Génesis 6:9 - Q'eqchi Bible

⁹ A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

Li Santil hu

⁹ Laj Noé aꞌan jun cui̱nk ti̱c xchꞌo̱l. Tzꞌakal re ru lix yuꞌam nak cuan saꞌ xya̱nkeb li ras ri̱tzꞌin ut ti̱c lix yuꞌam chiru li Dios. Aꞌan aꞌin retalil li ralal xcꞌajol laj Noé.

Génesis 6:9 ပူးပေါင်းရင်းမြစ်များ

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

2 Pedro 2:5

Jo'kan ajwi', us ta kixkol laj Noé, laj yehol resil li tiikilal, jo'wi' wuqub' chik rochb'eeneb', ab'an ink'a' kixkuy xmaak li ruuchich'och' kiwank najter; kixtaqla b'an li b'ut'iha' sa' xb'een li ruuchich'och' nujenaqeb' chi aj maak.

Génesis 7:1

Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Génesis 5:24

Laj Enok kiwank sa' sum'aatin rik'in li Yos. Sa' jun kutan ink'a' chik ki'ile'k ru, xb'aan naq kolsaapuuq xb'aan li Yos.

Gálatas 3:11

Ch'olch'o naq li Chaq'rab' maa'ani naxtiikob'resi xch'ool chiru li Yos, xb'aan naq naxye li Santil Hu: “Li tiik xch'ool taawanq xyu'am xb'aan li xpaab'aal”.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 5:22

Laj Enok kiwank sa' sum'aatin rik'in li Yos. Chirix xyo'lajik laj Matusalén toj o'lajuk'aal (300) chihab' chik kiyo'yook laj Enok sa' ruuchich'och', ut ke'wank ralal xk'ajol.

Ezequiel 14:14

Ut wi sa' li tenamit a'an wanqeb' laj Noé, laj Danel ut laj Job, ka'ajwi' eb' a'an te'kole'q xb'aan li xtiikilaleb' xch'ool -chan li Qaawa'-.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Génesis 2:4

A'an a'in li xtiklajik li choxach'och', naq ke'b'aanuuk xb'aan li Yos. Naq li Qaawa' Yos kixb'aanu li choxach'och',

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Eclesiastés 7:20

Ab'anan moko wank ta junaq tiik xch'ool sa' ruuchich'och' li tixb'aanu li us chi junelik, chi ink'a' ta taamaakob'q.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

Ezequiel 14:20

ut wi wanqeb' aran laj Noé, laj Danel ut laj Job, ninye li waatin naq moko te'ruhanq ta xkolb'aleb' li ralal xk'ajol; ka'ajeb' wi' a'an te'kole'q xb'aan xtiikilal xch'ooleb' -chan li Qaawa'-.

Li xHu LAJ JOB 1:8

Ut li Qaawa' kixye re: —Ma xak'e reetal laj Job laj k'anjel chiwu? Maajun junaq jo' a'an sa' ruuchich'och'. A'an jun li winq tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Romanos 1:17

Xb'aan naq li Chaab'il Esilal naxk'ut naq li Yos natiikob'resink ch'oolej sa' xk'ab'a' li paab'ank ut cho'q re li paab'ank, jo' tz'iib'anb'il sa' li Santil Hu: “Li tiik xch'ool twanq xyu'am xb'aan li xpaab'aal”.

San Lucas 23:50

Kiwank jun li winq, aj José xk'ab'a', xkomoneb' laj k'amol b'e, chaab'il ut tiik xch'ool. A'an aj Arimatea, jun tenamit sa' xteepal Judea. Naroyb'eni li xnimajwal awab'ejihom li Yos ut ink'a' kixk'ul xch'ool li b'arwan ke'xk'uub' ut ke'xb'aanu eb' laj k'amol b'e.

San Lucas 2:25

Aran Jerusalén wank jun li winq, aj Simehón xk'ab'a': li winq a'an tiik xch'ool ut aj paab'anel, yo chi royb'eninkil li xk'ojob'ankil xch'ool li tenamit Israel; ut li Santil Musiq'ej wank chi xb'een.

Habacuc 2:4

Taa'oso'q li ink'a' tiik ru xyu'am, ab'an li tiik xch'ool taawanq xyu'am xb'aan li xpaab'aal”.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Salmos 37:37

Il li tiik xch'ool ut k'e reetal li chaab'il xna'leb': ani nawank sa' tuqtuukilal, te'wanq ralal xk'ajol;

2 Crónicas 15:17

Ab'anan ink'a' ke'juk'mank eb' li tijob'aal chi xjolomeb' li tzuul, us ta laj Asá q'axal tiik xch'ool chirix li Qaawa', chiru chixjunil li xyu'am.

Génesis 48:15

Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Li xHu LAJ JOB 12:4

Junelik xinwank sa' tiikil ch'oolej, ut li Yos junelik xsume lintz'aamahom. Ab'an anaqwan a'eb' ajwi' li wamiiw nikine'xse'e.

1 Reyes 3:6

Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.

2 Crónicas 25:2

Kixb'aanu li nawulak chiru li Qaawa', ab'an ink'a' kixb'aanu chi anchal xch'ool.

Génesis 10:1

A'aneb' a'in li ri xmam laj Noé, ralaleb' laj Sem, laj Kam ut laj Jafet, li ke'yo'laak chirix li b'ut'iha'.

Génesis 5:1

A'aneb' a'in li xk'ab'a'eb' li ralal xk'ajol laj Adán. Sa' li kutan kiyoob'tesiik wi' xb'aan li Yos, laj Adán kik'ehe'k jo' xjalam u li Yos.

Génesis 6:10

Laj Noé kiwank oxib' li ralal: laj Sem, laj Kam ut laj Jafet.

Deuteronomio 18:13

Tz'aqalaq aawe aawu rik'in li Qaawa' laaYos,

2 Samuel 22:24

Xinwank chiru li Qaawa' chi maak'a' inq'usb'al, maajun sut xinb'aanu li maa'usilal.

Salmos 37:39

Rik'in li Qaawa' nachalk chaq xkolb'aleb' li tiikeb' xch'ool: A'an li xkawub' xch'ooleb' naq wankeb' sa' rahilal.