Génesis 8:21 - Q'eqchi Bible

²¹ Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Li Santil hu

²¹ Lix bo̱c li cꞌatbil mayej quicuulac riqꞌuin li Dios ut quicuulac chiru lix sununquil. Li Dios quixye saꞌ xchꞌo̱l: —Ma̱ jun cua chic tintzꞌekta̱na li ruchichꞌochꞌ xbaneb li cristian. Ac reheb li cristian nak aj ma̱queb. Ma̱ jun sut chic tinsach ruheb chixjunileb li cuanqueb saꞌ ruchichꞌochꞌ riqꞌuin butꞌi haꞌ.

Génesis 8:21 ပူးပေါင်းရင်းမြစ်များ

2 Corintios 2:15

Xb'aan naq laa'o kama'o xsununkil li Kriist chiru li Yos, sa' xyanqeb' li wankeb' sa' xb'e li kolb'a ib' jo'wi' sa' xyanqeb' li yookeb' chi sachk:

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Filipenses 4:18

Wank li k'aru we, re xq'axb'al li junjunq chi kutan, ut na'ela'ank ajwi'. Sa chik wankin rik'in li tenq'aal li xetaqla chaq we chirix laj Epafrodito: a'an sununkil b'ook ut chaab'il mayej li nawulak chiru li Yos.

Romanos 3:23

chixjunileb' xe'maakob'k ut maak'a' xloq'al li Yos rik'ineb'.

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

Levítico 1:13

Ani tixyeechi'i xk'atb'il mayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal cho'q k'atb'il mayej jwal sununk xb'ook chiru li Qaawa'.

Eclesiastés 7:20

Ab'anan moko wank ta junaq tiik xch'ool sa' ruuchich'och' li tixb'aanu li us chi junelik, chi ink'a' ta taamaakob'q.

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.

Génesis 3:17

Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

San Juan 3:6

Li yo'lajenaq rik'in tz'ejwalej a'an tz'ejwalej, ut li yo'lajenaq rik'in li Musiq'ej a'an musiq'ej.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Salmos 58:3

Ma ink'a' tab'i' yal naraj leech'ool naq nekeb'aanu li ink'a' us? Rik'in leeruq' nekexyoob'ank raaxiik' sa' chixjunil li ruuchich'och'.

Salmos 51:5

Ninnaw chi us naq xinq'et laawaatin, rajlal nanaqk sa' inch'ool li maak xinb'aanu.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

Jeremías 18:12

A'ut eb' a'an te'xye aawe: «Maab'ay aawib' chi aatinak, xb'aan naq nawulak chiqu xb'aanunkil li naraj li qach'ool ut li junjunq tixb'aanu jo' chanru naraj li xjipil»”.

Proverbios 20:9

Maajun truuq tixye: “Maak'a' inmaak; relik chi yaal naq saq ru linch'ool”.

Li xHu LAJ JOB 14:4

Li k'aru tz'ajn ru ink'a' naru xch'ajob'resinkil. Maa'ani naru xb'aanunkil chi jo'kan.

Levítico 1:17

Chirix a'an tixcho' sa' xyi li mukuy, tixchap sa' xxik', ab'an moko tixjach ta chi junwaakaj, ut tixk'at sa' li artal, sa' xb'een li si' li wank sa' li xam. A'an jun k'atb'il mayej sununk xb'ook chiru li Qaawa'.

Éxodo 29:25

Moqon taaxok sa' ruq'eb' ut taak'at sa' li artal, sa' xb'een li k'atb'il mayej, jo' sununkil b'ook chiru li Qaawa': a'an k'atb'il tzekemq sa' xk'ab'a' li Qaawa'.

Éxodo 29:18

ut taak'at chixjunil li karneer sa' li artal. A'an k'atb'il mayej cho'q re li Qaawa', sununkil b'ook, k'atb'il tzekemq cho'q re li Qaawa'.

Génesis 6:17

Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q.

Jeremías 8:6

Xe'wab'i chi us: maajun reheb' nayehok li yaal; maajun naraho'k xch'ool chirix li xmaa'usilal ut naxye ta: K'aru xinb'aanu? Chixjunileb' xe'xjal xb'eheb' ut neke'xb'aanu li k'aru neke'raj; xe'kaano'k ruheb', kama'eb' chik li kawaay li neke'kaano'k ru chi yalok.

Isaías 65:6

“K'ehomaq reetal, chixjunil a'an tz'iib'anb'il chiwu ut ink'a' tinkanab' aatinak toj reetal tink'e leeq'ajkamunkil,

Isaías 48:8

Ink'a' aawab'ihom resil a'an chi moko aanawom, xb'aan naq tz'aptz'o laaxik chi junelik. Ak ninnaw laa'in naq moko tiik ta laach'ool, jo'kan naq: «Aj q'etol aatin» nakak'ab'a'in chalen chaq sa' laasiyajik.

Isaías 47:15

A'an toxe'oso'q wi' eb' laj tuul, eb' li q'axal xe'tawasink aawe chiru chixjunil laayu'am. Ak xb'e xb'e te'xk'am li junjunq ut maajun taaruuq chi kolok aawe.

Isaías 47:12

Kanaaqat rik'in laak'iila nawalink, yal wan aaq'e chi tuulak, li nakatawasi wi' aawib' chalen chaq sa' laasaajilal! Mare toj taak'anjelaq chawu, mare toj tatnumtaaq sa' xb'eeneb' li poyanam!

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

Génesis 5:29

aj Noé kixk'e cho'q xk'ab'a', xb'aan naq kixye: “Li Qaawa' kixtz'eqtaana li ch'och'. Ab'an li k'uula'al a'in tixk'ojob' qach'ool chirix li kawil k'anjel naqab'aanu”, chan laj Lámek.

Génesis 4:12

Us ta taak'anjela li ch'och', ab'an ink'a' taa'uuchinq; ut taab'eeni aj chik aawib' jo' aj eelel sa' ruuchich'och' chi junelik”.

Génesis 6:7

“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.

Génesis 6:13

Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'.

Levítico 4:31

Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Levítico 8:28

Laj Moisés kixxok chixjunil a'in sa' ruq'eb' ut kixk'at sa' xb'een li artal rochb'een li k'atb'il mayej, jo' sahil mayej sununk xb'ook re ok cho'q aj tij: a'an k'atb'il mayej sa' xk'ab'a' li Qaawa'.

Números 15:3

ut naq teeyeechi'i leewakax malaj leekarneer cho'q k'atb'il ut sununkil mayej sa' xk'ab'a' li Qaawa' re naq taatz'aqloq ru li xeyeechi'i we malaj xb'aan naq jo'kan x'alaak sa' leech'ool malaj sa' xk'ab'a' junaq ninq'e,

1 Samuel 26:19

At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

Salmos 58:4

Eb' laj maak ak reheb' ajwi' chaq sa' xyo'lajikeb' naq ink'a' useb' xch'ool; ak aj tik'ti'eb' ajwi' chaq naq toj maji' neke'ril li kutan.