Hechos 17:2 - Q'eqchi Bible

² Laj Pablo ki'ok rik'ineb' jo' k'aynaq xb'aanunkil, ut chiru oxib' sábado kikanaak chi xtz'ilinkil rix li paab'aal rik'ineb': naxchap li k'aru naxye li Santil Hu,

Li Santil hu

² Laj Pablo qui-oc saꞌ li cab li nequeꞌxchꞌutub cuiꞌ ribeb laj judío joꞌ cꞌaynak chixba̱nunquil. Oxib li hiloba̱l cutan quixnumsi aran ut yo̱ chixchꞌolobanquil chiruheb lix ya̱lal li naxye saꞌ li Santil Hu.

Hechos 17:2 ပူးပေါင်းရင်းမြစ်များ

Hechos 9:20

Ut chi junpaat ki'ok chi xpuktesinkil resil li Jesus sa'eb' li ch'utleb'aal kab'l: naxye naq a'an li Ralal li Yos.

Hechos 18:4

Rajlal sábado laj Pablo naseeraq'ik sa' li ch'utleb'aal kab'l, yalyo xq'e chi xq'unb'esinkileb' laj Judiiy jo'wi' eb' laj Griego.

Hechos 17:17

Sa' li ch'utleb'aal kab'l na'ok chi xtz'ilinkil rix li paab'aal rik'ineb' laj Judiiy ut eb' laj Griego li neke'xiwank re li Yos, ut sa' li k'ayiil rajlal kutan na'aatinak rik'ineb' li naxtaweb' aran.

Hechos 17:10

Sa' ajwi' li q'oqyink a'an, eb' laj paab'anel tikto ke'xtaqla laj Pablo ut laj Silas toj Berea. Ut eb' a'an, naq ke'wulak, koxe'okaq sa' xch'utleb'aal kab'l eb' laj Judiiy.

Hechos 14:1

Jo'kan ajwi', sa' li tenamit Ikonio, laj Pablo ut laj Pedro ke'ok sa' li xch'utleb'aal kab'l eb' laj Judiiy ut ke'aatinak chi chaab'il; ut rik'in li aatin ke'rab'i k'ajo' xk'ihaleb' laj Judiiy ut eb' laj Griego ke'ok chi paab'ank.

Hechos 13:5

Naq ke'wulak Salamina, ke'xtikib' xpuktesinkil li Raatin li Yos sa'atqeb' li xch'utleb'aal kab'l eb' laj Judiiy, ut laj Jwan yo chi xtenq'ankileb'.

Hechos 28:23

Ke'xxaqab' xkutankil rilb'al wi' chik laj Pablo ut, naq kiwulak xkutankil, q'axal naab'aleb' chik ke'chalk b'arwi' nahilank. Toja' naq laj Pablo kixtikib' xyeeb'al resil li xnimajwal awab'ejihom li Yos, yo chi xch'olob'ankil li yaal chiruheb' ut yalyo xq'e chi xq'unb'esinkil xch'ooleb' chirix li Jesus rik'in li naxye li xChaq'rab' laj Moisés ut eb' li Propeet: kixtikib' eq'la ut kiraqe'k ewu.

Hechos 8:35

Toja' naq laj Felipe ki'ok chi aatinak, kixtikib' chaq rik'in li jun raqal chi Santil Hu a'an toj kixch'olob' li xChaab'il Esil li Jesus.

San Juan 18:20

Kichaq'ok li Jesus ut kixye reheb': —Laa'in xin'aatinak chi kutankil chiruheb' li tenamit; junelik xeb'intzol sa' li ch'utleb'aal kab'l ut sa' rochoch li Yos, b'arwi' neke'ch'utlaak chixjunileb' laj Judiiy, ut maak'a' xinye chi muqmu.

San Lucas 4:16

Naq kiwulak Nazará b'arwi' kik'iiresiik, ki'ok sa' li ch'utleb'aal kab'l sa' sábado, jo' k'aynaq xb'aanunkil, ut kixaqliik re xyaab'asinkil xsa' li Santil Hu.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Hechos 24:25

Ab'anan, naq laj Pablo kixtikib' aatinak chirix li tiikilal, li kuyuk ib' ut li raqb'a aatin chaalel, laj Félix ki'ok xxiw ut kichaq'ok: —Tz'aqal a'in; truuq tatxik anaqwan. Jo'q'e tixk'e rib' chiwu, tintaqla wi' chik aab'oqb'al, chan.

Hechos 19:8

Kox'okaq laj Pablo sa' li ch'utleb'aal kab'l ut kaw xch'ool naq ki'aatinak chiru oxib' po; naseeraq'ik rik'ineb' chirix li xnimajwal awab'ejihom li Yos ut naxyal xq'unb'esinkileb'.

Hechos 13:14

ut eb' a'an ke'elk Perge ut ke'wulak Antiokía, sa' xteepal Pisidia. Sa' li sábado ke'ok sa' li ch'utleb'aal kab'l ut ke'k'ojlaak.

1 Samuel 12:7

Kawresihomaq b'i' eerib' re li raqb'a aatin twanq chiru li Qaawa'. Jultikaq eere chixjunil li usilal kixb'aanu chaq li Qaawa' eere laa'ex ut reheb' leena' leeyuwa'.

San Mateo 26:24

Li K'ajolb'ej taaxik jo' tz'iib'anb'il chirix, ab'an ra chaalel sa' xb'een li winq a'an li taaq'axtesinq re li K'ajolb'ej! Q'axal us raj cho'q re li winq a'an naq ink'a' xyo'laak chaq.

1 Corintios 15:3

Xb'een xb'een xinnumsi cheru li k'aru xink'ul ajwi' laa'in: naq li Kriist kikamk xb'aan li qamaak, jo' ak yeeb'il chaq resil chi junxilaj xb'aan li Santil Hu;