Hageo 1:2 - Q'eqchi Bible

^2-3 A'an a'in li kixye li Qaawa', li Nimajwal Yos, chi xtz'uumal re li propeet: “Li tenamit a'in neke'xye naq toj maji' xq'ehil xyiib'ankil wi' chik li rochoch li Qaawa' Yos.

Li Santil hu

² Aꞌan aꞌin li quixye li nimajcual Dios re laj Hageo: —Li tenamit aꞌin nequeꞌxye nak toj ma̱jiꞌ nacuulac xkꞌehil nak teꞌxyi̱b cuiꞌchic lin templo, chan.

Hageo 1:2 ပူးပေါင်းရင်းမြစ်များ

Esdras 4:23

Naq ke'ril xsa' li hu tz'iib'anb'il xb'aan laj Artajerjes li awab'ej, laj Rejún, laj Sinsay aj tz'iib' ut eb' li rochb'eeneb' ke'elk chi junpaat re xik Jerusalén ut ke'xmin ruheb' laj Judiiy chi xkanab'ankil li k'anjel li ke'xtikib' xb'aanunkil.

Nehemías 4:10

Ut eb' laj Judá ke'xye: “Yo chi lajk xmetz'eweb' laj iiqanel ut numtajenaq li puk'inb'il tz'ak isiik taaraj. Moko tooruuq ta xwaklesinkil wi' chik li suttz'ak”, chankeb'.

Eclesiastés 11:4

Li ani yo xk'a'uxl chirix li iq', ink'a' taa'awq, ut li naka'yank choql, ink'a' taaq'oloq.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Números 13:31

A'ut eb' li winq ke'ochb'eenink re chi rilb'al li tenamit Kanahán, ke'xye: “Ink'a' naru tooxik chi yalok rik'in li tenamit a'an, xb'aan naq jwal kaweb' rib' chiqu laa'o”, chankeb'.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Proverbios 22:13

Naq laj q'em ink'a' naraj k'anjelak, naxye: “Wank jun kaqkoj sa' b'e ut naru ninxkamsi”, chan.

Hageo 1:1

Ak wiib' chihab' rokik cho'q awab'ej laj Darío, sa' li xb'een kutan re li xwaq po, li Qaawa' ki'aatinak chi xtz'uumal re laj Hageo rik'in laj Sorobabel, ralal laj Salatiel, aj jolominel re Judá, ut rik'in laj Josué, ralal laj Josadak, xyuwa'il aj tij.

2 Reyes 12:7

Toja' naq laj Johás li awab'ej kixb'oq laj Johadá laj tij ut li xkomoneb' laj tij, ut kixye reheb': “K'a'ut naq toj maji' nekeyiib' chi us li rochoch li Qaawa'? Chalen anaqwan ink'a' chik teek'ul li tumin sa' ruq'eb' laj k'anjel, teeq'axtesi b'an re xyiib'ankil chi us li tijob'aal”.

Eclesiastés 3:3

Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.