Génesis 9:6 - Q'eqchi Bible

⁶ “Li tixkamsi junaq winq, taakamsiiq ajwi' a'an xb'aan jalan chik, xb'aan naq jo' xjalam u li Yos naq kiyoob'tesiik li winq.

Li Santil hu

⁶ Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

Génesis 9:6 ပူးပေါင်းရင်းမြစ်များ

Levítico 24:17

“Ani taakamsinq re junaq ras riitz'in, taateneb'aaq kamk sa' xb'een.

San Mateo 26:52

Toja' naq kiyehe'k re xb'aan li Jesus: —K'e wi' chik laach'iich' sa' xna'aj, xb'aan naq chixjunileb' li te'xchap xch'iich', chi ch'iich' ajwi' te'oso'q.

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Números 35:33

“Meemux ru li ch'och' b'arwi' wankex. Li kamsink naxmux ru li ch'och'; ut naq xkamsiik junaq eeras eeriitz'in, ink'a' naru xtojb'al rix li maak: ka'ajwi' naq taakamsiiq li ani xkamsink.

Santiago 3:9

Chiru a'an naqa'usilaatina li Qaawa', li Yuwa'b'ej Yos, ut chiru ajwi' a'an naqamajewaheb' li qas qiitz'in li yoob'tesinb'ileb' cho'q xjalam u li Yos.

Génesis 5:1

A'aneb' a'in li xk'ab'a'eb' li ralal xk'ajol laj Adán. Sa' li kutan kiyoob'tesiik wi' xb'aan li Yos, laj Adán kik'ehe'k jo' xjalam u li Yos.

Romanos 13:4

xb'aan naq aj k'anjeleb' chiru li Yos re aatenq'ankil chi xb'aanunkil li us. Ab'an wi nakab'aanu li ink'a' us, chatxiwaq xb'aan naq moko maak'a' ta rajb'al naq wankeb' xjutz' ch'iich': aj k'anjeleb' chiru li Yos, aj q'ajkamuneleb' re xrahob'tesinkil li nab'aanunk re li ink'a' us.

Génesis 4:14

Anaqwan laa'at tinaawisi sa' li ch'och' a'in ut laa'in tento naq tinmuq wib' chawu. Tinb'eeni wib' jo' aj eelel sa' ruuchich'och', ut yalaq ani taatawoq we, tinxkamsi”.

Salmos 51:4

chawisi chi junwaakaj li ink'a' us xinb'aanu ut chinaach'ajob'resi chiru linmaa'usilal.

Números 35:25

ut li komonil tento tixkol xyu'am laj kamsinel ras riitz'in chiru laj eeqajunel kik'. Tento ajwi' tixtaqla wi' chik sa' li tenamit xmuq wi' rib'. Ut aran taakanaaq li xkamsi ras riitz'in toj reetal taakamq li xyuwa'il laj tij li yulb'il rik'in loq'laj oleo.

Levítico 17:4

wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.

1 Corintios 11:7

Ink'a' us naq li winq tixlan li xjolom, xb'aan naq a'an xjalam u ut xrepom xloq'al li Yos; ab'an li ixq a'an xloq'al li winq.

Génesis 42:22

Toja' naq laj Rubén kixye reheb': “Ma ink'a' tab'i' kinye eere: Meeb'aanu li rahilal a'in re li ch'ina'al, ut ink'a' kineepaab'? Ut anaqwan napatz'e'k qe li xkik'el!”.

Éxodo 20:13

“Maa'ani aakamsi.

Deuteronomio 5:17

«Maa'ani aakamsi.

Jueces 9:56

Jo'ka'in naq li Yos kixq'ajkamu re laj Abimélek li ink'a' us kixb'aanu re li xyuwa' naq kixkamsiheb' li lajeeb' xkaak'aal (70) chi ras riitz'ineb'.

1 Samuel 15:33

A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

2 Reyes 11:16

Tikto ke'xte li xb'e ut naq ki'ok sa' rochoch li awab'ej, sa' li okeb'aal neke'wank wi' eb' li kawaay, aran ke'xkamsi.

Proverbios 28:17

Meetenq'a li xkamsi ras riitz'in; a'an ink'a' taach'anaaq chi kamsink toj reetal sa' li xkamik.

Eclesiastés 3:3

Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.

Números 35:16

“Ab'anan wi junaq naxtiq' rik'in ch'iich' junaq chik ras riitz'in ut a'in taakamq, li xtiq'ok a'an aj kamsinel, ut tento taakamsiiq.

Deuteronomio 19:11

“Ab'anan wi junaq winq xik' naril li ras riitz'in, taaxik chi xramb'al sa' b'e ut tixkut rib' sa' xb'een, tixsak' ut tixkamsi, ut chirix a'an tixmuq chaq rib' sa' junaq reheb' li tenamit a'an,

2 Samuel 4:11

Ma toja' ta chik anaqwan naq maa'us aj winqeb' xe'xkamsi jun li winq tiik xch'ool naq yo chi wark sa' rochoch? Relik chi yaal naq texink'e chi xtojb'al li xkamik ut texinsach sa' ruuchich'och'”.

1 Reyes 2:9

Maakanab' chi ink'a' ta tixtoj rix li xmaak. Laa'at wank aana'leb' ut nakanaw chi us k'aru taab'aanu, re naq ra tixk'ul sa' xkamik”.

2 Reyes 11:1

Naq lix Atalía, xna' laj Okosías, kixnaw naq kikamsiik li xyum, koho chi xsachb'aleb' ru chixjunileb' li ralal xk'ajol li awab'ej.

2 Reyes 11:20

K'ajo' xsahilaleb' sa' xch'ool chixjunileb'! Kamenaq chik lix Atalía sa' rochochil li awab'ej. Jo'kan naq li tenamit kikanaak sa' tuqtuukilal.

2 Crónicas 33:24

Sa' jun kutan eb' laj k'anjel chiru laj Amón ke'xk'uub' xkamsinkil, ut ke'xkamsi li awab'ej sa' li rochoch.