Génesis 7:1 - Q'eqchi Bible

¹ Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Li Santil hu

¹ Li Ka̱cuaꞌ Dios quixye re laj Noé, —Anakcuan ocan saꞌ li jucub cab la̱at a̱cuochbeneb la̱ cualal a̱cꞌajol ut la̱ cuixakil, xban nak caꞌaj cuiꞌ la̱at ti̱c a̱chꞌo̱l chicuu saꞌ xya̱nkeb li cristian li cuanqueb saꞌ eb li cutan aꞌin.

Génesis 7:1 ပူးပေါင်းရင်းမြစ်များ

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Génesis 7:13

Sa' ajwi' li kutan a'an ki'ok laj Noé sa' li jukub' kab'l rochb'eeneb' li ralal, laj Sem, laj Kam ut laj Jafet. Ki'ok ajwi' li rixaqil ut chi roxichaleb' li ralib',

1 Pedro 3:20

Eb' a'an najter q'e kutan ink'a' ke'paab'ank naq ke'oyb'eniik xb'aan li xnimal xkuyum li Yos, sa'eb' li kutan naq laj Noé yo chaq chi xyiib'ankil li jukub' kab'l. Chisa' a'an ink'a' k'iheb' li ke'kole'k xb'aan li ha': yal waqxaqib'eb' ajwi'.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

San Lucas 17:26

“Li k'aru kik'ulmank naq kiwank laj Noé, taak'ulmanq ajwi' sa' xkutankil li K'ajolb'ej.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Proverbios 14:26

Li naroxloq'i li Qaawa', k'ojk'o li xch'ool chi junelik, ut eb' li ralal xk'ajol xaqxo li royb'enihomeb'.

Génesis 7:7

Laj Noé ki'ok sa' li jukub' kab'l rochb'eeneb' li ralal, li rixaqil ut li ralib'eb' re xkolb'aleb' rib' chiru li b'ut'iha'.

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Proverbios 10:9

Li tiik ru xyu'am, maak'a' naxxiwa; a'ut li ink'a' nawank sa' tiikilal sa' jun kutan taak'utunq li xlab'al xch'ool.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

2 Samuel 22:24

Xinwank chiru li Qaawa' chi maak'a' inq'usb'al, maajun sut xinb'aanu li maa'usilal.

Ezequiel 14:14

Ut wi sa' li tenamit a'an wanqeb' laj Noé, laj Danel ut laj Job, ka'ajwi' eb' a'an te'kole'q xb'aan li xtiikilaleb' xch'ool -chan li Qaawa'-.

Génesis 6:18

Ab'anan aawik'in tink'ojob' jun sumwank: tat-ok laa'at sa' li jukub' kab'l aawochb'eeneb' laawalal, laawixaqil ut eb' laawalib'.