Hageo 2:5 - Q'eqchi Bible

⁵ Jo' naq kinye eere sa' jurament naq kexwisi chaq Ejiipt, linmusiq' na'ochb'eenink eere: mexxiwak!

Li Santil hu

⁵ Nak quex-el chak aran Egipto, la̱in quinye e̱re nak cua̱nkin e̱riqꞌuin. Ut chalen anakcuan cuanquin e̱riqꞌuin. Joꞌcan nak mexxucuac.

Hageo 2:5 ပူးပေါင်းရင်းမြစ်များ

Éxodo 34:10

Kichaq'ok li Qaawa' ut kixye: “K'e reetal, ok we chi xk'ojob'ankil jun Sumwank eerik'in. Tinb'aanu xninqal sachb'ach'oolej chiru chixjunil li tenamit: maajun sut ki'uxk a'in sa' chixjunil li ruuchich'och' chi moko sa' junaq tenamit. Chixjunileb' li poyanam li wankat wi' te'ril xnimal xb'aanuhom li Qaawa', xb'aan naq q'axal xiwajel li k'aru tqab'aanu wochb'eenat.

Nehemías 9:20

Kak'e ajwi' laachaab'il musiq' re xtijb'aleb'; junelik kataqla chaq li maná re xch'oolaninkileb', ut kak'e ha' reheb' re naq ink'a' te'chaqiq re.

Isaías 41:13

Xb'aan naq laa'in li Qaawa', laaYos, chapchookat chawuq' inb'aan. Laa'in ninyehok aawe: “Matxiwak, laa'in nintenq'ank aawe”.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!

Zacarías 8:15

Ab'an chiruheb' li kutan a'in xink'uub' rusilankil ru Jerusalén jo'wi' eb' laj Judá. Jo'kan naq mexxiwak.

Hechos 27:24

ut xye we: «Matxiwak, Pablo! Tento tatwulaq chiru li awab'ej. K'e reetal, li Yos xk'eheb' sa' laawuq' li xyu'am chixjunileb' laawochb'een sa' laab'eenik», chan.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Apocalipsis 1:17

Naq kiwil a'an, kint'ane'k chi hupu chi roq, chanchanin kamenaq kinkanaak, ut a'an kixk'e li xnim uq' sa' inb'een, yo chi xyeeb'al we: “Matxiwak. Laa'in li xb'een ut li rosob'l,

San Mateo 28:5

Toja' naq li ánjel ki'ok chi raatinankileb' li ixq ut kixye reheb': —Mexxiwak. Ninnaw naq yookex chi xsik'b'al li Jesus, a' li kik'ehe'k chiru krus.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Nehemías 9:30

Chiru k'iila chihab' kakuyeb', kak'e xna'leb'eb' rik'in laamusiq' ut chi xtz'uumal reheb' laapropeet. Ab'an eb' a'an ink'a' ke'ab'ink; jo'kan naq kaq'axtesiheb' sa' ruq'eb' li tenamit wankeb' sa' ruuchich'och'.

2 Crónicas 20:17

Moko laa'ex ta texyaloq wulaj. Sik'omaq eena'aj, mex'eek'ank ut teeril naq li Qaawa' taakoloq eere. Ex aj Judá ut aj Jerusalén, mexxiwak ut mich'inank leech'ool. Elqex wulaj chi xk'ulb'aleb', xb'aan naq li Qaawa' eerochb'eenaq»”, chan laj Yajasiel.

Josué 8:1

Toja' naq li Qaawa' kixye re laj Josué: “Matxiwak chi moko chich'inanq aach'ool. K'ameb' chawix chixjunileb' laj puub'. Ayu chi yalok rik'ineb' laj Ay, xb'aan naq tinq'axtesi sa' laawuq' li awab'ej re Ay, jo'wi' li wankeb' rub'el xwankil, li xtenamit ut li xch'och'.

Éxodo 34:8

Sa' junpaat laj Moisés kit'ane'k chi wiq'wo ut kixhupub' rib':

Éxodo 19:4

«Ak eerilom chaq k'aru xinb'aanu reheb' laj Ejiipt ut chanru naq xexink'am chaq wik'in jo' sa' xb'een xxik' li nimla t'iw.

Éxodo 19:6

Laa'exaq jun santil tenamit, ut tex'awab'ejinq jo' aj tij». A'aneb' a'in li aatin taaye reheb' li ralal xk'ajol laj Israel”.

Éxodo 24:3

Kichalk laj Moisés ut kixye re li tenamit chixjunileb' li raatin li Qaawa' jo' ajwi' li xchaq'rab'. Ut chixjunileb' li tenamit ke'xsume chi junaj xyaab'eb' xkux: “Taaqapaab' chixjunil li aatin xye li Qaawa'”, chankeb'.

Éxodo 24:8

Toja' naq laj Moisés kixchap li kik', kixrachrachi sa' xb'een li tenamit ut kixye: “Rik'in li kik' a'in xaqab'anb'il xwankil li Sumwank li xb'aanu li Qaawa' eerik'in, jo' tz'iib'anb'il sa' li hu a'in”.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

1 Samuel 12:20

Ab'an laj Samuel kixye reheb': “Mexxiwak. Yaal naq xeb'aanu li nimla maak a'in, ab'anan meetz'eqtaana chik li Qaawa' ut chexk'anjelaq chiru chi anchal eech'ool.