Hechos 1:3 - Q'eqchi Bible

³ Chirix naq ak xk'ul li rahilal, kixk'ut rib' chiruheb', rik'in k'iila eetalil, naq tz'aqal yo'yo: chiru ka'k'aal kutan kixk'ut rib' chiruheb' ut kiraatinaheb' chirix li xnimajwal awab'ejihom li Yos.

Li Santil hu

³ Nak ac xrahobtesi̱c ut ac xcamsi̱c, quicuacli cuiꞌchic chi yoꞌyo ut quixcꞌutbesi cuiꞌchic rib chiruheb. Caꞌcꞌa̱l cutan quicuan saꞌ ruchichꞌochꞌ ut nabal sut quixcꞌutbesi rib chiruheb re nak teꞌxnau chi tzꞌakal nak quicuacli cuiꞌchic chi yoꞌyo. Quixchꞌolob xya̱lal chiruheb chanru nak ta̱cua̱nk xnimal xcuanquilal li Dios saꞌ xbe̱neb li tenamit.

Hechos 1:3 ပူးပေါင်းရင်းမြစ်များ

Hechos 13:31

ut chiru naab'al kutan kixk'ut rib' chiruheb' li ke'ochb'eenink chaq re naq ki'elk chaq Galilea ut kitaqe'k Jerusalén. Ut anaqwan a'aneb' chik laj yehol re li yaal chirix li Jesus chiruheb' li tenamit.

San Juan 20:26

Waqxaqib'aq kutan xnumik a'an, wankeb' wi' chik sa' kab'l eb' li xtzolom ut laj Tomás wank sa' xyanqeb'. Kiwulak li Jesus chi tz'aptz'ookeb' li okeb'aal, kixk'e rib' sa' xyiheb' ut kixye: —Chiwanq taxaq eerik'in li tuqtuukil usilal!

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,

San Juan 21:14

A'in ak rox sut chi xk'utb'al rib' li Jesus chiruheb' li xtzolom, chirix li xwaklijik chi yo'yo sa' xyanqeb' li kamenaq.

San Juan 21:1

Chirix chik a'an, li Jesus kixk'ut wi' chik rib' chiruheb' li xtzolom chire li palaw wank Tiberias. Jo'ka'in naq kixk'ut rib':

San Mateo 28:9

Toja' naq li Jesus ki'elk chi xk'ulb'aleb' ut kixye: “Ma sa sa' leech'ool”. Eb' a'an ke'jilok chi xk'atq, ke'xq'alu chi roq ut ke'xloq'oni.

Hechos 28:31

jo'wi' chi xpuktesinkil resil li xnimajwal awab'ejihom li Yos ut chi xtzolb'aleb' chirix li Qaawa' Jesukriist chi maak'a' xxiw ut chi maa'ani naramok chiru.

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal

Romanos 14:17

Li xnimajwal awab'ejihom li Yos moko wa uk'a' ta, tiikilal b'an, tuqtuukil usilal ut sahil ch'oolej xb'aan li Santil Musiq'ej.

San Mateo 21:43

Jo'kan naq ninye eere naq li xnimajwal awab'ejihom li Yos taamaq'e'q cheru ut taak'ehe'q re jalan chik tenamit re naq taa'uuchinq chi us.

Deuteronomio 9:9

Naq laa'in kintaqe'k sa' xb'een li tzuul chi xk'ulb'aleb' li tz'alam pek li tz'iib'anb'ileb' wi' li Sumwank kixk'ojob' li Qaawa' eerik'in, kinwank chaq chi tzuul ka'k'aal kutan ut ka'k'aal q'oqyink chi ink'a' kinwa'ak chi moko kin'uk'ak.

San Mateo 4:2

Ut naq ak xkuy xsa' chiru ka'k'aal kutan ut ka'k'aal q'oqyink, kitz'okaak.

San Mateo 3:2

“Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

1 Reyes 19:8

Laj Elías kiwakliik, kiwa'ak ki'uk'ak, ut li tzekemq a'an kixk'e xkawilal chi b'eek chiru ka'k'aal kutan ut ka'k'aal q'oqyink toj reetal kiwulak Horeb, sa' li tzuul re li Qaawa'.

Deuteronomio 9:18

Chirix chik a'an kinhupub' wib' chiru li Qaawa' ut kinb'aanu wi' chik jo' xb'enwa: ka'k'aal kutan ut ka'k'aal q'oqyink ink'a' kinwa'ak chi moko kin'uk'ak xb'aan chixjunil li maak keb'aanu chiru li Qaawa' toj reetal kechiq' xjosq'il.

San Marcos 16:19

Li Qaawa' Jesus, naq ak xraatinaheb', kitaqsiik sa' choxa ut kik'ojlaak sa' xnim uq' li Yos.

Hechos 8:12

A'ut naq ke'xpaab' laj Felipe, li yo chi puktesink xk'ab'a' li Jesus ut li xChaab'il Esil li xnimajwal awab'ejihom li Yos, ke'ok chi kub'siik xha'eb', jo' winq ut ixq.

Hechos 19:8

Kox'okaq laj Pablo sa' li ch'utleb'aal kab'l ut kaw xch'ool naq ki'aatinak chiru oxib' po; naseeraq'ik rik'ineb' chirix li xnimajwal awab'ejihom li Yos ut naxyal xq'unb'esinkileb'.

Hechos 28:23

Ke'xxaqab' xkutankil rilb'al wi' chik laj Pablo ut, naq kiwulak xkutankil, q'axal naab'aleb' chik ke'chalk b'arwi' nahilank. Toja' naq laj Pablo kixtikib' xyeeb'al resil li xnimajwal awab'ejihom li Yos, yo chi xch'olob'ankil li yaal chiruheb' ut yalyo xq'e chi xq'unb'esinkil xch'ooleb' chirix li Jesus rik'in li naxye li xChaq'rab' laj Moisés ut eb' li Propeet: kixtikib' eq'la ut kiraqe'k ewu.