Génesis 7:21 - Q'eqchi Bible

²¹ Jo'kan naq kilaje'kamk chixjunileb' li wankeb' sa' ruuchich'och': eb' li xul li neke'xjukuki rib' chiru ch'och', eb' li neke'rupupik chiru choxa, li ketomq, chixjunileb' li xul ut chixjunil li na'eek'ank sa' ruuchich'och' ut chixjunileb' li tenamit.

Li Santil hu

²¹ Ut quilajeꞌcam chixjunileb li cuanqueb saꞌ ruchichꞌochꞌ. Queꞌcam chixjunil li xul li nequeꞌrupupic, joꞌ ajcuiꞌ li nequeꞌxjucuqui rib saꞌ chꞌochꞌ. Queꞌcam li queto̱mk joꞌ eb ajcuiꞌ li nequeꞌcuan saꞌ qꞌuicheꞌ. Ut chixjunileb li cristian queꞌcam.

Génesis 7:21 ပူးပေါင်းရင်းမြစ်များ

Génesis 6:13

Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'.

Génesis 7:4

Sa' wuqub' li kutan chik tintaqla li hab' sa' xb'een li ruuchich'och' chiru ka'k'aal q'oqyink, ut talajinsacheb' sa' ruuchich'och' chixjunil linyoob'tesihom”, chan li Qaawa'.

Génesis 6:17

Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q.

Romanos 8:20

Chixjunil li ruuchich'och' kiq'axtesiik rub'el xwankil li jo'maajo'il na'leb', moko rik'in ta naq kiraj xch'ool, rajom b'an li kiq'axtesink re. Ab'an wank royb'enihom:

2 Pedro 2:5

Jo'kan ajwi', us ta kixkol laj Noé, laj yehol resil li tiikilal, jo'wi' wuqub' chik rochb'eeneb', ab'an ink'a' kixkuy xmaak li ruuchich'och' kiwank najter; kixtaqla b'an li b'ut'iha' sa' xb'een li ruuchich'och' nujenaqeb' chi aj maak.

Romanos 8:22

Naqanaw naq chixjunil li wank junsut junrub'el choxa na'ayaynak chaq ut wank sa' rahilal jo' jun li ixq ok re chi alank.

San Lucas 17:27

Yookeb' chaq chi wa'ak chi uk'ak, yookeb' chi k'amok ut chi k'ame'k toj sa' li kutan ki'ok wi' laj Noé sa' li jukub' kab'l ut kichalk li b'ut'iha', kixsach chixjunileb'.

San Mateo 24:39

ut ink'a' ke'xtaw xyaalal toj kichalk li b'ut'iha' ut kilaje'jukuuk chixjunileb', jo'kanaq ajwi' sa' xk'ulunik li K'ajolb'ej.

Sofonías 1:3

Tinsach ruheb' li poyanam ut eb' li xul, tinkamsiheb' li xik'anel xul jo'wi' eb' li kar; teb'ink'e chi tichk'ok li ink'a' useb' xna'leb' ut twisiheb' li winq sa' ruuchich'och'”, chan li Qaawa'.

Joel 2:3

Chanchaneb' li xam li naxk'at chixjunil li k'aru wank chi uub'ej ut chi ixb'ej. Rub'elaj li xnumik jwal chaab'il li ch'och', ab'an naq ak xnume'k, junes joxk' ch'och' aj chik; tik maak'a' nakole'k chiru.

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Isaías 24:19

Li ruuchich'och' taa'eek'asiiq sa' xna'aj, taapuk'e'q, taa'itz'e'q toj reetal kok'putz' taakanaaq.

Isaías 24:6

Jo'kan naq li xmajewahom li Yos xchalk sa' xb'een li ruuchich'och', xsache'k ru chixjunil ut eb' li poyanam yookeb' chi k'uluk rahilal. Xb'aan li xmaa'usilaleb' yookeb' chi oso'k li tenamit ut yal wiib' oxib' aj chik xe'kanaak.

Génesis 1:25

Li Yos kixyoob'tesi chixjunileb' li xul li wankeb' sa' k'iche', a' yaal chanru li xpaayil, chixjunileb' li ketomq, a' yaal chanru li xpaayil, ut chixjunileb' li xul li neke'xjukuki rib' chiru ch'och', a' yaal chanru li xpaayil. Ut kiril naq us a'an.

Li xHu LAJ JOB 34:15

tookamq chiqajunilo ut toosutq'iiq wi' chik cho'q pojtz'.