Hageo 1:9 - Q'eqchi Bible

⁹ Naab'al raj nekeraj, ab'an b'a'b'ay ajwi' neketaw. Ut li xek'uula sa' leerochoch, laa'in xinkuti chi najt. Ma nekenaw k'a'ut? Xb'aan naq toj po'lem linsantil ochoch, ut laa'ex chejunjunqal naxik eech'ool chirix leerochoch.

Li Santil hu

⁹ Nabal nequesicꞌ ut caꞌchꞌin ajcuiꞌ nequetau. La̱in chanchan apunbil tinba̱nu nak tinmakꞌ che̱ru li cꞌaꞌru nequexoc saꞌ le̱ rochoch, xban nak moco ra ta chicuu nak tinba̱nu. ¿Cꞌaꞌut nak tinba̱nu e̱re chi joꞌcan? chan li nimajcual Dios. Xban nak kꞌaxal nequeqꞌue e̱chꞌo̱l chixyi̱banquil chi us le̱ rochoch ut incꞌaꞌ nequecꞌoxla xyi̱banquil lin templo, chan.

Hageo 1:9 ပူးပေါင်းရင်းမြစ်များ

Hageo 1:4

Ma xq'ehil tab'i' cho'q eere wank sa' chaab'il ochoch naq toj po'lem linsantil ochoch?

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Hageo 1:6

K'ajo' li awimq xeraw, ut kach'in ajwi' nekexok; xextzekank, ab'an ink'a' nak'ojlaak leech'ool; xex'uk'ak, ab'an ink'a' nanume'k leechaqi'eel; xelan eerib' chi us, ut ink'a' nekextiqwo'k; ut li tojb'il moos yal sa' q'ichil koxtal naxk'e li xtojb'al.

Isaías 40:7

Natz'umaak li uutz'u'uj ut nachaqik li pim, naq li xmusiq' li Qaawa' na'apunk sa' xb'eeneb'.

Apocalipsis 2:4

Ab'anan ch'a'aj naweek'a chawix naq ink'a' chik nakatrahok jo' junxil.

Li xHu LAJ JOB 10:2

Tinye re li Yos: “Maateneb' li maak sa' inb'een, ut ch'olob' chiwu k'a'ut naq nakaraq aatin sa' inb'een.

2 Reyes 19:7

Ok we chi roksinkil rik'in jun musiq'ej re xpo'b'al li xch'ool: taarab'i jun esil ut taasutq'iiq wi' chik sa' li xtenamit chi junpaat, ut aran toxkamsiiq chi ch'iich'»”.

2 Samuel 22:16

Toja' naq xk'utunk xchamal li palaw, x'ilmank li rub'elankil li ruuchich'och' naq xatjosq'o'k, at Qaawa', rik'in xnimal aawapusihom.

2 Samuel 21:1

Naq laj David kiwank cho'q awab'ej, kiwank we'ej chiru oxib' chihab'. Toja' naq laj David kipatz'ok re li Qaawa' ut a'in kixye re: “A'an xk'ulmank xb'aan naq laj Saúl ut eb' li ralal xk'ajol ke'xkamsiheb' laj Gabahón”, chan.

Proverbios 27:20

Li kamk ut li muqleb'aal ink'a' neke'nujak; jo'kan ajwi' li winq ink'a' nak'ojlaak xch'ool rik'in li k'aru wank re: toj naxrahi ru xtz'aqob'.

Eclesiastés 1:8

Jwal ch'a'aj xch'olob'ankil naq ink'a' nak'ojlaak li qach'ool xb'aan chixjunil a'an. Maajun natawaak chi ilok, maajun natawaak chi ab'ink!

Ezequiel 21:31

aran twisi linjosq'il sa' eeb'een, texinsach xb'aan xpo'ik linch'ool ut texinq'axtesi sa' ruq'eb' li josq' aj winq, li k'aynaqeb' chi kamsink.

Levítico 19:25

ut sa' ro' li chihab' naru chik teetzeka ru li che' a'an. Chi jo'kan li che' q'axal chik taa'uuchinq. Laa'in li Qaawa' leeYos.

Deuteronomio 28:38

Naab'al li iyaj taawaw chaq sa' laak'aleb'aal ut b'a'b'ay ajwi' li ru taaxok, xb'aan naq laj saak' tixchoy chixjunil.

Proverbios 11:24

Wankeb' neke'sihink, ut b'ihomo'k chik neke'xb'aanu; wankeb' ajwi' aj pix neke'k'uulank, ut neb'a'il nokoxe'oso'q wi'.

Isaías 5:10

Xb'aan naq lajeeb' k'aam chi uub' taa'awmanq, ut moko k'i ta li b'iin tixk'e. Jun iiq chi iyaj taa'awmanq, ut yal jun chakach ajwi' chi triiw taa'elq”.

Jeremías 12:13

Xe'awok triiw, ut k'ix chik xe'xxok; maak'a' rajb'al naq xe'k'anjelak chi kaw. Te'xutaanaq chi xxokb'al li kach'in ajwi' xb'aan naq k'ajo' li xxamlel linjosq'il”.