Hechos 2:4 - Q'eqchi Bible

⁴ Ut chixjunileb' ke'nujak chi Santil Musiq'ej ut ke'ok chi aatinak sa' jalan jalanq chi aatinob'aal, jo' chanru ke'k'ehe'k wi' chi aatinak xb'aan li Musiq'ej.

Li Santil hu

⁴ Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

Hechos 2:4 ပူးပေါင်းရင်းမြစ်များ

San Marcos 16:17

A'aneb' a'in li eetalil li taak'utunq rik'ineb' li te'paab'anq: sa' ink'ab'a' te'isinq maa'us aj musiq'ej, te'aatinaq sa' jalan aatinob'aal,

Hechos 13:52

Ut eb' laj paab'anel ke'kanaak chi nujenaqeb' rik'in Santil Musiq'ej, k'ajo' xsahilaleb' sa' xch'ool.

Hechos 4:31

Naq ke'raqe'k chi tijok, ki'eek'ank li na'ajej ch'utch'uukeb' wi', ut chixjunileb' ke'nujak chi Santil Musiq'ej ut ke'ok chi xyeeb'al li Raatin li Yos chi maak'a'eb' xxiw.

Efesios 5:18

Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej.

1 Corintios 12:10

wan chik xmaatani re xb'aanunkil sachb'ach'oolej; wan k'eeb'il xmaatan re aatinak jo' propeet; wan xmaatani xnawb'al ruheb' li musiq'ej; wan ajwi' xmaatani aatinak sa' jalanil aatin li ink'a' natawmank ru; wan chik k'eeb'il xmaatan chi xch'olob'ankil xyaalal eb' li aatin a'in.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

Hechos 19:6

Ut naq laj Pablo kixk'e li ruq' sa' xb'eeneb', kichalk li Santil Musiq'ej sa' xb'eeneb' ut ke'ok chi aatinak sa' jalan jalanq aatinob'aal, jo'eb' li propeet.

Hechos 10:46

xb'aan naq neke'rab'i chi aatinak sa' jalanil aatinob'aal ut chi xnimankil ru li Yos.

Hechos 9:17

Koho laj Ananías, kox'okaq sa' li kab'l b'arwi' wank laj Sawlo, kixk'e li ruq' sa' xb'een ut kixye re: —Saúl, at wiitz'in, li Qaawa' xinxtaqla chaq aawik'in, a' li Jesus li xk'ut rib' chawu sa' li b'e xatchalk wi'. Xinxtaqla chaq, re naq tat iloq wi' chik ut tatnujaq rik'in Santil Musiq'ej.

Hechos 7:55

A'ut a'an, nujenaq chi Santil Musiq'ej, kixtaqsi li ru sa' choxa ut kiril li xloq'al li Yos ut li Jesus xaqxo sa' xnim uq' li Yos,

Hechos 1:5

Laj Jwan kikub'sink ha' rik'in ha', ut laa'ex taakub'siiq eeha' rik'in Santil Musiq'ej, ink'a' chik k'iila kutan chirix a'in.

1 Corintios 13:8

Li rahok maajoq'e na'oso'k. Taaraqe'q li maatan re aatinak jo' propeet, taaraqe'q li maatan re aatinak sa' jalanil aatin. Taawulaq xq'ehil naq ink'a' chik taak'anjelaq li maatan re xtawb'al ru chixjunil.

1 Corintios 13:1

Us ta ninnaw raatinob'aaleb' li winq ut eb' li ánjel, ab'anan wi ink'a' ninrahok, chanchanin jun li ch'iich' natzintzotk malaj junaq wajb' natzanb'ak xyaab'.

Hechos 13:9

Toja' naq laj Sawlo, aj Pablo ajwi' xk'ab'a', nujenaq chi Santil Musiq'ej, kixka'ya

Hechos 2:11

aj Judiiy li wankeb' chi jo'kan chalen chaq sa' xyo'lajikeb' malaj li toj moqon chik okenaqeb' sa' qayanq. Wankeb' aj Kreta ut aj Arabia, ab'an neke'qab'i chixjunileb' chi xyeeb'al sa' qaatinob'aal li xninqal ru xb'aanuhom li Yos!

San Lucas 12:12

xb'aan naq li Santil Musiq'ej taak'utuq cheru sa' ajwi' li honal a'an k'aru tento xyeeb'al”.

1 Corintios 14:18

Ninb'anyoxi chiru li Yos naq q'axal chik ninnaw aatinak sa' jalanil aatin cheru chejunilex;

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

Hechos 4:8

Toja' naq laj Pedro, nujenaq chi Santil Musiq'ej, kixye reheb': —Ex xb'eenilex li tenamit, ex cheekel winq,

San Juan 20:22

Ut naq kixye a'in, ki'apunk sa' xb'eeneb' ut kixye reheb': —K'ulumaq li Santil Musiq'ej.

San Lucas 4:1

Li Jesus, nujenaq chi Santil Musiq'ej, ki'elk chaq chire li nima' Jordán ut kik'ame'k xb'aan li Musiq'ej sa' li chaqich'och'.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

1 Corintios 14:5

Nawaj raj naq chejunilex wanq eemaatan re aatinak sa' jalanil aatin, ab'an q'axal chik us naq tex'aatinaq jo' propeet. Xb'aan naq li na'aatinak jo' propeet naxq'ax ru li na'aatinak sa' jalanil aatin wi a'in ink'a' naxch'olob' xyaalal li raatin, re naq taakab'laaq li komonil.

