Génesis 49:8 - Q'eqchi Bible

⁸ “Ut laa'at, Judá, te'xnima aawu eb' laawas aawiitz'in: taak'e laawuq' sa' xb'een xjolomeb' li xik' neke'ilok aawe, ut eb' li ralal laayuwa' te'xk'utzub' rib' chawu.

Li Santil hu

⁸ La̱at, Judá, eb la̱ cuas ut eb la̱ cui̱tzꞌin tateꞌxqꞌue saꞌ xnakꞌ ruheb. Ta̱cua̱nk ajcuiꞌ a̱cuanquilal saꞌ xbe̱neb li xicꞌ nequeꞌiloc a̱cue. Eb la̱ cuas ut eb la̱ cui̱tzꞌin teꞌxqꞌue a̱cuanquil.

Génesis 49:8 ပူးပေါင်းရင်းမြစ်များ

Hebreos 7:14

Ch'olch'o naq li Qaawa' yo'lajenaq chaq rik'in laj Judá; ut chirix li teepal a'in maak'a' kixye laj Moisés naq ki'aatinak chirix xk'anjeleb' laj tij.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

1 Crónicas 5:2

Chirix chik a'an laj Judá kinimank xwankil chiruheb' li riitz'in ut sa' xyanqeb' a'an ki'elk jun aj jolominel;

Josué 10:24

Naq ak wankeb' chik rik'in laj Josué, a'in kixb'oq chixjunileb' laj Israel ut kixye reheb' li xjolomileb' laj puub' li neke'ochb'eenink re: “Jilonqex chaq ut k'ehomaq leeroq sa' xb'een xkuxeb' li awab'ej a'an”, chan. Ut jo'kan ke'xb'aanu.

Deuteronomio 33:7

Cho'q re laj Judá kixye a'in: “At Qaawa', chawab'i xyaab' xkux laj Judá ut chak'am xb'e chi xik rik'in li xtenamit. Li ruq' taakoloq re ut laa'ataq laj tenq' re sa' xb'eeneb' li xik' neke'ilok re”, chan laj Moisés.

Génesis 29:35

Kisiyank wi' chik, kiwank xka xk'uula'al, aj Judá xk'ab'a', ut kixye: “Anaqwan tinloq'oni li Qaawa'”. Chirix chik a'an ink'a' chik ki'alank.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

Hebreos 10:13

yo chi royb'eninkil naq taawulaq xq'ehil naq te'k'ehe'q rub'el roq eb' li xik' neke'ilok re.

Ezequiel 21:29

Moko yaal ta li k'aru neke'ril sa' moy u ut junes tik'ti' li neke'xye naq neke'q'ehib'k. Te'kamsiiq chi q'esnal ch'iich' eb' a reemaaru aj maak a'an. Ak xwulak xkutankil li xtojb'al rix li xmaakeb'.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 76:1

Re li xjolomileb' laj b'ichanel. Rik'ineb' li wajb' li wankeb' li ru. Xsaalm ut xb'ich laj Asaf.

2 Crónicas 30:11

Wankeb' ajwi' winq aj Aser, aj Manasés ut aj Sabulón li ke'xkub'si xwankileb' chiru li Qaawa' ut ke'chalk Jerusalén.

2 Crónicas 17:2

Kixk'eheb' aj puub' sa' chixjunileb' li tenamit kawub'resinb'ileb' sa' xteepal Judá ut kixxaqab'eb' aj taqlanel sa' xteepal Judá ut sa'atqeb' li tenamit re Efraín, li kireechani laj Asá li xyuwa'.

2 Crónicas 15:9

Kich'utub'eb' chixjunileb' laj Judá, eb' laj Benjamín, laj Efraín, laj Manasés ut eb' laj Simehón li wankeb' sa' xyanqeb' (xb'aan naq naab'aleb' aj Israel ke'q'axonk rik'in laj Asá, naq ke'xk'e reetal naq li Qaawa' li xYos yo chi xtenq'ankil laj Asá).

2 Crónicas 14:8

Laj Asá kiwank o'lajuk'aal mil (300,000) aj puub', juneseb' aj Judá, wankeb' xkolb'aleb' rib' ut xjutz' ch'iich'eb', ut kaalajuk'aal mil (280,000) aj puub' re Benjamín, wankeb' xkolb'aleb' rib' ut neke'xnaw simajib'k. Chixjunileb' a'an yo'ooneb' chi yalok.

2 Samuel 24:9

Laj Johab kixye re li awab'ej jarub'eb' li tenamit: wiib' o'q'ob' mil (800,000) chi winq yo'ooneb' chi yalok sa' xyanqeb' laj Israel, ut o'k'aal xkab' o'q'ob' mil (500,000) sa' xyanqeb' laj Judá.

2 Samuel 22:41

xak'eheb' chi elelik li xik' neke'ilok we, ut xinjuk'eb' li jo'k'ihaleb' neke'tz'eqtaanank we.

2 Samuel 5:3

Jo'kan naq chixjunileb' li xcheekal winqul laj Israel ke'wulak Hebrón rik'in li awab'ej, ut laj David kixk'uub' jun sumwank rik'ineb' aran Hebrón, chiru li Qaawa', ut kiyule'k cho'q awab'ej re Israel.

Jueces 20:18

Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.

Números 26:22

A'aneb' a'in li xch'uutal eb' laj Judá. Waqlaju xkaak'aal mil rik'in o'k'aal xkab' o'q'ob' (76,500) chixjunileb'.

Números 10:14

k'amol b'e li xb'anteereb' li ralal xk'ajoleb' laj Judá li wankeb' chi ch'uutal. Laj Najsón, ralal laj Aminadab, a'an li najolomink reheb';

Números 1:27

ke'ajlaak: kaalaju xkaak'aal mil rik'in lajeek'aal xkab' o'q'ob' (74,600).

Génesis 46:12

Eb' li ralal laj Judá: laj Er, laj Onán, laj Selá, laj Perés ut laj Séraj (ab'anan laj Er ut laj Onán ak ke'kamk chaq Kanahán), ut eb' li ralal laj Parés: laj Jesrón ut laj Jamul.

Génesis 42:6

Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

Números 26:20

Jo'kan naq eb' li xch'uutal laj Judá a'aneb' a'in: eb' laj Selá, laj Perés ut laj Séraj.

1 Crónicas 28:4

Li Qaawa', xYos laj Israel, a'an li kisik'ok wu sa' xyanqeb' chixjunil li junkab'al cho'q awab'ej re Israel chi junelik. Xb'aan naq a'an kixsik' ru laj Judá cho'q aj k'amol b'e, ut sa' xteepal Judá kixsik' ru linjunkab'al; ut sa' xyanqeb' li was kixsik' wu laa'in cho'q awab'ej sa' xb'een chixjunil Israel.

Josué 15:20

A'an a'in li reechanihom li xteepal laj Judá, a' yaal chanru xk'ihaleb' li junjunq ch'uutal.