Hageo 1:6 - Q'eqchi Bible

⁶ K'ajo' li awimq xeraw, ut kach'in ajwi' nekexok; xextzekank, ab'an ink'a' nak'ojlaak leech'ool; xex'uk'ak, ab'an ink'a' nanume'k leechaqi'eel; xelan eerib' chi us, ut ink'a' nekextiqwo'k; ut li tojb'il moos yal sa' q'ichil koxtal naxk'e li xtojb'al.

Li Santil hu

⁶ Kꞌaxal nabal nequerau, ut ma̱cꞌaꞌ ajcuiꞌ nequekꞌol; nequexcuaꞌac ut incꞌaꞌ nequexnujac; nequex-ucꞌac ut incꞌaꞌ nanumeꞌ le̱ chaki el; nequeqꞌue le̱ rakꞌ che̱rix ut incꞌaꞌ nequextikcuoꞌ; li nacꞌanjelac saꞌ cutan, chanchan saꞌ hopol aj bo̱ls naxqꞌue lix tojbal.

Hageo 1:6 ပူးပေါင်းရင်းမြစ်များ

Hageo 1:9

Naab'al raj nekeraj, ab'an b'a'b'ay ajwi' neketaw. Ut li xek'uula sa' leerochoch, laa'in xinkuti chi najt. Ma nekenaw k'a'ut? Xb'aan naq toj po'lem linsantil ochoch, ut laa'ex chejunjunqal naxik eech'ool chirix leerochoch.

Oseas 4:10

Te'tzekanq, ab'an ink'a' te'k'ojlaaq xch'ool; te'ko'b'eetaq, ab'an ink'a' te'alanq. Xb'aan naq xe'xkanab' k'anjelak chiru li Qaawa' ut a' chik li ko'b'eetak xe'xb'aanu.

Hageo 2:16

k'aru kik'ulmank? Naq nekeraj raj xxokb'al junmay iiq chi triiw, lajeeb' ajwi' neketaw; ut naq junaq naxik chi xsik'b'al lajeeb' roxk'aal kuk chi b'iin, ab'an yal junmay ajwi' naxtaw.

Oseas 8:7

Chanchan naq xex'awk sa' li iq', ut a' chik li kaqsut-iq' teetaw. Li k'aru xeraw, ink'a' taa'uuchinq; ut wi taa'uuchinq, jalaneb' chik te'yaloq xsahil.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Isaías 5:10

Xb'aan naq lajeeb' k'aam chi uub' taa'awmanq, ut moko k'i ta li b'iin tixk'e. Jun iiq chi iyaj taa'awmanq, ut yal jun chakach ajwi' chi triiw taa'elq”.

Zacarías 8:10

Xb'aan naq chiruheb' li kutan a'an maak'a' chaq li tojleb' cho'q reheb' li winq chi moko reheb' li xul neke'iiqank; maak'a' ajwi' li tuqtuukilal sa' xyanqeb' li poyanam xb'aaneb' li xik' neke'ilok reheb', ut laa'in ajwi' xinb'aanunk naq maak'a' li sahilal chirib'ileb' rib' li tenamit.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

Jeremías 44:18

Ut chalen naq kiqakanab' xmayejankil li k'ajpom ut li b'iin chiru li xNa' li choxa, maak'a' chik wank qe ut eb' li poyanam yookeb' chi kamk xb'aan li we'ej malaj xb'aan li raaxiik'”.

Jeremías 14:4

X'atz'je'k li ch'och' xb'aan naq maak'a' li hab'; jo'kan naq xe'wiib'ank xch'ool eb' laj k'alom ut xe'xtz'ap li xjolomeb'.

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Li xHu LAJ JOB 20:28

Taa'oso'q li rochoch xb'aan li b'ut', naq li xjosq'il li Qaawa' taachalq sa' xb'een.

Li xHu LAJ JOB 20:22

Us ta numtajenaq li k'aru wank re, ab'an k'ajo' naq taaraho'q xch'ool: q'axal ra tixk'ul sa' ruq'eb' li ink'a' useb' xna'leb'.

1 Reyes 17:12

Kisumeek: “Sa' xk'ab'a' li Qaawa' laaYos, ninye aawe naq maak'a' inwa ak yiib'anb'il; yal jun mooch' aj chik ink'aj wank sa' jun uk'al ut b'a'b'ay aj chik in'aseeyt wank sa' linch'ina meet. Yookin chi xxokb'al kach'inaq insi' re xyiib'ankil li wa cho'q re linyum ut cho'q we laa'in. Tqawa' a'an, toja' naq tookamq”, chan li xmalka'an.

2 Samuel 21:1

Naq laj David kiwank cho'q awab'ej, kiwank we'ej chiru oxib' chihab'. Toja' naq laj David kipatz'ok re li Qaawa' ut a'in kixye re: “A'an xk'ulmank xb'aan naq laj Saúl ut eb' li ralal xk'ajol ke'xkamsiheb' laj Gabahón”, chan.

Levítico 26:26

“Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Levítico 26:20

Maak'a'aq chik aj e naq teetawasi eerib' xb'aan naq ink'a' chik taa'elq li awimq sa' li ch'och' chi moko te'uuchinq li che' sa' leena'aj.

Nehemías 5:2

Wankeb' ke'yehok: “Naab'alo laa'o qochb'een li qalal qak'ajol. Aajel ru naab'al li triiw re naq tootzekanq ut ink'a' tookamq”.

Jeremías 12:13

Xe'awok triiw, ut k'ix chik xe'xxok; maak'a' rajb'al naq xe'k'anjelak chi kaw. Te'xutaanaq chi xxokb'al li kach'in ajwi' xb'aan naq k'ajo' li xxamlel linjosq'il”.

Hageo 1:5

Ma ink'a' nekeril li k'aru yookex chi xk'ulb'al?

Hageo 1:7

Laa'in li Nimajwal Yos, ut nawaj naq teek'oxla chi us k'aru yookex chi xb'aanunkil.

Hageo 1:10

Jo'kan naq eemaak laa'ex naq ink'a' chik nat'ane'k li hab', ut li ch'och' ink'a' chik na'elk li awimq chiru.

Hageo 2:17

Laa'in kexinrahob'tesi sa' chixjunil leek'anjel rik'in li tiqwal iq', laj saak' ut li saqb'ach, ab'an maajun eere kisutq'iik chaq wik'in, chan li Qaawa'.

Deuteronomio 28:17

Tz'eqtaananb'ilaq laachakach ut laak'uuleb'aal.

Proverbios 11:24

Wankeb' neke'sihink, ut b'ihomo'k chik neke'xb'aanu; wankeb' ajwi' aj pix neke'k'uulank, ut neb'a'il nokoxe'oso'q wi'.