Hageo 2:3 - Q'eqchi Bible

³ «Ani sa' eeyanq ki'ilok re li xb'een xloq'al li ochoch a'in? Ut chan chik ru na'ilmank anaqwan? Pe' yaal naq chanchan naq maak'a' chik xloq'al ut xch'ina'usal jo' junxil?

Li Santil hu

³ “¿Ma toj cuan saꞌ e̱ya̱nk qui-iloc re lin templo junxil? ¿Ma jultic e̱re nak cꞌajoꞌ xchꞌinaꞌusal nak quicuan? ¿Ma nacuulac ta biꞌ che̱ru lin templo chanru nak cuan anakcuan? ¿Ma incꞌaꞌ ta biꞌ nequeril nak ma̱cꞌaꞌ chic xchꞌinaꞌusal joꞌ junxil?”

Hageo 2:3 ပူးပေါင်းရင်းမြစ်များ

Esdras 3:12

Naab'aleb' laj tij, laj Leví ut xjolomileb' junkab'al li ak tiixeb' xb'aan naq ak rilomeb' chaq li xb'een rochoch li Yos junxil, anaqwan japjookeb' re chi yaab'ak naq yookeb' chi rilb'al chanru yo chi ok li rub'elankil li x'ak' ochoch li Qaawa'. Ab'anan wankeb' ajwi' li japjookeb' re xb'aan xsahil xch'ooleb'.

Ezequiel 7:20

Xe'q'etq'eto'k xb'aan li xchaq'alil ru eb' li xlemtz'il q'ol, ut rik'in a'an xe'xyiib'atq li xreemaaru aj yoseb'. Jo'kan naq tinkanab' cho'q mul chixjunil a'an.

Hageo 2:9

Q'axal nimaq xloq'al li ochoch a'in chiru li xb'een. Ut sa' li na'ajej a'in tink'e li tuqtuukilal. Laa'in li Qaawa' nim inwankil ninye a'in»”.

1 Crónicas 22:5

Xb'aan naq laj David kixk'oxla: “Laj Salomón li walal a'an toj saaj ut kach'in ajwi' li xna'leb', ut li ochoch li taayiib'amanq cho'q re li Qaawa' tento naq jwal nimaq ut chaq'alaq ru, re naq chiwanq xloq'al sa' chixjunil li ruuchich'och'. Jo'kan naq twaj tinkanab' chixjunil chi ak yiib'anb'il chi us”, chan sa' xch'ool. Ut relik chi yaal naq laj David kixb'aanu xninqal k'anjel naq toj yo'yo.

Esdras 3:11

Ke'xterq'usi xk'ab'a' li Qaawa' ut ke'yoxink chiru; wankeb' ke'b'ichank ut wankeb' ke'xsume chi kama'in: “Xb'aan naq A'an jwal chaab'il, li xrahom wank chi junelik rik'ineb' laj Israel”. Ut chixjunil li tenamit chajchookeb' re chi xnimankil ru li Qaawa', xb'aan naq li Loq'laj Ochoch ak wank chik li rub'elankil.

Isaías 64:10

Eb' laasantil tenamit neke'kirirnak xe'kanaak, maajun chik wank sa' li tenamit Sión ut Jerusalén xkanaak chi po'lemil.