Hageo 2:6 - Q'eqchi Bible

⁶ Wulak re xq'ehil naq tinhich'hich'i li choxa, li ruuchich'och', li palaw ut li chaqich'och';

Li Santil hu

⁶ Cuulac re xkꞌehil nak la̱in tincuecꞌasi saꞌ xnaꞌaj li choxa ut li ruchichꞌochꞌ ut li palau.

Hageo 2:6 ပူးပေါင်းရင်းမြစ်များ

Isaías 10:25

Yal jun k'amok aj chik maa naraqe'k linjosq'il sa' eeb'een, ut sa' xb'eeneb' chik laj Asiria taaq'apliiq.

Hechos 2:19

Tinb'aanu sachb'ach'oolej taqe'q sa' choxa ut xninqal ru eetalil taq'a sa' ruuchich'och': kik', xam ut xb'ook sib'.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Isaías 29:17

Chi seeb' Líbano taakanaaq cho'q xna'aj awimq ut li xna'aj awimq taak'iche'o'q wi' chik.

Hebreos 10:37

Xb'aan naq naxye li Santil Hu: “Toj kach'in chik, yal ink'a' chik k'iila kutan, ut li chalk re taachalq, ink'a' taab'ayq chaq.

Ezequiel 38:20

Eb' li kar sa' li palaw, eb' li xik'anel xul, eb' li josq' aj xul ut eb' li k'anti' siksootqeb' chiwu; jo'kanaqeb' ajwi' chixjunileb' li poyanam sa' li ruuchich'och'. Te'uq'je'q chaq eb' li tzuul, te'tolk'oqje'q chaq eb' li saqoonak ut te't'anje'q eb' li suttz'ak.

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.

Isaías 34:4

Sachaamilaqeb' li chahim, li saq'e ut li po, li choxa tixmoch rib' jo' junaq hu; ut chixjunileb' li chahim li wankeb' chiru choxa te'chupq jo' naq natz'umaak li xtux li uub', kama' naq naq'ano'k li xxaq li xche'el li iig.

Salmos 37:10

Sa' jun ch'ina k'amok maak'a'aqeb' chik li ink'a' useb' xna'leb'; us ta taasik'eb' sa' li xna'ajeb', ab'an maab'ar chik taataweb'.

Apocalipsis 11:9

Chiru oxib' kutan rik'in jun wa'leb' wanqeb' winq sa' chixjunil li tenamit, sa' chixjunil li amaq', aatinob'aal ut xteepal li ruuchich'och' te'ril li xch'och'el sululeb', ut ink'a' te'xkanab' chi jilib'aak sa' muqleb'aal.

Li xHu LAJ JOB 9:6

A'an naxchiq'le li ruuchich'och' sa' xna'aj ut naxchiq'chiq'i eb' li roqechal.

Salmos 18:7

Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: lix yaab' inkux xwulak toj rik'in.

Isaías 2:19

Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 13:13

Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Jeremías 33:14

“Taawulaq xkutankil -chan li Qaawa'- naq taatz'aqloq ru linyeechi'om reheb' li ralal xk'ajol laj Israel ut laj Judá.

Ezequiel 38:19

Sa' xxamlel linjosq'il ninye li waatin naq taawanq jun nimla hiik sa' xteepal Israel chiruheb' li kutan a'an.