Génesis 9:2 - Q'eqchi Bible

² Chiwanq eexiwankil xb'aan chixjunileb' li xul li wankeb' sa' ruuchich'och': eb' li xul li neke'rupupik chiru choxa, eb' li neke'xjukuki rib' chiru ch'och' ut chixjunileb' li kar li wankeb' sa' palaw te'kanaaq sa' eeruq'.

Li Santil hu

² —Chixjunileb li xul li cuanqueb saꞌ ruchichꞌochꞌ teꞌxucua̱nk e̱ru. Teꞌxucuak li xul li nequeꞌbe̱c saꞌ chꞌochꞌ, joꞌ ajcuiꞌ li xul li nequeꞌrupupic, joꞌ eb ajcuiꞌ li car li cuanqueb saꞌ li haꞌ, xban nak la̱at chic ta̱cua̱nk a̱cuanquil saꞌ xbe̱neb chixjunileb li xul.

Génesis 9:2 ပူးပေါင်းရင်းမြစ်များ

Santiago 3:7

Chixjunil li jar paay chi josq' aj xul, jo' ajwi' eb' li neke'rupupik sa' choxa, eb' li k'anti' ut li wankeb' sa' palaw, naru xtuulanob'resinkileb', ut neke'tuulanob'resiik ajwi' xb'aan li winq.

Génesis 1:28

Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Ezequiel 34:25

Tink'ojob' jun li sumwank rik'ineb' a'an, re naq sa te'wanq, ut twisiheb' li josq' aj xul sa' li xna'ajeb', re naq eb' linkarneer te'wanq sa' tuqtuukilal sa'eb' li k'aleb'aal ut te'hilanq sa'eb' li k'iche'.

Levítico 26:6

Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Génesis 35:5

Chirix chik a'an koheb', ut jun nimla xiw kikub'eek sa' xb'eeneb' li tenamit li wankeb' chi xsutam; jo'kan naq ink'a' ke'xtaaqe eb' li ralal laj Jakob.

Génesis 2:19

Toja' naq li Qaawa' Yos kixyoob'tesi rik'in ch'och' chixjunileb' li xul li wankeb' sa' li pim ut chixjunileb' li neke'rupupik chiru choxa, ut kixk'ameb' rik'in li winq re rilb'al k'aru tixk'e cho'q xk'ab'a'eb': li k'ab'a'ej li tixk'ul li junjunq chi xul, a'an li taanawe'q wi' ru.

Levítico 26:22

Tintaqla chaq eb' li josq' aj xul sa' eeb'een li te'xtiweb' leeralal eek'ajol, te'xt'upi leewakax. Moko k'ihex ta chik texwanq ut nakirirnak taakanaaq li b'e.

Génesis 1:21

Li Yos kixyoob'tesiheb' li ninqi kar li wankeb' sa' palaw ut chixjunileb' li xul li neke'xjukuki rib' chiru ch'och', li neke'xjuyuyi rib' sa' ha', a' yaal chanru li xpaayil, ut chixjunileb' li xul li neke'rupupik, a' yaal chanru li xpaayil. Ut li Yos kiril naq us a'an.

Génesis 9:1

Li Yos kirosob'tesi laj Noé ut eb' li ralal xk'ajol, ut kixye reheb': “Chiwanq eeralal eek'ajol, chexk'ihanq ut chenujob'resi li ruuchich'och'.

Génesis 9:3

Chixjunil li na'eek'ank ut wank xyu'am te'k'anjelaq cho'q eetzekemq: chixjunil a'in tinq'axtesi eere jo' naq ak k'eeb'il eere li awimq.

Génesis 1:26

Toja' naq kixye li Yos: “Qayoob'tesihaq li poyanam jo' qajalam u, jo' qilob'aal laa'o, re taataqlanq sa' xb'eeneb' li kar sa' palaw, sa' xb'eeneb' li xul neke'rupupik chiru choxa ut li wankeb' sa' k'iche', sa' xb'eeneb' li ketomq ut sa' xb'eeneb' chixjunileb' li xul neke'xjukuki rib' chiru ch'och'”.

Li xHu LAJ JOB 39:11

Ma taak'ojob' aach'ool rik'in naq jwal kaw xmetz'ew ut yo'oon tatxtenq'a?