Hechos 11:15

Ut naq kintikib' aatinak, kikub'e chaq li Santil Musiq'ej sa' xb'eeneb', jo' naq kikub'eek sa' qab'een sa' xtiklajik.

Hechos 6:5

Chixjunil li jo'k'ihaleb' wankeb' aran, ke'xk'ulub'an xch'ool li na'leb' a'in, ut ke'xsik' ru laj Esteban, jun li winq nim xpaab'aal ut nujenaq chi Santil Musiq'ej, jo'wi' laj Felipe, laj Prókoro, laj Nikanor, laj Timón, laj Pármenas ut laj Nikolás aj Antiokía, a' li ki'ok sa' xyanqeb' laj Judiiy.

Hechos 6:3

Ex was wiitz'in, sik'omaq sa' eeyanq wuqub'aq chi winq li chaab'il nayeemank chirixeb', nujenaqaqeb' chi Musiq'ej ut chi chaab'il na'leb', ut eb' a'an te'qaxaqab' chi xb'aanunkil li k'anjel a'in.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

San Lucas 1:15

xb'aan naq nimaq xwankil rub'el roq rub'el ruq' li Qaawa'. Ink'a' taa'uk'uq b'iin chi moko yalaq k'a' chi ha'il nakaltesink. Nujenaqaq chi Santil Musiq'ej chalen sa' xsiyajik rik'in li xna',

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Isaías 28:11

Us b'i', wi ink'a' nikine'xpaab', te'aatinaaq xb'aan li Yos sa' jalanil aatin, sa' jun aatinob'aal li ink'a' te'xtaw ru.

2 Samuel 23:2

“Li xmusiq' li Qaawa' na'aatinak wik'in, li xloq'laj aatin wank chi xtz'uumal we.

Efesios 6:18

Junelik chextijoq, chextz'aamanq. Chi kok'aq xsa' chex'elajinq sa' li Musiq'ej. Yalomaq eeq'e chi yo'lek sa' komonil, yooqex chi tijok chirixeb' chixjunil laj santil paab'anel

Efesios 3:19

Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.

Hechos 11:24

xb'aan naq laj Bernabé chaab'il winq, nujenaq chi Santil Musiq'ej ut tz'aqal aj paab'anel. Ut naab'al li tenamit ke'xq'axtesi rib' re li Qaawa'.

Hechos 6:8

Li Qaawa' wank rik'in laj Esteban ut naxk'e xwankil chi xb'aanunkil xninqal ru eetalil ut sachb'ach'oolej sa' li tenamit.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

San Lucas 1:67

Laj Sakarías li xyuwa' kinujak chi Santil Musiq'ej ut ki'aatinak jo' propeet:

San Lucas 1:41

Ka'ajwi' kirab'i lix Isabel li xsahil xch'ool kik'ehe'k xb'aan lix María, li k'uula'al ki'eek'ank rik'in li xna'. Kinujak lix Isabel chi Santil Musiq'ej

Miqueas 3:8

A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

San Mateo 10:19

Ab'an, naq texq'axtesiiq, mixik eech'ool chi xk'oxlankil chanru malaj k'aru teeye, xb'aan naq taak'ehe'q eere sa' li honal a'an k'aru teeye.

1 Samuel 10:10

Moqon chik naq ke'wulak aran Kibehá, jun ch'uuteb' chi propeet yookeb' chaq chi chalk. Toja' naq laj Saúl ki'eechaniik xb'aan li xmusiq' li Yos ut ki'ok chi aatinak jo' propeet sa' xyanqeb' a'an.

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

Ezequiel 3:11

Ayu rik'ineb' laawech tenamitul, li ke'isiik sa' li xna'ajeb'. A' yaal reheb' ma tate'rab'i malaj ut ink'a', laa'at ye reheb': «Jo'ka'in xye li Qaawa'», cha'qat reheb'”.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

1 Samuel 1:14

“Toj jo'q'e taanume'q laakalajik? Maawuk' chik b'iin!”, chan laj Elí.

Hechos 2:3

Toja' naq ke'xk'ut rib' chiruheb' ru'uj aq' chanchan raq'xam, ke'xjek'i rib' ut kolhilanq sa' xb'eeneb' chi xjunjunqaleb'.

Hechos 8:17

Toja' naq ke'xk'e li ruq'eb' sa' xb'eeneb', ut ke'xk'ul li Santil Musiq'ej.

Hechos 10:47

Toja' naq kixye laj Pedro: —Ma truuq tab'i' xramb'al li kub'iha' chiruheb' a'in li xe'xk'ul li Santil Musiq'ej kama' laa'o?

Hechos 15:8

Ut li Yos li nanawok re li junjunq chi ch'oolej kixk'ut chiqu naq naxk'ulub'aheb' ajwi' a'an, xb'aan naq kixk'e reheb' li Santil Musiq'ej, jo' ajwi' naq kixk'e qe laa'o.