihaleb' laj paab'anel ut ke'xye: —Moko us ta naq tqakanab' xpuktesinkil li Raatin li Yos xb'aan li jek'ink tzekemq.

Hechos 11:26

ut naq kixtaw, kixk'am chaq Antiokía. Ke'wank sa' komonil chiru jun chihab' sa' li Iklees a'an, ut ke'xtzol naab'al li tenamit. Aran Antiokía eb' li xtzolom li Jesus ke'xtikib' k'ab'a'iik “kristiyan”.

Hechos 11:29

Toja' naq eb' laj paab'anel ke'xk'uub', a' yaal jo'nimal wank re li junjunq, xtaqlankil xtenq'ankileb' laj paab'anel li wankeb' Judea.

Romanos 12:7

wi wank qamaatan re k'anjelak, chook'anjelaq; wi wank qamaatan re xtzolb'aleb' li qas qiitz'in, qatzolaqeb';

1 Timoteo 5:3

Chawoxloq'iheb' li xmalka'an, a'eb' li tz'aqal wankeb' xjuneseb'.