Hechos 15:3 - Q'eqchi Bible

³ Ke'chaq'rab'iik xb'aan li Iklees, ke'nume'k Fenicia ut Samaria, yookeb' chi xseeraq'inkil naq eb' li maawa'eb' aj Judiiy ke'xyot' xch'ool ke'xjal xk'a'uxl. K'ajo' naq ke'saho'k xch'ool chixjunileb' laj paab'anel chi rab'inkil a'in.

Li Santil hu

³ Queꞌtakla̱c xbaneb laj pa̱banel aran Antioquía. Nak yo̱queb chi numecꞌ Fenicia ut Samaria, queꞌxye resil nak queꞌpa̱ban li ma̱cuaꞌeb aj judío. Ut cꞌajoꞌ nak queꞌsahoꞌ saꞌ xchꞌo̱leb chixjunileb laj pa̱banel rabinquil nak yo̱queb chi pa̱ba̱nc.

Hechos 15:3 ပူးပေါင်းရင်းမြစ်များ

Hechos 14:27

Ut naq ke'wulak, ke'xch'utub' li Iklees ut ke'xseeraq'i reheb' chixjunil li kilajxb'aanu li Yos rochb'eeneb' ut chanru naq kixte li rokeb'aal li paab'aal chiruheb' li maawa'eb' aj Judiiy.

Hechos 21:5

Ab'anan laa'o, naq ke'nume'k eb' li kutan a'an, koo'elk ut kiqachap qab'e. Chixjunileb' ke'ochb'eenink chaq qe toj chirix li tenamit rochb'eeneb' li rixaqil ut eb' li xkok'al. Chire li palaw koowiq'laak ut kootijok.

Tito 3:13

Chak'e aach'ool chi xk'eeb'al re laj Zenas, a' laj nahol chaq'rab', jo'wi' re laj Apolo chixjunil li k'aru taak'anjelaq cho'q re xb'eenikeb', re naq maak'a' taamajelo'q reheb'.

1 Corintios 16:11

Maa'ani chitz'eqtaananq re, chechaq'rab'i b'an sa' tuqtuukil usilal re naq taak'ulunq wi' chik wik'in, xb'aan naq yookin chi royb'eninkil wochb'eeneb' li was wiitz'in.

1 Corintios 16:6

Mare toxinkanaaq jun k'amokaq sa' eeyanq; mare toj tinnumsi li hab'alq'e eerik'in, re naq laa'ex tineerochb'eeni kach'inaq toja' yaal tana b'ar tinxik.

Romanos 15:24

Jo'kan naq, nim li Qaawa' sa' inb'een, toxinnume'q eerik'in naq tinxik España. Nink'oxla rilb'al xsahil eeru sa' linnumik; ut nawoyb'eni naq toxineeberes kach'inaq chi xik aran, chirix naq akaq xsaho'k li waanm chi wank jun k'amokaq sa' eeyanq.

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

2 Corintios 1:16

xink'oxla xinnume'k eerik'in re xik Macedonia, ut chirix chik a'an xinsutq'iik raj eerik'in, re naq tineerochb'eeni raj kach'inaq re xik Judea.

Hechos 28:15

Naq eb' laj paab'anel aj Roma ke'rab'i qesil, ke'elk chaq chi qak'ulb'al toj sa' li xK'ayiil laj Apio ut sa' li na'ajej Oxib' chi Wa'leb'aal xk'ab'a'. Naq laj Pablo kirileb' ru, kiyoxink chiru li Yos ut kikawuuk xch'ool.

Hechos 13:52

Ut eb' laj paab'anel ke'kanaak chi nujenaqeb' rik'in Santil Musiq'ej, k'ajo' xsahilaleb' sa' xch'ool.

Hechos 13:48

Naq eb' li maawa'eb' aj Judiiy ke'rab'i a'in, ke'saho'k sa' xch'ool ut ke'ok chi xnimankil xwankil li Raatin li Qaawa'. Ut chixjunileb' li ak xaqab'anb'ileb' chi xtawb'al li junelik yu'am ke'ok chi paab'ank,

Hechos 8:14

Naq eb' li apóstol li wankeb' Jerusalén ke'rab'i resil naq eb' laj Samaria ke'xk'ulub'a li Raatin li Yos, ke'xtaqla laj Pedro ut laj Jwan rik'ineb'.

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

Hechos 1:15

Sa'eb' li kutan a'an kixaqliik laj Pedro sa' xyiheb' laj paab'anel (eb' li wankeb' chi ch'utch'u aran waqk'aaleb' tana) ut kixye reheb':

Hechos 15:1

Wankeb' aj Judea ke'wulak Antiokía, yookeb' chi xtzolb'aleb' laj paab'anel chi jo'ka'in: “Wi ink'a' teek'ul li sirkunsisyon jo' naxye li xChaq'rab' laj Moisés, ink'a' truuq texkole'q”, chankeb'.

Hechos 15:4

Naq laj Pablo ut laj Bernabé ke'wulak Jerusalén, ke'k'ule'k xb'aan li Iklees, xb'aaneb' li apóstol ut eb' li cheekel winq, ut ke'xseeraq'i chixjunil li kilajxb'aanu li Yos rochb'eeneb' a'an.

Hechos 15:22

Toja' naq eb' li apóstol ut eb' li cheekel winq ke'xk'uub', rochb'eeneb' chixjunil li Iklees, xsik'b'al ruheb' jarub'aq winq sa' xyanqeb' ut xtaqlankileb' Antiokía rochb'eeneb' laj Pablo ut laj Bernabé. A'aneb' a'in li ke'xaqab'aak: laj Judas, aj Barsabás xkab' xk'ab'a', ut laj Silas, a'aneb' aj jolominel sa' xyanqeb' laj paab'anel.

Hechos 15:32

Laj Judas ut laj Silas propeeteb' ajwi': jo'kan naq rik'in naab'al aatin ke'xwaklesi ut ke'xkawub'resi xch'ooleb' laj paab'anel.

Hechos 17:15

Eb' li ke'b'eresink re laj Pablo koxe'xkanab' toj Atenas; chirix chik a'an ke'sutq'iik Berea re xb'oqb'al laj Timoteo rochb'een laj Silas naq te'xik chi junpaat rik'in laj Pablo.

Hechos 20:38

chi q'axal raheb' sa' xch'ool, xb'een xb'een rik'in li aatin kixye naq ink'a' chik te'ril ru. Ut ke'rochb'eeni toj sa' li jukub'.