Génesis 8:20 - Q'eqchi Bible

²⁰ Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Li Santil hu

²⁰ Laj Noé quixyi̱b jun artal riqꞌuin tusbil pec re xlokꞌoninquil li Ka̱cuaꞌ Dios. Ut quixchapeb li xul, li nequeꞌbe̱c joꞌ ajcuiꞌ li nequeꞌrupupic, saꞌ xya̱nkeb li xul li natiꞌeꞌ xtibeleb. Ut quixcꞌateb saꞌ xbe̱n li artal chokꞌ xmayej chiru li Ka̱cuaꞌ Dios.

Génesis 8:20 ပူးပေါင်းရင်းမြစ်များ

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Génesis 22:9

Naq ke'wulak sa' li na'ajej kixye li Yos, laj Abrahán kixyiib' jun li artal ut kixtus li si' sa' xb'een; chirix a'an kixb'ak' laj Isahak li ralal ut kixk'e sa' xb'een li artal, sa' xb'een li si'.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Hebreos 13:10

Laa'o wank jun qa'artal b'arwi' ink'a' xk'ulub'eb' tzekank eb' li neke'k'anjelak sa' li loq'laj Muheb'aal.

Éxodo 10:25

Kichaq'ok laj Moisés: “Tento ajwi' taak'e qe eb' li xul taaqamayeja ut taaqak'at, re naq taaqayeechi'i re li Qaawa' li qaYos.

Génesis 35:7

Aran kixyiib' jun li artal ut “Yos re Betel” kixk'e cho'q xk'ab'a' li na'ajej a'an, xb'aan naq aran li Yos kixk'utb'esi rib' chiru naq yo chi elelik chiru li ras.

Génesis 35:1

Li Yos kixye re laj Jakob: “Xaqlin, taqen Betel ut kanaaqat aran. Toxaayiib' jun li artal cho'q re li Yos li kixk'utb'esi rib' chawu naq kat-elelik chiru laj Esaú laawas”.

Génesis 33:20

Chirix chik a'an kixwaklesi jun li artal, ut “El, xYos laj Israel” kixk'e cho'q xk'ab'a'.

Génesis 26:25

Toja' naq laj Isahak kixyiib' aran jun li artal ut kixyaab'a xk'ab'a' li Qaawa'. Sa' li na'ajej a'an kixyiib' li xmuheb'aal, ut eb' laj k'anjel ke'xb'ek jun xjulel li ha'.

Génesis 13:18

Toja' naq laj Abrán kixjal xna'aj li xmuheb'aal ut koxkanaaq wan wi' li ji re Mambré, aran Hebrón; ut aran kixyiib' jun li artal re li Qaawa'.

Génesis 13:4

a' li na'ajej kixyiib' wi' li artal xb'enwa ut kixyaab'a xk'ab'a' li Qaawa'.

Génesis 7:2

Taak'am wuqutq sumal li xul li neke'tiwe'k, teelom ut ixq; taak'am ajwi' jun sumalaq li ink'a' chaab'il, teelom ut ixq.

Génesis 4:4

Jo'kan ajwi' laj Abel kixmayejaheb' li xb'een raleb' li xkarneer ut chixjunil li xxeeb'ul. Li Qaawa' kisaho'k xch'ool rik'in laj Abel jo'wi' rik'in li xmayej,

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

Génesis 8:19

Ke'elk ajwi' chi ch'uutil sa' li jukub' kab'l chixjunileb' li xul, li ketomq, eb' li xik'anel xul ut li neke'xjukuki rib' chiru ch'och'.

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

Génesis 7:3

Jo'kan ajwi' wuqutq sumal li xul li neke'rupupik chiru choxa, tzo' ut tux, re naq chikole'q riyajileb' sa' ruuchich'och'.

Éxodo 29:18

ut taak'at chixjunil li karneer sa' li artal. A'an k'atb'il mayej cho'q re li Qaawa', sununkil b'ook, k'atb'il tzekemq cho'q re li Qaawa'.

Éxodo 29:25

Moqon taaxok sa' ruq'eb' ut taak'at sa' li artal, sa' xb'een li k'atb'il mayej, jo' sununkil b'ook chiru li Qaawa': a'an k'atb'il tzekemq sa' xk'ab'a' li Qaawa'.

Números 7:21

jun ral wakax, jun chib'aat, jun karneer aj junq chihab' cho'q re li k'atb'il mayej;