Hechos 21:3 - Q'eqchi Bible

³ Naq koowulak sa' xka'yab'aal Chipre, kiqakanab' li na'ajej a'an sa' qatz'e, yooko chi xik sa' xjayal Siria toj koxooxaqliiq Tiro, xb'aan naq aran li jukub' tento toxkanab' li riiq.

Li Santil hu

³ Nak yo̱co chi xic Siria conumeꞌ saꞌ xjayal li tenamit Chipre, li nacana saꞌ katzꞌe. Chirix chic aꞌan cocuulac Tiro ut aran quicanaban i̱k li jucub.

Hechos 21:3 ပူးပေါင်းရင်းမြစ်များ

Hechos 27:4

Koo'elk aran Sidón ut kooho chiru ha' junqre Chipre, xb'aan naq chiqu yo chi chalk li iq'.

Hechos 21:16

Wankeb' ajwi' aj paab'anel aj Cesarea koheb' chiqix ut koohe'xk'am sa' rochoch jun aj Chipre, aj Nasón xk'ab'a', najter aj paab'anel. Rik'in a'an tento toohilanq.

Hechos 12:20

K'ajo' xjosq'il laj Herodes sa' xb'eeneb' laj Tiro ut laj Sidón. Jo'kan naq eb' a'an ke'xq'unb'es laj Blasto, xnimal ru aj k'anjel chiru li awab'ej, ut sa' junajil ke'chalk rik'in laj Herodes, yookeb' chi xtz'aamankil li tuqtuukilal xb'aan naq sa' xch'och' li awab'ej na'elk li xtzekemqeb'.

Hechos 4:36

Laj José (aj Bernabé nayeemank re xb'aaneb' li apóstol; chi jalb'il ru naraj naxye: “aj k'ehol kawil ch'oolej”), xkomoneb' laj Leví, Chipre xtenamit,

San Mateo 4:24

Kiwulak resil li Jesus sa' chixjunil Siria: ut ke'xk'am chaq rik'in chixjunileb' li yaj, k'iila paay ruheb' li xyajel ut li xrahilal; ke'xk'ameb' ajwi' chaq li eechaninb'ileb' xb'aan laj tza, eb' li neke'pohonk xyajel, eb' li sik, ut kixk'irtasiheb'.

Hechos 18:18

Toj naab'al kutan chik kikanaak laj Pablo aran; toja' naq kixchaq'rab'iheb' laj paab'anel ut koho chiru ha' sa' xjayal Siria rochb'een lix Priscila ut laj Akila. Sa' li tenamit Senkreas koxk'e chi b'ese'k li rismal xb'aan naq wank xyeechi'om re li Qaawa' sa' jurament.

Hechos 15:41

Ut kixb'eeni Siria ut Silisia, yo chi xkawub'resinkil chixjunileb' li Iklees.

Hechos 15:39

K'ajo' naq ke'xch'a'ajki rib'eb'. Jo'kan naq ke'xjach rib'eb': laj Bernabé kixk'am laj Markos chirix ut koho chiru ha' toj Chipre;

Hechos 15:23

Ut kitaqlaak li hu a'in chirixeb': “Ex qas qiitz'in li maawa'ex chaq aj Judiiy, naqataqla xsahil eech'ool laa'ex li wankex Antiokía, Siria ut Silisia.

Hechos 13:4

Laj Bernabé ut laj Sawlo, taqlanb'ileb' xb'aan li Santil Musiq'ej, ke'kub'eek Selewsia ut aran koheb' chiru ha' toj Chipre.

Hechos 11:19

Eb' li ke'xcha'cha'i rib' xb'aan li rahilal kiwank sa' li xkamik laj Esteban, ke'wulak toj Fenicia, Chipre ut Antiokía, ab'anan ka'ajwi' reheb' laj Judiiy neke'xch'olob' li Aatin.

San Lucas 10:13

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'chunlaak raj sa' cha.

San Lucas 2:2

A'an chaq li xb'een tz'iib'ank k'ab'a'ej sa' li tenamit naq kiwank laj Cirino cho'q aj jolominel re Siria.

San Mateo 11:21

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'xk'e raj cha sa' xb'eeneb'.

Isaías 7:2

Naq li xjunkab'al laj David ke'rab'i resil naq eb' laj Siria xjunajihomeb' rib' rik'ineb' laj Efraín, k'ajo' naq ke'chalk xxiw li awab'ej ut eb' li tenamit, ut ke'ok chi siksotk jo'eb' li che' naq neke'eek'asiik xb'aan li kawil iq' sa' li k'iche'.

Salmos 87:4

“Tink'eheb' sa' ajl Ejiipt ut Babilonia sa' xyanqeb' li neke'nawok wu; Tiro, Filistea ut Etiopía xe'yo'laak aawik'in”.

Salmos 45:12

sachso xch'ool li awab'ej xb'aan laach'ina'usal. Chahupub' aawib' chiru: a'an laj eechal aawe.

2 Samuel 8:6

Moqon chik laj David kixxaqab'eb' aj k'aak'alenel aran Aram sa' xteepal Damaask, ut eb' laj Aram ke'kanaak rub'el xwankil laj David chi k'ehok toj. Yalaq b'ar naxik laj David, li Qaawa' natenq'ank re chi q'axok u.

Jueces 10:6

Ab'anan eb' laj Israel ke'ok wi' chik chi xb'aanunkil li ink'a' nawulak chiru li Qaawa': ke'xloq'oniheb' laj Bahal ut eb' lix Astarté, jo' ajwi' li xyoseb' laj Aram ut Sidón, li xyoseb' laj Mohab, li reheb' laj Amón ut reheb' laj Filistea. Ke'xtz'eqtaana li Qaawa' ut ink'a' chik ke'k'anjelak chiru.

Hechos 21:2

Aran kiqataw jun li jukub' ak xik re Fenicia; koo'ok chisa' ut kooho.

Hechos 21:7

Koo'elk Tiro ut koxooxaqliiq Tolemaida, ut chi jo'kan kiraqe'k li qab'eenik chiru ha'. Kiqak'e xsahilaleb' xch'ool laj paab'anel ut kookanaak jun kutan rik'ineb'.