Génesis 6:3 - Q'eqchi Bible

³ Toja' naq kixye li Qaawa': “Ink'a' chik taawanq chi junajwa linmusiq' rik'ineb' li winq xb'aan naq yal tib'elejeb'. Ka'ajaq aj chik waqk'aal (120) chihab' li xyu'ameb'”.

Li Santil hu

³ Li Ka̱cuaꞌ Dios quixye: —Lin musikꞌ incꞌaꞌ ta̱cua̱nk riqꞌuineb chi junelic xban nak yal cristianeb. Incꞌaꞌ najt rok lix yuꞌameb tinqꞌue. Jun ciento riqꞌuin junmay (120) chihab ajcuiꞌ teꞌcua̱nk li cristian junju̱nk saꞌ ruchichꞌochꞌ, chan li Dios.

Génesis 6:3 ပူးပေါင်းရင်းမြစ်များ

Nehemías 9:30

Chiru k'iila chihab' kakuyeb', kak'e xna'leb'eb' rik'in laamusiq' ut chi xtz'uumal reheb' laapropeet. Ab'an eb' a'an ink'a' ke'ab'ink; jo'kan naq kaq'axtesiheb' sa' ruq'eb' li tenamit wankeb' sa' ruuchich'och'.

Jeremías 11:11

Jo'kan naq tintaqla chaq jun nimla rahilal sa' xb'eeneb' ut ink'a' te'xkol rib' chiru. Us ta japjo'qeb' re chi xpatz'b'al xtenq'ankileb' chiwu, ink'a' tin'ab'inq chiruheb'.

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Salmos 78:39

Xb'aan naq wank sa' xch'ool naq yal kaameleb', kama'eb' li iq' li nanume'k ut ink'a' chik nasutq'iik chaq.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

1 Ts 5:19

Meechup li Musiq'ej.

San Juan 3:6

Li yo'lajenaq rik'in tz'ejwalej a'an tz'ejwalej, ut li yo'lajenaq rik'in li Musiq'ej a'an musiq'ej.

Isaías 5:4

K'a' raj chik ru xinb'aanu re li wawimq? Malaj wank k'aru ink'a' xinb'aanu re? Xwoyb'eni ki'il uub'; k'a'ut naq junes ra re li uub' xk'e?

Jeremías 11:7

Naq ke'wisi chaq Ejiipt eb' leena' leeyuwa', kinye reheb' naq tine'xpaab', ut chalen toj anaqwan junelik yookin cheq'usb'al: Ab'ihomaq xyaab' linkux, chankin.

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Salmos 90:10

Ka'aj chik lajeetq kaak'aal chihab' li qayu'am, malaj kaak'aal chihab', wi toj kawo; ab'an junes rahilal ut xtawasinkil qib' naqak'ul: sa' junpaat neke'nume'k ut laa'o nokoo'oso'k.