Génesis 5:22 - Q'eqchi Bible

²² Laj Enok kiwank sa' sum'aatin rik'in li Yos. Chirix xyo'lajik laj Matusalén toj o'lajuk'aal (300) chihab' chik kiyo'yook laj Enok sa' ruuchich'och', ut ke'wank ralal xk'ajol.

Li Santil hu

²² Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Génesis 5:22 ပူးပေါင်းရင်းမြစ်များ

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Malaquías 2:6

Laj Leví kixch'olob' chi tz'aqal re ru li yaal ut maajun maa'usilal ki'elk chi xtz'uumal re; kinrochb'eeni rik'in tuqtuukilal ut tiikil ch'oolej, ut naab'al kixkoleb' chiru li maak.

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Salmos 116:9

Tinb'eeq chiru li Qaawa' sa' xna'ajeb' li yo'yookeb'.

Levítico 26:12

tinwanq sa' eeyanq, ut laa'inaq leeYos ut laa'exaq intenamit.

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

1 Ts 4:1

Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

Efesios 5:15

Jo'kan utan, k'ehomaq reetal chi us chanru leeyu'am: ink'a' jo'kaqex li maak'a'eb' xna'leb', jo'kaqex b'an li wankeb' xna'leb'.

Génesis 48:15

Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Génesis 24:40

Toja' naq a'an kixye we: «Li Qaawa', li junelik xink'e inch'ool chi xpaab'ankil, tixtaqla li x'ánjel chawochb'eeninkil ut a'an tatxtenq'a sa' laab'eenik re naq us tat-elq. Chi jo'kan taataw rixaqil li walal sa' xyanqeb' linkomon, sa' rochoch linyuwa'.

Colosenses 4:5

Chiwanq eena'leb' sa' xyanqeb' li maawa'eb' kristiyan, ut meekoleb' li kutan a'in.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Romanos 8:1

Jo'kan utan, maak'a' chik tojb'amaak sa' xb'eeneb' li wankeb' rik'in li Kristo Jesus.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Miqueas 4:5

Eb' li tenamit junch'ol neke'xloq'oni ut neke'xpaab' li xyoseb', a'ut laa'o junelik naqapaab' ut naqaloq'oni li Qaawa' li qaYos.

Amós 3:3

Ma na'uxk tab'i' b'eek sa' wiib'al wi ink'a' wankeb' sa' aatin?

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Cantares 1:4

K'amin chawix, aanilaqo! Chinaawoksi sa' laawarib'aal, at in'awab'ej, re toosaho'q ut tooninq'ehiq qakab'ichal, ut q'axal chik tqayal xsahil laarahom chiru li b'iin! Jo'kan pe' naq raarookat!

Salmos 128:1

B'ich re li taqsink. Us xaq reheb' li neke'roxloq'i li Qaawa' ut neke'xtaaqe chixjunileb' li xb'e.

Salmos 86:11

Chak'ut taxaq chiwu laab'e, at Qaawa', re naq tinwanq sa' xyaalal; chak'e taxaq naq junes a'in tinsik': xpaab'ankil ut roxloq'inkil laaloq'laj k'ab'a'.

Salmos 56:13

At inYos, ninye li waatin naq tinb'aanu li k'aru xinyeechi'i aawe; tinloq'oninq, tinmayejaq chawu rik'in yoxink,

Salmos 26:11

A'ut laa'in wankin sa' xyaalalil; chinaakol taxaq ut chawuxtaana wu.

Salmos 16:8

Junelik nink'oxla li Qaawa'; wi wank chink'atq, ink'a' taach'inanq li waanm.

2 Reyes 20:3

“At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

1 Reyes 2:4

Chi jo'kan li Qaawa' tixb'aanu li kixyeechi'i we naq kixye: «Wi eb' laawalal tine'xpaab' anchaleb' xch'ool ut anchaleb' raanm, wi chaab'il te'wanq ut tiikaqeb' xch'ool, junelik eb' laawalal te'wanq sa' li k'ojarib'aal chi rawab'ejinkileb' laj Israel».

Deuteronomio 28:9

“Li Qaawa' tatxxaqab' cho'q loq'laj tenamit, kama' xyehom aawe sa' jurament, wi taapaab' li xchaq'rab' li Qaawa' laaYos ut taataaqe li xb'e.

Deuteronomio 13:4

A' li Qaawa' leeYos teetaaqe ut ka'ajwi' A'an teeroxloq'i; teepaab' li xchaq'rab' ut teerab'i li xyaab' xkux, texk'anjelaq chiru ut wanqex rik'in chi junelik.

Deuteronomio 5:33

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

Éxodo 16:4

Kixye li Qaawa' re laj Moisés: “K'e reetal, laa'in tintaqla chaq sa' eeb'een li choxahil wa. Te'elq li tenamit wulaj wulaj chi xxokb'al xwaheb' re li junjunq chi kutan; chi jo'kan tinyaleb' rix re xnawb'al ma yookeb' chi xpaab'ankil linchaq'rab' malaj ut ink'a'.

Génesis 5:24

Laj Enok kiwank sa' sum'aatin rik'in li Yos. Sa' jun kutan ink'a' chik ki'ile'k ru, xb'aan naq kolsaapuuq xb'aan li Yos.

1 Corintios 7:17

Li junjunq chiwanq jo' chanru k'eeb'il re xb'aan li Qaawa'; chiwanq jo' b'oqb'il wi' li junjunq xb'aan li Yos. A'an a'in li ninchaq'rab'iheb' wi' chixjunileb' li Iklees.

Génesis 5:21

Laj Enok oob' xkaak'aal (65) chihab' wank re naq kiyo'laak laj Matusalén.

Génesis 5:23

Chixjunil li xyu'am laj Enok a'an oob' xb'eleelajuk'aal (365) chihab'.