Hechos 1:8 - Q'eqchi Bible

⁸ Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

Li Santil hu

⁸ La̱ex te̱cꞌul le̱ cuanquil nak ta̱cha̱lk li Santil Musikꞌej e̱riqꞌuin. La̱ex chic texchꞌoloba̱nk resilal chicuix la̱in arin Jerusalén, aran Judea ut Samaria. Joꞌ ajcuiꞌ yalak bar jun sut saꞌ ruchichꞌochꞌ te̱chꞌolob lix ya̱lal, chan.

Hechos 1:8 ပူးပေါင်းရင်းမြစ်များ

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Hechos 5:32

Laa'o qilom chixjunil a'in ut nokoo'aatinak chirix; jo'kan ajwi' li Santil Musiq'ej li xk'ehe'k xb'aan li Yos reheb' li neke'paab'ank re.

Hechos 4:33

Ut eb' li apóstol neke'xpuktesi resil li xwaklijik chi yo'yo li Qaawa' Jesus rik'in xnimal wankil, ut q'axal sa ilb'ileb' chixjunileb'.

Hechos 6:8

Li Qaawa' wank rik'in laj Esteban ut naxk'e xwankil chi xb'aanunkil xninqal ru eetalil ut sachb'ach'oolej sa' li tenamit.

Romanos 10:18

Ab'an laa'in ninpatz': Ma ink'a' tab'i' ke'rab'i? K'a' naq ink'a'? Xb'aan naq naxye li Santil Hu: “Li xyaab' xkuxeb' ki'ab'imank junsut junrub'el choxa, ut toj sa' xmaril li ruuchich'och' kox'elq li raatineb'”.

San Juan 15:27

Ut laa'ex ajwi' teeye li yaal chiwix, xb'aan naq wankex wik'in chalen chaq sa' xtiklajik.

San Lucas 10:19

Chek'e reetal, xink'e eewankil chi xyeq'b'aleb' li k'anti' ut laj xook', jo' ajwi' sa' xb'een chixjunil xwankilal li xik' na'ilok eere; ut maak'a' k'aru taarahob'tesinq eere.

Hechos 1:5

Laj Jwan kikub'sink ha' rik'in ha', ut laa'ex taakub'siiq eeha' rik'in Santil Musiq'ej, ink'a' chik k'iila kutan chirix a'in.

San Mateo 24:14

Ut taapuktesimanq li chaab'il esilal a'in chirix li xnimajwal wankilal li choxa sa' chixjunil li ruuchich'och' re xch'olob'ankil li yaal chiruheb' chixjunil li tenamit: toja' naq taachalq li roso'jik.

Hechos 2:32

Li Jesus a'in kiwaklesiik chi yo'yo xb'aan li Yos ut chiqajunilo laa'o qilom ut nokoo'aatinak chirix.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Hechos 22:15

Xb'aan naq tento tat-aatinaq cho'q xtestiiw chiruheb' chixjunil, chirix laawilom ut laawab'ihom.

Miqueas 3:8

A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Hechos 13:31

ut chiru naab'al kutan kixk'ut rib' chiruheb' li ke'ochb'eenink chaq re naq ki'elk chaq Galilea ut kitaqe'k Jerusalén. Ut anaqwan a'aneb' chik laj yehol re li yaal chirix li Jesus chiruheb' li tenamit.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Hechos 1:22

chalen chaq sa' li xkub'iha' laj Jwan toj sa' li kutan naq kik'ame'k taqe'q li Jesus sa' relik qik'in, chi'okaq cho'q qech aj yehol yaal chirix li xwaklijik chi yo'yo”.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Hechos 8:1

Laj Sawlo kixk'ul xch'ool naq kikamsiik laj Esteban. Sa' li kutan a'an ke'xtikib' xrahob'tesinkil li Iklees li wank Jerusalén, ut chixjunileb' ke'xcha'cha'i rib'eb' sa' xsutam Judea ut Samaria, ka'ajeb' chik eb' li apóstol ke'kanaak.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Salmos 98:3

Ink'a' xsachk sa' xch'ool li xrahom ut li xchaab'ilal rik'ineb' li ralal xk'ajol laj Israel. Toj sa' xmaril li ruuchich'och' xe'ril li xkolom ut li xrahom li qaYos.

San Lucas 24:29

Ab'an eb' a'an ke'xmin ru chi kanaak ut ke'xye re: —Kanaaqat qik'in, xb'aan naq yo chi ewuuk ut ak xxulq'i li saq'e. Ut ki'ok re kanaak rik'ineb'.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.